¹ Kiyuukilo kikataampe kya mwekele mwiuulu kya mwaanamukazhi wavwaala juuba, na ngondo munshi ya maulu anji ne munchinya wa tubangabanga jikuumi ne tubiji pa mutwe wanji. ² Mwaanamukaazhi wajinga na jivuumo kabiji aye wajilenga mu bisanso bya kusema, mu misango ya kusaaka kuseema. ³ Kabiji kiyuukilo kiwaabo kyamweekele mwiulu: Tala! kwajiinga nsungunyi mwine mukaatampe uchila ao wajinga na mitwe itaanu ne ibiji ne nsengo jikuumi, kabiji pajinga ne mataanda ataanu ne abiji pa mitwe yanji. ⁴ Kabiji mukila wanji wakokele lubaji lumo lwapa lubaaji lusaatu lwa tubangabanga twa mwiulu, ne kwitutaya panshi pano pantaanda. Ne nsungunyi waimeenenga mukyenyi kya mwaanamukazhi ao wajinga pabwipi mu kusema, pakuuba amba byo asa kusematu, aye aje mwaananji. ⁵ Aye wasemeene mwaana wa muluume, wamulume mwaana, ukaakonsha kalama mikoka yonse na kamaama ka kapotwe. Ne mwaananji bamushinkwile ne kumutwaala kwi Lesa ne jitaanda janji. ⁶ Kabiji mwanamuukazhi wa nyemejile mungye ako Lesa ko amu nengezhizhe mpunzha yanji, nanchi, aye akonshe kusungiwa konka mooba 1,260. ⁷ Ponkaapo mwajinga nkondo mwiulu. Mikela ne ba malaika banji kebalwe na nsungunyi kabiji nsungunyi ne ba malaika banji ke babwezhemo byonkabyo kulwa. ⁸ Bino nsungunyi kechi wajinga na buluume bwakwibashinda ne. Nanchi mwiulukechi mwajingapo mpunzha yanji ne ba malaika banji ne. ⁹ Nsungunyi mukaatampe_ awa muloolo wakala witwa amba Diabola nangwa amba sataana, aye ubepa ntaanda yonse_ bamutaaile panshi panopaantanda, ne ba malaika banji batailwe panshi pamo ne aye. ¹⁰ Kabiji Amiwa naumvwine jikaatampe mwiulu amba: "pano kwaiya lupulukilo ne buluume ne bufuumu bwa Lesa wetu, ne luusa lwa kilishitu wanji. Mambo mushinawishi wa baloongo beetu bamuutaya panshi, umo wiba wibashinawinanga abo ku meenso a Lesa wetu mute na bufuuku. ¹¹ Ne abo bamushinjile na maashi a mwaana mukooko ne na kyaambo kya lushimuno lwabo, maambo abo kechi batemenwe buumi bwaabo ne kufiikatu ne ke luufu. ¹² Byonkaabyo sekelai, anweeba meulu ne boonse bekaala monka! Bino malwa pa ntanda ne kaluunga, maambo Diabola waiya panshi kwi anweeba! Aye wayuuzhiwa na bukaaji bukaatampe kabiji aye wa yuuka amba kakimye kanji ko kacheeche. ¹³ Ne nsungunyi byo alangulukile amba aye wa taiwa kala panshi pano pantaanda, aye wa londaizhe mwaana muukazhi yenka wasemene mwaana wamuulume. ¹⁴ Bino mwaanamukaazhi bamuupele byapi bibiji bya mpungu mukataampe pakuuba amba aye akoonshe kunyeema ku mpunzha koba munengezhizhe mungye. Kuno koku mpuunzha aye ko a sungilwe buloongo, pa kimye, bimye, ne kimye ^{15 18} Ne muloolo wapajile meema kufuuma mukaanwa kanji nobe mukola pajkuuba amba aye alengeshe meema kumukumpula. ¹⁶ Bino ntaanda ya mukwashishishe mwaananji. Ntanda yanshikwiile kaanwa kayo ne kuumina mukola awa nsungunyi ye apajilenga kufuuma mu kaanwa kanji. ¹⁷ Kabiji nsuungunyi wamuzhingijle bingi mwaanamukaazhi kabiji wa ile mu kulwa na ba shajilepo ba m nkunwa ya aye abo bakookele mikaambizho ya Lesa ne kwachijila ku lushimuuno lwa na maambo a Yesu. Kabiji nsungunyi wa imeene pa musengo wa ku kaluunga.