¹ Kabiji namweene mukwaabo malaika wakosa saaka ekila panshi kufuuma mwiulu. Aye wa vwikilwe mujikuumbi, kabiji kwajiinga kakongolo peulu ya mutwi wanji. Aye kilungi kyajinga nobe juuba ne mauulu anji ajinga nobe mimbulungwa ya mujilo. ² Aye washilwile ka muvuungilo ka cheche, ako kanshinkwilwe mukubooko kwanji. Wabikile ne kuulu kwanji kwakiluujo pa kaluunga ne maulu anji ajinga nobe mimbulungwa ya mujilo. ³ Kabiji aye wabijikile mu jiwi jikataampe nobe bookwe byo emba. Byo a bijikilenga, bilulumo bitaanu na bibiji byasanswile mawi abyo. ⁴ Bilulumo bitaanu na bibiji byo byaambile amiwa nashi nkaneembe, bino naumvwine jiwi kufuuma mwiulu amba, "nshinkapo pa bya amba bilulumo bitaanu na bibiji. Leka kwibineemba." ⁵ Kabiji malaika ye namweene saka aimana pa kaluunga ne pa mushiji wasuntwile kubooko kwanji kwa kilujo mwiulu. ⁶ Aye wachipile na umo wikaala myaaka ne myaaka, aye walengele mwiulu ne byonse bijimo, nntaanda ne byoonse bijipo, ne kaluunga ne byoonse bijimo, kabiji malaika wa ambile amba,, ''kechi kusakwikala kubaanda jikwaabo ne. ⁷ Bino pa juuba jo akooba amba ke embe ntolompita malaika wabutaanu na bubiji, kabiji kyafyamika kya Lesa kikobiwa, byonka byo ashimwiine maambo anji awaama ku bakaluume banji bangauzhi." ⁸ Jiwi jo naumvwine kufuuma mwiulu ja ambile kwi amiwa jikwaabo amba: "Yanga, utaambule muvungilo washinkuka uji mukuuboko kwa malaika waimana pa kaluunga ne pamushiji." ⁹ Kabiji amiwa naile kwi malaika ne kumwambila aye nkuupe amiwa ka muvungilo kacheche. Aye wa ambile kwi amiwa amba , Tambula muvuungilo ne kumuja. Usakulenga munda moobe kuluula , bino mukaanwa kobe musakwikala mwatobala nobe buuki." ¹⁰ Amiwa nataambwile ka muvuungolo kacheche, kufuuma ku kubooko kwa malaika ne kwi kaja. Ako kajiinga katobala nobe buuki mu kanwa kami, bino pakupwisha kwi kaja, muunda mwami mwa alukile ke mwalula. ¹¹ Kabiji umo wa ambile kwi amiwa amba, "Obewa wafwainwa kwaula jikwabo pamaambo a baantu bavuula, mikoka, mituundu ne mafuumu.