¹ Namwene aye mwaana mukoko byo ashinkwile katetesho kamo ka atwa tutetesho tutanu na tubiji, Kabiji naumvwine umo wa aba bomi bana kasa bamba na jiwi nobeja kilulumo, "Iya!" ² Namwene ponkapo ke ku mbili utoka. Ne aye waikalapo wajinga na buta bwa muketo, kabiji bamupele ne kibangula. Kabiji wailenga na kushinda amba nkashinde. ³ Kabiji byo ashinkwile kateetesho ka bubiji, naumvwine awa muumi wa bubiji amba, "Iya!" ⁴ Ponkapo mbili mukwabo wachiluluuka walupukiile _ kabiji kwi aye waikalapo bamupeele luusa amba afuumye muteende pano pantanda, pakuuba amba baantu beipaye beene na beene. Kabiji bamupele ne lupanga lukaatampe. ⁵ Mwaana mukooko byo ashinkwile kateetesho ka busatu, naumvwine awa mumi wa busatu amba, "Iya!" namweene mbili ufiita, kabiji ne aye waikalapo wajinga na kipimo mu kubooko kwanji. ⁶ Naumvwine kyaubile nobe jiwi muboba bomi bana amba, "Kipimo kya wichi ndenali umo, ne bipimo bisatu bya mbaale nabyo ndenali umo.Bino kechi mukonaune maanyi ne binyu ne." ⁷ Kabiji mwaana mukooko byo ashinkwile katetesho ka buna, naumvwile jiwi ja awa mumi wa buna amba, "Iya!" Kabiji namweene mbili watubuluuka . Ne aye waikalapo jizhina Janji lufu, ne kaluunga ke kamulondele. ⁸ Kabiji bebapele luusa pa lubaji lumo lwa pa luna lwa pano pantaanda, lwa kwibepaya na Lupaanga, ne na Nzala ne musongo ne banyaama ba mungye ba panopantanda. ⁹ Kabiji mwaana mukooko byo ashinkwile kateteesho ka butaanu, namweene munshi ya kyakusokelapo byakufutumuna na myeo ya boba bo baipailwe na mambo a Lesa ne Lushimuno lo balamine. ¹⁰ Kabiji bajijile jiwi jakataampe, Tukapembelela jinga, ntangi waboonse, wazhila ne kine, kufika ne byo mukapingula abo bekala pantanda , nekufiika byo mukabwezha mfika ya maashi etu?" ¹¹ Ponkapo bebapele bonse bivwalo bitoka, ne kwibambila amba bakipembeleleko kakimye poso nambala ya ba kaluume bakwenu ne baloongo babo bajinga mukwipaiwa, byonka byo baipailwe, ikafikilwe. ¹² Kabiji mwaana mukooko byo ashinkwile katetesho ka butaanu na bumo, natajile kabiji kwajiinga kitentaashi kikataampe. Ne juuba jaaulukile ke jifiita nobe jisaaka ja boya, ne ngondo yense waalulukile nobe mashi. ¹³ Ne tubangabanga twa mwiulu twaponene panopantanda, pamo nobe mukuuyu ukuunta makuuyu anji abishi byo bamusunkenye ku Luvula mukataampe. ¹⁴ Kabiji Jiulu japichile nobe muvungilo walepa yeb bavuunga. Ne mituumba yonse ne makuji onse byafuminepo po byajinga. ¹⁵ Kabiji ne bamfuumu ba panopantanda ne baantu ba neema , ne bene bakulumpe ba bashilikale ne banonshi, ne bilobo, ne bazha ne baana ba beene bonseetu, bafyamiine mu jibwe ne mu mabwe a mitumba. ¹⁶ Baambile ku mituumba ne ku meenso a yewa waaikala pa jitaanda ne kubukaji bwa aye mwaana mukooko. ¹⁷ Maambo juuba jikataampe ja bukaji bwabo jafika. nganyi wakonsha kwimana?