¹ Mba kuchi mutwamba ngwetu hali Apalahama kakuluka yetu kulita nyi musunya , awanyine ? ² Nyi Apalahama amusambishillile ku yitanga , kachi ka kwete ha kuli chichinyekena , alyoze hichochoko kuli Zambi . ³ Mba chisoneke kuchi chinambe ? '' Apalahama wa fulyelele Zambi , chocho amwalwililecho hali yiye ngwe ululi.'' ⁴ Halyapwila yoze wakuilikita , fweto yenyi keshi kumwalwila yo ngwe chawana alyoze ngwe kongo. ⁵ Alyoze yoze keshi kukilikita mba mafulyela muli yoze wakusambisa waze anapu yivulumunyi ufulyelo wenyi kakuwaluka ululi. ⁶ Ndawichi neye hachambululakuwaha cha mutu yoze Zambi mamwalwila ululi mba keshi yitanga. ⁷ Yamba ngwenyi , '' kawaha waze yitanga ya uvulumunyi wo hanakonekenayo , nyi shili jo hanaji jimuna. ⁸ Kawaha mutu yoze Zambi kechi ka mwalwila shili yenyi.'' ⁹ Mba auno uwahililo kana uvulukila wika hali ngalami, nyi chipwe hali waze kanda a chalama? chocho mutwamba ngwetu , '' ufulyelo awalwilile hali Apalahama ngwe ululi '' ¹⁰ Kuchi a walwilile hali yiye? muze kanda amwalamisa nyi muze ha mwalamisa? Kuchapwile ngwo hana mwalamisa , alyoze te kanda! ¹¹ Apalahama watambwile chinyingi chaungalami ngwe chijikilo cha ululi chize atambwile haufulyelo shimbu kanda achimwalamisa. Hachikuma chino hanga akapwe tato ya waze eswe mafulyela shimbu kanda a chalama chocho nawa ululi aka walwile kuli ayo. ¹² Yiye nawa tato ya ngalami hi waze ha analamisa wikako alyoze nyi waze akwenda mungano ja ufulyelo uze tata Apalahama apwile nawo muze kanda amwalamisa ¹³ Mumuchilakenyo chakuli Apalahama nyi vungu lyenyi cha kuhinga chifuchi chahashi kuchejile mushimbi ko alyoze mu ululi wa ufulyelo . ¹⁴ Chocho nyi ngwo waze a twama mu shimbi apwe swana, kachi ufulyelo unapu wa mokomoko , nyi chilakenyo kuchishi nyi chimwe . ¹⁵ Shimbi yakuneha utenu , alyoze , kuze kukushi shimbi, kukushi kupwa utanguko. ¹⁶ Mumu hamukunda wa ufulyelo hanga chilakenyo chikatwame ha keke chika shindakenye hali eswe ana ja Apalahama - hi waze wika ali mushimbi , alyoze nyi waze ali nyi ufulyelo wa Apalahama . Yiye tata yetu eswe , ¹⁷ ngwe chize chinasonewa ,''hinaku tongola kupwa tato yama vungu anji.'' Apalahama wapwile kumeso ja yoze afulyelele, yiye , Zambi , wakuhana mwono kuli afu nyi wakusanyika yuma yize kuyishiko muyi pwako. ¹⁸ Aye hakutalatala wafulyelele chize kahashile kuchitalatala hanga akapwe tato ya mavungu anji , kweseka nyi chize amu lwezele , '' chocho makapwa nyi ana je.'' ¹⁹ Hakuhona kuzeya mu ufulyelo , wanyongene mnjimba wenyi ngwe wa kufwa { mumu wapwile kulakaji lya myaka }, nyi kufwa cha jimo lua Sala. ²⁰ Mumu hachilakenyo cha kuli Zambi , Apalahama kakayambasanyine kuhona ku fulyela. Mba wali kolwezele ku ufulyelo nyi kuhana uhenya kuli Zambi. ²¹ Keshika wazalile nyi tachi ngwenyi chize Zambi halakenya , nyi yiye mahasa kuchimanuna ²² keshika chocho achino nawa achalwilile kuli yiye ngwo ululi.'' ²³ Alyoze maliji akwamba ngwo '' achalwilile kuli yiye '' ka sonekenene yiye wika. ²⁴ Asonekene kuli yetu nawa maka chalwila kuli yetu hitunafulyela muli yiye yoze wa hindwishile Yesu Mwene wetu kukufwa. ²⁵ Yono mwe uze amuhanyine hamilonga yetu mba a muhindwishile mumu ha usambiso wetu.