¹ Awa apwile mawenyi atu ja Izalele muze akatukile mu chifuchi cha Engitu ku yi zavu yo yama swalale kumoko ja Mose nyi Alone . ² Mose ya soneka ku yihela kuze akatukile nyi kuze apwile nyi kuya , chocho a mwambile Yehova . Ano apwile mawenyi , kukatuka nyi kukatuka . ³ Yakatuka ku Lamase haka kweji mutangu , kukatuka hatangwa kumi nyi lya muchitano lyaka kweji mutangu . Hakuchate chizomboka hichahwa , atu ja Yisalele ya katuka kumoko atachi , kumeso ja Engitu eswe . ⁴ Aino yalingiwile muze a Engitu apwile nyi ku funda ana jo atangu eswe , waze Yehova a shahile hakachi ko , nawa yalinga upatwilo kutu zambi two . ⁵ Atu ja Izalele yakatuka ku Lamase yasa chilombo cha ku Sukote . ⁶ Yakatuka ku Sukote nyi kusa chiombo ha Etame , ku kulwa ya puya . ⁷ Yakatuka ku Etame yalikoneka kunyima ku Pihahilote , kwatalangana nyi Mbaleze fwane , kuze asele chilombo cho kwatalangana Mingondole . ⁸ Nawa yakatuka kuze kwatalangana Pihalote nyi kupalika ndusu mukachi ka kalunga lwiji nyi mupuya . Yanda wenyi wama tangwa atatu mupuya ya Etame nyi kusa chilombo cho ha Mala . ⁹ Yakatuka Mala nyi kuheta ha Elime . Ha Elime hapwile kumi lya mafuji ameya nyi ma fuji a meya aali nyi kumi shimbyali amitondo yami ngaji . Kwenako asele chilombo cho . ¹⁰ Ya katuka ku Elime nyi kusa chilombo cho ku sesa yakalunga lwiji wa mahongo . ¹¹ Ya katuka kukalunga lwiji wamahongo yasa chilombo cho mupuya ya Shini . ¹² Yakatuka mu puya ya Shini nyi kusa chilombo cho ha Ndofika . ¹³ Yakatuka ku Ndofika nyi kusa chilombo cho ha Alushe . ¹⁴ Yakatuka ku Alqushe nyi kusa chilombo cho ku Lefwindimi , kuze kuka pwile meya akunwa atu . ¹⁵ Yakatuka ku Lefwindimi nyi kusa chilombo mu puya ya Sinai . ¹⁶ Yakatuka mupuya ya Sinai yasa chilombo cho ha Kibulote Hataafa . ¹⁷ Yakatuka ku kibulote Hataafa nyi kusa chilombo cho ha Hazelote . ¹⁸ Yakatuka ku Hazelote nyi kusa chilombo cho ha Litema . ¹⁹ Yakatuka ku Litema nyi kusa chilombo cho ha Limone Peleze . ²⁰ Yakatuka ku Limone Peleze nyi kusa chilombocho ha Libuna . ²¹ Yakatuka ku Libuna nyi kusa chilombo cho ha Lisa . ²² Yakatuka ku Lisa nyi kusa chilombo cho ha Kehelata . ²³ Yakatuka ku Kehelata nyi kusa chilombo cho ku mulundu wa Sefele . ²⁴ Yakatuka ku mulundu wa Sefele yasa chilombo cho ha Halada . ²⁵ Yakatuka ku Halada nyi kusa chilombo cho ha Makelote . ²⁶ Yakatuka ku Makelote nyi kusa chilombo cho ha Tahate . ²⁷ Yakatuka ku Tahate nyi kusa chilombo cho ha Tela . ²⁸ Yakatuka ku Tela nyi kusa chilombo cho ha Miteka . ²⁹ Yakatuka ku Miteka yasa chilombo cho ha Hasimona . ³⁰ Yakatuka ku Hasimone yasa chilombo cho ha Moselote . ³¹ Yakatuka ku Moselote nyi kusa chilombo cho ha Bene - Yakaane . ³² Yakatuka ku Bene- Yakaane yasa chilombo cho ha Hole Hangindingate . ³³ Yakatuka ku Hole Hangindingate yasa chilombo cho ha Yotebate . ³⁴ Yakatuka ku Yotebate yasa chilombo cho ha Apelona . ³⁵ Yakatuka ku Apelona yasa chilombo cho ha Ezyone - Ngebele . ³⁶ Yakatuka ku Ezyone - Ngebele nyi kusa chilombo mupuya ya Zini kukandeshe . ³⁷ Yakatuka ku Kandeshe nyi kusa chilombo cho ha mulundu wa Hole , Kukulwa chifuchi cha Endome . ³⁸ Alone sasendote ya kanduka ha mulundu wa Hole nyi kulita nyi shimbi ya Yehova yafwilaho hamwaka makumi awana hakukatuka a Izalele mu chifuchi cha Engitu , hakakweji wa muchitano , hatangwa litangu lya kakweji . ³⁹ Alone wapwile nyi kulakaji lya myaka nyi ma kumi aali amyaka nyi myaka itatu ha mulundu wa Hole . ⁴⁰ Mukwa kanana , mwanangana wa Alad , yoze watwamine kusongo ya puya muchifuchi cha kanana , yevwa kwiza cha atu ja Izalele . ⁴¹ Yakatuka ku mulundu wa Hole yasa chilombo cho ha Zalamone . ⁴² Yakatuka ku Zalamone nyi kusa chilombo cho ha Punone . ⁴³ Yakatuka punone nyi kusa chilombo ku Bote . ⁴⁴ Yakatuka Bote nyi kusa chilombo cho ha iye Abalime , kungiza nyi Moabe . ⁴⁵ Yakatuka ku iye Abalime nyi kusa chilombo cho ha Dibone Ngate. ⁴⁶ Yakatuka ku Dibone Ngate nyi kusa chilombo cho ha Alamone Ndiblamotaime . ⁴⁷ Yakatuka ku Alamone Ndiblamataime nyi kusa chilombo cho mu milundu ya Abalime , kutalanga nyi Nebo . ⁴⁸ Yakatuka ku mulundu wa Abalime nyi kusa chilombo cho mu yana ya Moabe kusesa ya Yodau ha Yeliko . ⁴⁹ Asele chilombo cho kusesa ya Yodau , kukatuka ku Bete Yeshimote ndo ku Abeleshitime mu yana ya Moabe . ⁵⁰ Yehova yaha kuli Mose muyana ya Moabe kusesa ya Yodau ha Yeliko yamba ngwenyi , ⁵¹ " Hanjika kuli atu a Izalele nyi kwamba kuli ayo , ' Muze munu zauka Yodau mu chifuchi cha Kanana , ⁵² chocho nukahange kumeso jenu atu eswe atwama muchifuchi . Nukenyeke mawe jo akutota . Nukenyeke tuponya two eswe nyi kupuzula manangamo jo eswe . ⁵³ Nwatela nukazuke chize chifuchi nukatwamemo , mumu hina nwaha chifuchi nuka chizuke . ⁵⁴ Nukahinge chifuchi kulita nyi chela , nyi kulita munyachi nyi munyachi . kumi nyachi inene watela kuhana chifuchi chinene , nyi kumi nyachi ikehe watela kuhana chifuchi chikehe . Kweswako , achize chifuchi muchipwa cha ayo . Munukahinga chifuchi nyi kulita nyi minyachi yatulamba twenu . ⁵⁵ Alyoze nyi ngwe kunuchi kuhuma akwa chifuchi kumeso jenu , henaho atu munukataiza kutwama makapwa ngwe misongolwela ku meso jenu nyi mbimbo kuma lumbu jenu . Kuma ka nu pinjisa muchifuchi chize munu katwama . ⁵⁶ Chocho muchika lingiwa chize nanyongene kulinga kuli waze atu , mungu ka chilinga kuli yenu . "