¹ Pa kupiita bimye namweene bamalaika bana kasa baimaana ku makonka ana a panopantanda, kasa bakwaata luvuula luna lwa panapantanda pakuuba amba kafwako luvuula nangwa limo lupuupa panopantanda, nangwa pa kaluunga , nangwa pa bichi ne. ² Kabiji namweene ne malaika mukwabo una kufuuma ko jiselela juuba, kasa aji ne kayuukilo ka aye Lesa muumi. Waajijile na jiwi jikataampe kwi aboa bamalaika baana bobapele luusa lwa konauna ntanda ne kaluunga: ³ "Kwiyonauna ntanda ne, nangwa kaluunga, nangwa bichi ne poso tukabike kayukilo pa bilungi bya kaluume wa Lesa wetu" ⁴ Kabiji naumvwine bebabujile bo babikilepo kayuukilo: bajinga 144000 byo babikilepo kayuukilo ba mumikoka yoonse ya beena Isalela. ⁵ Biumbi jikuumi na bibiji ba ku mukoka wa Yuda bebabikile kayuukilo, biumbi jikumi na bibiji ku mukoka wa Lubeni, biumbi jikuumi na bibiji ku mukoka wa Godi, ⁶ Biumbi jikuumi na bibiji ba ku mukoka wa Ashela, biumbi jikumi na bibiji bakumukoka wa Nafitali, biumbi jikuumi na bibiji ba kumukoka wa Manase ⁷ Biumbi jikuumi na bibiji ku mukoka wa Shimeona, kabiji biumbi jikuumi na bibiji ku mukoka wa Levi, biumbi jikumi na bibiji ku mukoka wa Isalela, ⁸ Biumbi jikumi na bibiji ku mukoka wa Zebuluna, biumbi jikumi na bibiji ku mukoka wa Yosefwa, biumbi jikumi na bibiji ku mukoka wa Benjamina nabo be babikile kayuukilo. ⁹ Pakupita kwa bibye bintu namweene, jibumba jikataampe jo babula kukonsha kubala ku umo ne_ bafuma mu mikoka yoonse, ne mubisaaka byoonse, ne mu mituundu yonse, ne njimi yonse ya baantu_kasa baimana ku menso a jitanda ne ku menso a mwaana mukooko. Kasa bavwala bivwalo bitooka ne mapamba a bisonga mu maboko abo, ¹⁰ Kabiji bajijile na jiwi jikataampe: "Lupulukilo lwsikale kwi anweeba Lesa wetu, aye waikala pa jitaanda ne kwi mwaana mukoko!" ¹¹ Ne bamalaika boonse kasa baimaana bazhokolokele jitaanda ne aba bakuluumpe ne aba bomi baana, kabiji baponene panshi ku menso a jitanda. kabiji bapopwejile Lesa, ¹² Amba, Amena! lutakaiko, ne lukuumo, ne maana, ne saante, ne buunene, ne buluume, ne ngovu, bikale kwi Lesa wetu myaaka ne myaka! Amena!" ¹³ Kabiji umo wa aba bakuluumpe wangipuzhile amiwa , Abe bobanganyi, bivwalo bitooka , kabiji bafuumine pi?" ¹⁴ Naambile kwi aye, "Mwaane , anweeba mwayuuka, " Ne aye waambile kwi amiwa, "Bano bo bafuma mu aamalwa akataampe. abo baovwa bivwalo byabo ne kwibitokesha mu maashi a mwaana mukooko. ¹⁵ Na onkao maambo, baji ku menso a jitanda ja Lesa , kabiji bamupopwela aye mute ne buufuku moonka mu nzubo yanji yazhila. Umo waaikala pajitaanda ukebavweta na tente wanji. ¹⁶ Kabiji kechi bakonvwa nzala jibiji ne.nangwa kunvwa kilaka jibiji ne. Ne mute kechi ukebakatazha ne, nangwa kyuya ne. ¹⁷ Mambo aye mwaana mukoko uji mu bukata bwa jitanda ukekala kafuunga waabo, kabiji aye ukebatangijila abo ku nsulo ya mema a bumi, Ne Lesa ukashimuna mipolo yonse ku menso abo