¹ Kabiji amiwa namweene lukinyaama saka eya peulu kuufuma pa kaluunga. Kyajiinga na nsengo jikuumi ne mitwe itaanu na ibiji. Pa nsengo yakyo pajiinga tubonde jikuumi, ne pa nsengo yakyo umo umo pajiinga jizhina ja mweenga. ² Uno lukinyaama ye namweene wipashishe na kisuumpa. Maulu akyo ajinga nobe maulu a mbeyala ne kanwa kakyo kaubile noobe kanwa ka bookwe. Ne nsungunyi wikipeele buluume bwanji, ne jitaanda janji, ne Luusa lwanji lukaatampe lwa kutangiijila. ³ Umo mutwe walukinyaama waubile nobe uji na kiloonda wa Lufu, bino awa kilonda wa lufu wajinga wabukiwa. Ne ntaanda yonse yakumimye abo byo balondejile lukinyaama. ⁴ Kabiji ne abo ba mupopwejile nsungunyi, maambo aye wapaine luusa lwanji ku lukinyama, Bamupopwejile ne lukinyaama, naye, ne kutwajijila kwaamba amba, "Nganyi uji nobe Lukinyaama? Kabiji "Nganyi wa konsha kulwa nanji? ⁵ Lu kinyaama ba mupeele kanwa aka kakonsha kwaamba byambo moasakila ne bya mweenga. Be kiswishishe kwikaala na luusa ba ngondo makuumi ana ne babiji. ⁶ Nanchi lukinyaama washinkwile kanwa kanji ne kutendeka kwaamba bya mweenga kwi Lesa, ku kosamika jizhina janji, ne nzuubo yanji, abo bekala mwiulu. ⁷ Lukinyaama bamuswishishe kuuba nkondo naba zhijikwa baantu ba Lesa ne kwi bashinda. kabiji jikwabo, Luusa lwa pangiwe kwi akyo pe mituundu yonse, baantu boonse, milaka yonse ne mikoka yonse ⁸ .Bonse bekala pantanda ba bakekipopwela akyo, uji yense wabujilwe kulembwa jizhina janji mu buuku wa buumi awa wakwa mwaana mukooko waipailwe kufuuma ku kitendekesho kya ntaanda. ⁹ Inge uji yense uji na matwi, Lekai aye omvwe. Inge uji yense ke ba mutwale mu buzha, monka mubuuuzha aye ukeya. ¹⁰ Inge uji yense keba mutwale monka mubuuzha aye ukaaya. inge uji yense ke bamutwale mukwipaiwa na lupanga, na Lupanga aye ukepaiwa. ¹¹ Kabiji namweene mukwaabo lukinyaama waishilenga peulu kufumya panshi muntanda, aye wajinga na nsengo ibiji nobe mwaana mukooko, kabiji kyaambilenga noobe nsungunyi . ¹² Aye waubilenga byoonse bya luusa bya lukinyaama mutaanshi ne aye saka aji ponka, kabiji aye walengele ntaanda ne bonse bekalaapo kupopweela lukiinyaama mutaanshi_ yenka wajiinga na lukiloonda wabuukilwe. ¹³ Aye wa ubile byakukuumya bya ngovu. Aye waleengele ne mujiilo kwiya paanshi kufuuma mwiuulu kwiya pano pantanda kuluutwe ya baantu. ¹⁴ Ne biyuukilo aye bamupele buluume pakwimenako lukinyaama, aye wibapeele abo bekala pantaanda, kwibabuula kuleenga lunkishi wa lukinyaama _ aye ye bakozhezhe na lupaanga, bino aye saka akipeema. ¹⁵ Aye bamuswishishe kupaana muuya kulukipashangano wa lukinyaama pakuuba amba lukipashangano akonshe kwaamba nekulengesha bonse bakaaine kupopwela lukinyaama kwipaiwa. ¹⁶ Aye kabiji wakanjikizhe uji umo, wabuula buneeme ne ba ngovu, banonshi,, ne balanda, nebabuula bazha ne bazha, kukutaambula kayuukilo pakubooko kwabo kwa kiluuji nangwa kukiluungi. ¹⁷ Kyajinga kyashupa ku uji yeense kupota nangwa kupotesha kanatu aye waikaala na ka yukilo ka lukinyaama, ayo yo, namabala yaimenako jizhina jakyo. ¹⁸ Pano peta maana . Inge uji yeense uji nao, lekai aye abaale nambaala yalukinyaama. maambo ke naambala yamuuntu. Nambala yanji yo 666.