¹ Kabiji namweene mu kubooko kwa kilujo kwa yewa umo waikala pa jitanda na muvungilo pa nembwa mukaachi ne pangye, bashinka na tuteteshobtutaanu na tubiji. ² Namweene ne malaika wakosa kasa abijika na jiwi jikataampe, "nganyi wafwainwa kushinkula uno muvuungilo ne kukasulula tutetekesho tijipo?" ³ Kafwako nangwa umo mwiulu nangwa panopantanda nagwa munshi ya ntanda wakoonsha kushinkula awa muvuungilo nangwatu tumutaanga. ⁴ Ne amiwa najijile bingi maambo kafwako nangwa umo wafwainwe kumushinkula awa muvungilo nangwa kumutaanga. ⁵ Bino umo mu bakuuluumpe waambile kwi ami, "kujila ne. Tala! Bokwe wa mu mukooka wa Yuda, Muzhazhi wa Davida, Ye washinda. Ye wakoonsha kushinkula awa muvuungilo ne tutetesho tutaanu na tubiji." ⁶ Namweene mwaana mukooko saka aimaana mukaachi ka jitaanda ne mu bomi baana ne mu bakuluumpe. Wamweekele nobe wajinga waipaiwa. wajinga na nsengo itaanu na ibiji ne meenso ataanu na abiji, Yo mipaashi ya Lesa itaanu na ibiji itumwa pantanda ponse. ⁷ Aye waile ne kutaambula muvungilo kufuuma ku kubooko kwa kilujo kwa umo waikajile pa jitaanda. ⁸ Kabiji byo ataambwile muvuungilo bomi baana ne bakuulumpe makuumi abiji na baana baponene mu kyenyi kya aye mwaana mukooko.Bonse kasa baji na byansa pa muuntu pa muuntu ne michiba ya ngolode yayula byakufutuumana, Yo milombelo ya bazhijikwa ba Lesa. ⁹ Kabiji baimbile ne lwimbo lupya: "Anweba yenu mwafwainwa kutambula muvungilo ne kushinkula tutetesho tujipo. Mambo anweba mwaipayilwe, kabiji mwamupotejile Lesa na mashi enu baantu ba mu bisaka byonse, ne munjimi yoonse, ne ba mitundu yonse, ne ba mu mikoka yonse. ¹⁰ Mwapangile ke bufuumu ne banganga bakataampe ku kwingijila Lesa wetu, kabiji bakekala bakutaangijila bafumu pantaanda. ¹¹ Kabiji namweene ne kumvwa jiwi ja bamalaika, bavuula bingi bazhookolokele jitaanda ne aba bomi ne aba ba kuluumpe. Kabiji ne nambala yabo yonse pamo bajinga biumbi jikuumi ne biumbi ya biumbi. ¹² Bambile na jiwi jikaatampe amba, "Wafwainwa ye mwaana mukooko, waipailwe, kutaambula buluume, ne bunonshi, ne maana, ngovu, ne buneme, ne Lukuumo ne Lutakaiko." ¹³ Naumvwine byonse bilengwa biji mwiulu ne pano pantaanda ne munshi ya ntaanda ne pa kalunga_ne byonse bijimo_kasa byamba, "Kwi aye waikala pa jitanda ne kwi aye mwaana mukoko kwikale lutakaiko, Ne bunema, ne lukumo, ne bufumu myaka ne myaka. ¹⁴ "Ne aba bomi baana baambile amba, "Amen!" ponkapo ne aba bakulumpe baponene panshi ne kumupopwela.