¹ Pakupita bibye bintu natajile, ne kumona kinzhilo kya shinkuka mwiulu, jiwi jitanshi jonaumvwine jaambilenga kwi amiwa nobe ntolompita, amba, "Iya kuno, kabiji nkakumwesha bikobiwa pakupwa bino bintu." ² Ponkapotu najinga mumupashi, namweene jitanda mwiulu, ne umo saaikala peulu. ³ Aye waikajile peulu wamwekele nobe jibwe Jayasipa ne kanelyana. Kwajinga kakongolo kazhokolokele kuji ntanda. kakongolo kamwekele nobe emelodi mubyo kamwekele. ⁴ Kujitaanda kwazhokolokele makumi abiji_ ne ana mataanda, baikajile pa oo matanda bajinga makuumi abiji _ na bana bakulumpe, bavwajile bivwalo bitooka, ne munchinya ya ngolode kumitwe yabo. ⁵ Kufuuma pajitanda pamwekele kubesha, ne bilulumo, ne kutatauka kwamvula. Malampi atanu ne abiji atemenga kulutwe ya jitanda, malampi ajinga atanu na abiji ajinga Mipashi ya Lesa. ⁶ Kumenso ajitaanda kwajinga kizhiba kyakilola, nobe jibweja kilisitala,.Pakachi kajitanda ne kuzhokoloka jitaanda kwajinga boma bo, bakumbana menso, kulutwe nemunyuma. ⁷ Mumi mutanshi wajinga nobe bokwe, mumi wabubiji wajinga nobe mwana ngombe, wabusatu mumi wajinga nakilungi nobe muuntu wamuluume, kabiji ne wabuna mumi wajinga nobe mpungu watumbuka, ⁸ Bomi bana yense wajinga na mapi atanu na jimo, menso akumaina peulu ne panshi. Bufuku ne mute kechibalekele kwamba, "wazhila , wazhila, wazhila, Nkambo Lesa wamyaka yonse, wajipo, kabiji ujipo, kabiji ukabwela." ⁹ Jonse bomi byobapana Lukumo, munena, nekupika sante kuyewa waikala pajitanda, aye waikala myaka ne myaka. ¹⁰ Aba makumi abiji_ ne bana bakulumpe bapona kumaulu aye wa waikala pajitanda nekumupopwela aye waikala myaka ne myaka. Bataya minchinya yabo kujitanda, ne kwamba amba,, ¹¹ Mwafwainwa aneba, nkambo yetu ne Lesa, kutambula lukokelo ne munema ne ngovu, maambo mwalengele bintu byonse, Kupichila mukuswa kwenu pobiji kabiji byalengelwe,"