¹ Shina nunalaluka , mandumbu { mumu nguna hanjika kuli waze ananyingika shimbi } , ngwami shimbi chiyulo yina kwate hali mutu shimbu lyeswe mapwa nyi mwono? ² Mumu pwo makashiwa nyi shimbi kuli mukwo lunga shimbu lyeswe mapwa nyi mwono, alyoze kachi mu kwo lunga mafwa , matusuka kushimbi ya wulo. ³ Chocho , mukwo lunga mapwa nyi mwono, nyi maya kuli lunga weka , kachi ma muvuluka ngwe chitanji . Alyoze kachi mukwolunga mafwa . Mba matusuka kushimbi , chocho kechi kumuvuluka ngwo chitanji mba maya kuli lunga mukwo. ⁴ Keshika , mandumbu jami , nyi yenu nawa hananupwisa aqfu kushimbi mumu hamujimba wa Kilishitu . Hanga nukapwe kuli weka , te kuli , yoze amuhindwishile hakachi ka afu. Hanga tukeme mihuko kuli Zambi . ⁵ Mumu muze twapwile mu musunya , shili yize , iye shimbi , yaukasumwine walingile muyihanda yetu hanga yikeme mihuko ya kufwa. ⁶ Alyoze halyapwila tuna tusuka kushimbi se twakwachikile ku chize twakwachikilemo. Chocho twa kuvumbika mu yuma yaha ya Shipilitu , himu yuma yikuluko yalusona. ⁷ Mba kuchi mutwamba ? ngwetu shimbei yipu shili nyi? ka pundu, alyoze chanyingikine shili , shina kushimbi. Mumu chanyingikine kuzo chocho shimbi yambile ngwo '' kanda wivwa kuzo ''. ⁸ Alyoze shili nikuwana wunjililo ku shimbi yalingile muli yami . Nyi kuwana kuzo muli yami mumu shili kuyishi shimbi kuyi nafu. ⁹ Alyoze napwile nyimwono chishi shimbi, ha myaka yaku nyima alyoze muze shimbi yejile , na huzulukilile , nyi yami wafwile . ¹⁰ Shimbi yapwile yakuneha mwono nawanyine ngwe yaku neha kufwa. ¹¹ Mumu shili se yinawane wunjililo kushimbi yangwongele yami yangu shihile nayo yami. ¹² Chocho shimbi chamwene yisandu , nyi chiyulo chisandu , chaululi chipema nawa. ¹³ Mba yipema yalumukile kufwa kuli yami nyi? Ka pundu , alyoze shili hanga yikasoloke shili , pundu yalingile kufwa muli yami kuyipema , hanga shili yikapwe yipi kuyipema hanga shili yikapwe yipi ya hyana mumu ha shimbi . ¹⁴ Mumu tuna nyingika ngwetu shimbi ya Ushipilitu , alyoze yaminguli wamu sunya , angulanjishile kushi lya shili. ¹⁵ Mumu chize nakulinga , chishi kuchitayiza mumu chalingile chize nguna pale, alyoze chize chakungu pihila ,che nacho nakulinga . ¹⁶ Alyoze kachi nakulinga chize chapalile , kachi nakuta kushimbi ngwami yinapeme. ¹⁷ Chocho hiyamiko nawa naku chilinga . Alyoze shiliyize yakutwama muli yami. ¹⁸ Mumu nguna nyingika muli yami , te mumusunya wami , chuma chipema kuchi shimo , mumu kupala nakupala alyoze kulinga chize chipema cha hashile. ¹⁹ Mumu yipema yize nakupala , chishi kuyilinga , alyoze yipi yize chishikupala yenayo nakulinga. ²⁰ Alyoze kachi nakulinga chize chishi kupala , hiyamiko nawa nakulinga. Alyoze shili yize yakutwama muli yami . ²¹ Te nguna wane keshika shimbi , kuli yami muze naku pala kulinga kanawa , yipi yili muli yami. ²² Mumu nakuwaha mushimbi ya Zambi nyi kulita nyi mutu wa muchima. ²³ Alyoze nakumona shimbi yeka muyihanda yami, yakwasa jita nyi shimbi yaku nyonga chami, yakunguneha kuwufunge ku shimbi yashili yize yili mu yihanda yami. ²⁴ Yami nguli mutu waku hunga jala chichize ! Iya mangu pulula kumujimba uno wakufwa? ²⁵ Nguna sakwila Zambi kuli Yesu Kilishitu Mwene wetu ! chocho , yami mwene nakulingila shimbi ja Zaambi mu mana jami. Alyoze , nyi musunya nakulingila shimbi ya shili.