¹ Kuhyana chika kevwe A-Yunda alinacho? hanji kufumba chika cha ungalami? ² hichinapu chinene ha yuma yeswe. Chitangu A-Yunda akunjikile nyi usolwelo kukatuka kuli Zambi. ³ Mumu kachi amwe kapwile nyi ufulyelo? mba kuchi kuhona cho cha ufulyelo muchipwisa chamokomoko umwenemwne wa Zambi nyi? ⁴ Kanda chikalingika. Alyoze echenu Zambi apwe waumwenemwene, chipwe mutu mwese hapwa wamakuli. Chizechene china sonewa, '' hanga akanulweke ululi mu maliji jenu, hanga ukakumbe muze makupatwila.'' ⁵ Alyoze uhenge wetu muwusolola ululi wa Zambi , yika mutwamba? kuchi mutwamba hakuneha utenu hali yetu Zambi chihenge?{ ngunahanjika nyikulita nyi kulihamika kwa musunya.} ⁶ Kanda chikapwa chocho! mumu wachocho kuchi te Zambi mapatwila akwa hashi? ⁷ Mumu kachi umwenemwene wa Zambi ku mahuza jami walumbamine ku uhenya wenyi, ika te anangupatwila ngwe chivulumunyi? ⁸ kuchi te kutushi kwamba, ngwe chizechene akutwamba cha mahuza ngwo, nyi chize amwe akuhanjika ngo twakuhanjika, ''Echenu tulinge yipi, hanga yipema yize''? Upatwilo hali ayo wa ululi. ⁹ Mba kuchite ? tunalichijiho nyi? ka pundu . Mumu hitunasumu eswe alii A-Yunda nyi Angeleja , o eswe kushi ya shili ali. ¹⁰ Achino hichinasonewa: '' kushi kama umwe wa ululi , nyiumwe wakuhi. ¹¹ Yoze wakunyingika wakuhi nyiumwe . Wakuhi wakufupa Zambi. ¹² Eswe keshi kuzanga ku nyonganga hali Zambi. Eswe hanapu amokomoko. wakuhi nyiumwe wakulinga yipema, wakuhi nyiumwe.'' ¹³ Miliwu yo hinapu fuka lya washi. Malimi jo halingi nyi kalimbalimba. Utende wakapela uli kushi ya mivumbu yo.'' ¹⁴ Makanwa jo kanazale nyi kukukula nyi usasu.'' ¹⁵ Molu jo akutambuka kumwanga manyinga . ¹⁶ Kwenyeka nyi kulungajala yili mumajila yo. ¹⁷ Wano atu kanyingikine jila ya sambukila.'' ¹⁸ Woma wa zambi wakuhi mumeso jo.'' ¹⁹ Halyapwila tunanyingika ngwo yesweyo shimbi muyihanjika, yakuhanjika kuli yoze uli mwishi ya shimbi. Chinalite hanga makanwa eswe akahole, nyi akwa hashi eswe akahye kuli Zambi. ²⁰ Mumu ku yitanga ya shimbi kechi kasambisa mutu nyiumwe kumeso jenyi . Mumu ku shimbi chinyingi cha shili muchiza. ²¹ Alyoze kukatuka ku shimbi ululi wa Zambi hanaunyingika . kanaushindakenya ku shimbi nyi pulofeta, ²² awu we ululi wa Zambi kupalikila mu ufulyelo wa Yesu Kilishitu kuli waze anafulyela . Mumu kulipwila chakuhi. ²³ Mumu eswe hanavulumuna kanahono uhenya wa Zambi , ²⁴ se hanatusambisa chawana ku vumbi lyenyi ku ukule wuze uli muli Kilishitu Yesu. ²⁵ Mumu Zambi atwehele Kilishitu ngwe kuka kupalikila mu ufulyelo wamanyinga jenyi. Watwehele Kilishitu hakusolola chinyingi cha ululi wenyi , mumu hakuzomboka milonga yize yapwile kushi ²⁶ hakulihumikiza chenyi. Hakusolola chinyingi cha ululi wenyi ha mwaka uno halyapwila. Hanga akasambe, akwapwe mukwa kusambisa yoze uli nyi ufulyelo muli Yesu. ²⁷ Mba kulisamba chilihi? hanachifumumisaho . Ku shimbi yika? ka , alyoze kushimbi ya ufulyelo. ²⁸ Keshika tunakawisa ngwo masambisa mutu ku ufulyelo keshi yitanga ya shimbi. ²⁹ Zambi Zambi wa A-Yunda wika nyi? kapwile Zambi wakwa mavungu? Ewa , wakwa mavungu . ³⁰ Nyi kachi ,Zambi umuwika , yoze makasambisa ngalami ku ufulyelo, masamba yilima ku ufulyelo. ³¹ Mba tunapwisa shimbi yamokomoko ku ufulyelo? ka chishikasoloka ! alyoze, tunakolesa shimbi.