¹ Muze Mbalau hamona ngwe chinapema Yehova ku wahisa Izalele, ka kayile, ngwe ha shimbu jikwo, nyi ku zachisa wanga. Alyoze, yatalikisa meso jenyi ku puya. ² Yahetula Meso jenyi mba yamona Izalele kana twama, nyi kulita nyi minyachi yo, Shipilitu wa Zambi yevwa hali iye. ³ Yatambula au upulofeta yamba ngwenyi, " Mbalau mwana Mbeole hi mahanjika, lunga yoze meso jenyi a laula. ⁴ Ka kuhanjika nyi kwivwa maliji a Zambi. ka kumona usolwelo wa mukwa ndundo jeswe, kuli iye aku lyumba nyi meso jenyi kanalaula. ⁵ Mbalaka je cho kupema, Yakomba, chihela chize watwama, Izalele! ⁶ Ngwe minda ya ku mbu mbulu ya lwiji ina za zuluka, ngwe minda ya kumbumbulu ya lwiji, ngwe mitondo ya aloa ya kutumba kuli Yehova. Ngwe senndulu kusesa lya lwiji. ⁷ Meya masupwoka ku swaha jo, mbuto jo mujipwa nyi meya anji. Mwanangana wo makapwa munene kuhyana Angange, nyi wanangana wo kumuukanangama. ⁸ Zambi maka muchiza mu Engitu. Makapwa nyi tachi ngwe mbau. Kumakamanuna akwa mavungu waze malimika nenyi. Kuma kamanuna yifwaha yo mu ipinji. Kumakasasa nyi mivu yenyi. ⁹ Ka kuutama ngwe ndumba, ngwe ndumba wa chihwo. iya meseka ku mwihya? Mweswe yoze ma muwahisa apwe wa ku wahisa; mweswe yoze ma mushinga ashingiwe. " ¹⁰ Ufwatulo wa Mbalake yiukasumukina Mbalau mba ya linga pwa nyi moko jenyi mu utenu. Mbalake yamba kuli Mbalau ngwenyi, " Na kusanyikanga kushinga akwa kole jami, mba tala, hiwa wahisa isuho itatu. ¹¹ Keshika katuka kuli yami hapwila uye ku mahyenu . Nguna kamba ngwami mungu kunangamisa, alyoze Yehova ha kuhonesa ku tambula ulemu nyi umwe. " ¹² Mba Mbalume yamba kuli Mbalake ngwenyi, " Nambanaga kuli mikeji waze watumanga kuli yami, ¹³ ' chipwe Mbalake te mangwaha nganda yenyi ya too nyi pulata nyi olu, chichi ku zomboka liji lya Yehova nyi kulinga chuma cheswecho chipi mungu zanga kulinga. Mungu hanjika chize wika Yehova mangu lweza kuhanjika, ' cha hanjikile no kuli ayo nyi? ¹⁴ Hapwila, tala, mungu hiluka kuli atu jami. Alyoze mungu hanga ku kukanyamisa chize wano atu makalinga kuli atu je matangwa a kulutwe. " ¹⁵ Mbalau yaputuka au upulofeta, yamba ngwenyi, " Mbalau mwana wa lunga wa Mboa kanahanjika, lunga yoze meso jenyi a laula. ¹⁶ Au upulofeta wa umwe yoze wa kwivwa maliji a kuli Zambi, yoze ukwete kunyingika cha nwe chitunda, yize ukwete usolwelo wa mukwa ndundo jeswe, kuli iye akalyumba nyi meso a ku laula. ¹⁷ Ngunamumono, alyoze keshi hano hapwila. Nguna mutale, alyoze keshi hakamwihi. Lutongonoshi maka tuhuka muli Yakomba, nyi lutanda kuma vumbuka muli Izalele, kuma kapupa tumini ja A-Moape nyi kwenyeka ana eswe a Shete. ¹⁸ Mba Endome makapwa chihanda cha Izalele, nyi Sela neye makapwa chihanda cho, akwa kole ja Izalele, waze Izalele makumba nyi tachi. ¹⁹ Muli Yakomba mu muka katuka mwanangana yoze makapwa nyi ndundo, nawa makonwono masalila amu limbo. " ²⁰ Mba Mbalau yatala Amaleke mba ya putuka u pulofeta wenyi. Yamba ngwenyi, " Amaleke wapwile vungu limwe linene ha mavungu, mba songo lyenyi muli kapwa lya kwonona. " ²¹ Mba Mbalau yatala kuli Akene mba ya putuka upulofeta wenyi. Yamba ngwenyi, " Chihela chize nwatwama mo chikolo, nyi chaswa che muliwe chili. ²² Chipwe chocho enu Akene kumaka nwocha ku kahya muze akwa Asule maka nu twala mu ufunge. " ²³ Mba Mbalau ya putuka upulofeta wenyi wa kusulako. Yamba ngwenyi, " Mama yami! iya mapwa nyi mwono muze Zambi malinga chino? ²⁴ Mato meza kukatuka mu mbaka ya Kitime; kuma kapupa Asule nyi ku kumba Epele, mba neye maka mwonwona. " ²⁵ Mba Mbalau ya katuka yaya. Yahiluka ku mahyo, nyi Mbalake neye yaya.