¹ Kabiji malaika wa busatu na bubiji naye waimbile ntolompita yanji. Amiwa namweene kabangabanga kaponene pa ntanda kufuuma mwiulu. Kabangabanga bamupeele kiwa ku kalengwa kabula kupela. ² Aye washinkwile kalengwa kabula kupela, ne bwishi bwafitulukile peulu kufuuma mu kalengwa nobe bwishi bufuuma mu kibili mukataampe. Juuba ne mumweela monse mwa alukiletu bwi na bwishi bwafuminenga mu kalengwa. ³ Kufuuma monka mu bwishi mwafuumine nzhiye kwiya pano pa ntaanda, kabiji ayo baipele bulume byonka biji bwa tuminye pano pantanda. ⁴ Beyambijile kubuula konauna nsoono pa ntanda nangwa kijikyonse kya mazhamataamba kimena nangwa kichi, bino kanaatu baantu abo babujile kayuukilo ka Lesa pa bilungi byabo. ⁵ Kabiji kechi beiswishishe kwipaya abo baantu ne, bino kanatu kwiba manyika ba ngondo bataanu. kukola kwabyo kwajinga nobe lumuna wa kaminye byo kasuma muuntu. ⁶ Mu ao mooba baantu basakiisha lufu bino kechi bake lumona ne. Abo bakasakishatu kufwa, bino luufu lukebanyema. ⁷ Ayo nzhiye yamweekelenga nobe bambili boba teyanya kuya ku nkoondo. Pa mitwe yabyo pajiinga nobe bisochi bya kufuuma bya ngolode, ne biluungi byabo byajinga nobe biluungi bya baabtu. ⁸ Byajinga na nsuki nobe nsuki ya mwaanamukazhi ne meeno abyo ajinga nobe meeno a bookwe. ⁹ Byajiinga na bilamakyaji nobe bilamakyaji bya kapotwe, ne kululuma kwa byapi byabyo kwajiinga nobe kululuma kwalengwa na makalaki avuula ne baambili banyema lubilo ku nkondo. ¹⁰ Byajinga na mikiila iji na lumuna nobe tuuminye, mu mikiila yabyo byajinga na buluume bwa konauna baantu bangondo bataanu. ¹¹ Byajiinga nobe mfuumu pe abo aye malaika wa kalengwa kabuula kupela. Jizhiina janji muki Hebelu Abadoni, ne muki Ngiliki ye Apolyona. ¹² Atanshi malwa apita, talai! pakupita bino kukiji malwa akwaabo abiji akeyako. ¹³ Kabiji malaika wabuutanu naumo waimbile ntolompita yanji, kabiji amiwa naumvwine jiwi kufuuma ku nsengo ya ku kyakusokelapo byakufuutumuna kya ngolode kiji ku menso a Lesa. ¹⁴ Kya ambilenga kwi malaika wa butaanu na buumo wajiinga na ntolompita amba, "kasulula aba ba malaika baana bakashilwe kumukola mukatampe ufelata." ¹⁵ Ba malaika baana abo bajiinga mukupekanyishiwa pa kyokya kimye, aja juuba, ao ngondo, ne awa mwaaka bakasuulwilwe ku kwipaya lubaji luumo lwa pa lubaaji lusaatu lwa misango ya baantu. ¹⁶ Nambaala ya mashiilikale bajinga panyuuma a bambili bajiinga 200,000,000. Amiwa naumvwine nambaala yabo. ¹⁷ Abino byo namweene banmbili mu kimweesho kyaami ne booba baikajilepo pe abo: Bilamabyaji byabo byajinga bya chijisha, kufiita kifufya ne buswi bwakibobo nobe kibiliki. Mitwe yaba mbili yapashangene mitwe ya mabokwe, kabiji mu tunwa twabyo mwafuminenga mujilo, bwishi, ne kibiliki. ¹⁸ Ne lubaji lumo lwa pa lubaji lusatu lwa baantu lwa ipailwe ku ino myaalo isaatu, mujilo, bwishi ne kibiliki akya kyafuminenga mutunwa twaabo. ¹⁹ Maambo buluume bwa bambili bwajinga mutuunwa twabo ne mu mikila yabyo_ maambo mikila yabyo yajiinga nobe miloolo, iji na mitwe yonkayo yabya kozhelangako baantu kwi boba bilonda. ²⁰ Ne bashajilepo misango ya baantu, abo babujiilwe kwipaiwa na ino myaalo, kechi balapijile ku mingilo ya kumaaboko abo ne, nangwa kuleka kupopwela bandemona ne bankishi ba ngolode, siliva, lubemba, mabwe, ne ba bichi _ biintu abya bibula kumona kumvwa nangwa kwenda ne. ²¹ Nangwatu abo kulapila ku kwipayangana kwabo ne, nangwa kubya bunganga bwabo bwa lubuuko ne, nangwa ku bulalelale nangwa byubilo bya kwabo ne.