¹ Kabiji aye mwaana mukoko byo ashinkwile katetesho ka butaanu na bubiji, ponkaapo mwazhindaminetu nzoo mwiulu kakimye kampe ne kufika pakachi ka kimye kimo. ² Kabiji namweene aba ba malaika bataanu na babiji baimaana ku menso a Lesa, kabiji bebapele matalompita atanu na abiji. ³ Kabiji malaika mukwabo washinkwile, saka akwaata kya kyakusokelapo byakufutumuna bya Golode. Byakufutumuna byavuula bya pelwe kwi aye amba aye ebipane na milombelo ya bonse baantu ba Lesa pa kyakusokelapo byakufutumuna ku jitaanda. ⁴ Ne bwishi bwa byakufutumuna byafutumukile - na milombelo ya bazhijikwa _ kumenso a Lesa kufuuma ku kubooko kwa aye malaika. ⁵ Kabiji aye malaika washikwile mbabula wiiyuzha na mujiilo wa pa kyakusokelapo byakufutumuna. kabiji wikitaile panshi ya panopantaanda, ponkapo ke bilulumo, ne mawi, ne kubesha, ne kiteentashi. ⁶ Ne aba bamalaika bataanu na babiji bajinga na matolompita atanu na abiji ba nengezhezhenga kwi emba. ⁷ Ne awa malaika mutanshi waimbile tolompita yanji, kabiji kwajinga mvula ya mabwe ne mujilo byavwangakana na mashi. Kya elelwe panshi kuya pantaanda pakuuba amba lubaji luumo lwapalubaji lusaatu lwasokelwe, lubaji lumo lwapa lubaji lusaatu lwa bichi lwasokelwe, ne byonse bya mazha mataamba bya sokelwe. ⁸ Ne malaika wa bubiji naye waimbile ntolompita yanji, ponkaapo kyaubile nobe mutumba mukataampe utema na mujilo waelelwa mu kaluunga. Ne ⁹ lubaji lumo lwapalubaji lusatu lwa alukile mashi. Ponkaapo ne lubaji lumo lwapalubaji lusatu lwa binyaama bya pa kaluunga byafwile, ne lubaji lumo lwapalubaji lusatu lwa maato lwa onaikilwe. ¹⁰ Ne aye malaika wa busaatu waimbile ntolompita yanji, ponkaapo mwiulu mwaponene kabangabanga kakataampe, kasa kateema nobe nsoko, ¹¹ Jizhina ja kabangabanga ku kulula. Ne lubaji limo lwa pa lubaji lusatu lwa meema lwa lujile, kabiji baantu bavuula bafwile kufuuma ku meema a lujile. ¹² Malaika wa buna waimbile ntolompita yanji, ne lubaji lumo lwa pa lubaji lusatu lwa pa juuba lwa puminwe, byonkabyo ne lubaji lumo lwapa lubaji lusatu lwa pa ngondo, ne lubaji lwa pa lubaji lusaatu lwa tubaangabanga. Nanchi lubaji lumo lwapa lubaji lusatu lwa juuba jimo ne lubaji lumo lwapa lubaji lusatu lwa bufuku kechi byaji na kyeeya ne. ¹³ Amiwa natajile, kabiji naumvwine mpungu awa wa tumbukilenga peulu ya mitwe saka eta na jiwi jikataampe amba, "malwa, malwa, malwa, kuboba bekala pa ntaanda, maambo a ma ntolompita akwaabo ashalako kuvumishiwa ao aji pabwipi mu kuvumishiwa na ba malaika basatu."