¹ Ngunambe umwenemwene muli Kilishitu . chahanjikille mahuza , mbunge yami yakushindakenya hamwe nyi yami muli Shipilitu Musandu ² ngwami chinyengo chinene nyi yikola yize kuyishi kuhola nguli mu mbunge yami. ³ Mumu ngunambe kulemba yami mwene ngushingiwe Kilishitu mumu hali mandumbu jami , usoko wami nyikulita nyi musunya . ⁴ O A- Izalele. Waze apwishile ana , nyi uhenya , nyi usendo , nyi kuhana chashimbi nicho , nyi uvumbiko wamutembele , nyi yilakenyo . ⁵ Nyi e tulamba a kuli ayo nyi kuli ayo nyikulita nyi musunya - Kilishitu wasemekine mwenawo kapwa helu lya eswe , kufumana ndo ku myaka ya mutolo. ⁶ Alyoze kuchapwile ngwe hanji liji lya Zaambi lya hona. Mumu hi esweko apwa A-Izalele waze a kuli Izalele. ⁷ Chipwe mumu anapu muyachi wa Apalahama eswe anapu ana ka . Alyoze , '' Muli Izaka makatambika munyachi wo.'' ⁸ Te hi , ana amusunya ko anapu ana a Zambi . Alyoze ana a chilakenye kanaalula ngwo munyachi . ⁹ Mumu lino lye liji lya chilakenyo : '' Nyikulita nyi mwakono mungukeza , Sela kumakamwaha mwana - lunga. ¹⁰ Hi chize ko wika , alyoze Rebeka nawa se wasesekele ufumba kuli umwe luga , iye semi Izaka - ¹¹ Mumu te ana kanda asemuka chipwe kanda alinga nyichimwe chipema hanji chipi, hanga upale wa Zambi nyikulita nyi kutongola chenyi ukakole, hi wa ku yitanga ko, alyoze wa kuli yoze wakutambika - ¹² Achambile kuli iye , '' Mukulwane kumakalingila kanuke.'' ¹³ Ngwe chinasonewa ngwo : '' Hingunamuzange Yakomba, hingunavwila kole Esau.'' ¹⁴ Mba kuchi mutwamba? Ngwetu Zambi kali nyi uhenge? ka pundu. ¹⁵ Mumu kanambe kuli Mose ngwenyi, '' Mungu muvwila yoze mungwivwila keke, mungumuvwila vumbi yoze mungu muvwila vumbi.'' ¹⁶ Chocho , kuchapwile kuli waze mapala , chipwe cha kuli yoze mazomboka ka, alyoze chali kuli Zambi , yoze wakwivwa keke. ¹⁷ Mumu chisoneko chinambe kuli Fwalau ngwo, '' Ha chikuma chino chene nakumikine hanga kukalweze muli yena tachi jami , hanga lyami likafumane kweswe hano hashi.'' ¹⁸ Chocho , Zambi mevwa keke hali yoze mamupala, nyi yoze mamupala, mamukalisa. ¹⁹ Mwamba kuli yami ngwe, '' Nyi chocho kuchi te achili nyikutwalya mulonga ? Mumu iya malimika nyi upale wenyi ?'' ²⁰ Ka alyoze , yena lunga yena iya wakukumbulula kulimika nyi Zambi ? Chuma chakutengwa muchamba kuli yoze wachitengele , '' ngwenyi kuchi te wangutangile chocho?'' ²¹ Hanji tengi keshi chiyulo ha uma, ku mwaha umuwika kutanga chikwachilo chimwe ku ulemu nyi chiko ku ulelu? ²² Kachi Zambi , kanazange kulweza ku utenu wenyi nyi kusolola tachi jenyi, wanyongononwe nyi ulomboloji wunji nyi yikwachilo ya utenu alitesele ha kwononona ²³ hanga akasolole kulumbama cha uhenya wenyi ha yikwachilo ya keke , yize iye walikile shimbu kanda ha uhenya? ²⁴ Nyi te yetu nawa , atutambikile , hikuli A-Yunda ko, alyoze kuli akwa mavungu nawa mba kuchi? ²⁵ Ngwe kanambe nawa mu mukanda wa Hozea ngwenyi: ''' kumungukaavuluka ngwami atu jami waze kapwile atu jami, ngwami kanamuzange chikolo yoze te kamuzangile. ²⁶ Mba kumuchikapwa muma muze achambile kuli ayo ngwo , ' Yenu hinuli atu jami ko , ' Muze mwene kumakamuvuluka ngwo nuli ana a Zanbi ya mwono.''' ²⁷ Izaya kanatele ha kutwala kuli akwa Izalele ngwenyi, '' Kachi hakwalula ana a Izalele mapwa chizechene ngwe a kukalunga lwiji , masalila wika makaalamwina. ²⁸ Mumu Mwene kumakalinga liji lyenyi hano hashi makalimanununa makalipatula.'' ²⁹ Ngwe muze ambile Izaya kushi ngwenyi, '' Shina Mwene wa yizavu ya tujita watuhichikuli ana , twapwile ngwe sondome, atupwishile ngwe Ngomola.'' ³⁰ Mba twambe kuchi? Ngwetu akwa mavungu , waze kakawile ululi , hanazuku ululi , te ululi uze wa ku ufulyelo . ³¹ Alyoze akwa Izalele , waze akawile shimbi ya ululi, kahetele ku shimbi yize. ³² Kuchi te ? mumu kayikawile ku ufulyelo , alyoze ngwe ku yitanga . Ahukanyine ku liwe lya kuhukanyisa, ³³ ngwe chinasonewa ngwo , '' Talenu, mungusa liwe lya kuhukanyisa mu Zayone nyi luliwe lwakutalingisa. Nyi yoze mafulyela kuli iye kechi , kevwa sonyi.''