¹ Muze Yesu wapalikile , wamwene mutu kapuputa chize ku kusemuka chenyi . ² Tumbaji twenyi amuhulile ngwo , '' Longeshi , iya wa vulumwine , yono lunga nyi yisemi jenyi , hanga akasemuke kapuputa ?'' ³ Yesu wa akumbwile , '' chipwe yono lunga , kavulumwine , chipwe yisemi jenyi , alyoze hanga milimo ya Zambi yikasolokele muli iye. ⁴ Chatutamba kusolola milimo ya yoze wangutumine shimbu kuchili mwalwa. Ufuku kumuwiza muze nyi umwe mahasa kuzata wa kuhi. ⁵ shimbu nguchili hano hashi , panga lya hashi yami.'' ⁶ Muze Yesu hamba yoino yuma , wafwilile mate hashi walingile ndambo nyi mate , nyi wakwichile ize ndambo mu meso ja kapuputa . ⁷ Wambile kuli iyen ngwenyi, '' Yako usane mu chitende cha Saitome '' {linalumbunuka ngwo ''kanatumiwa''}. Keshika waile , yasana , nyi wahilukile nyi kanamone. ⁸ Enyembo ja yoze lunga nyi waze apwile nyi kumumona ku nyima ngwe wapwile mukwa ku ujila ambile ngwo , '' Yono hiyoze lunga ko watwamina nyi kwita ?'' ⁹ Amwe ambile ngwo , '' Iye mwene''. Akwo ambile ngwe , '' ka , alyoze kana soloka ngwe iye.'' Alyoze iye wambile ngwenyi , '' Yami mwene.'' ¹⁰ Ambile kuli iye , '' Mba kuchi alawisanga meso je?'' ¹¹ Wakumbulwile ngwenyi, '' Lunga yoze aku sanyika ngwo Yesu mwe walinganga ndambo nyi kungu kwita mumeso nyi kwamba ngwenyi , 'yako ku Saitome usane 'chocho nayanga nyi ku sana , nyi meso jami ingutambula.'' ¹² Yamba kuli iye ngwo, '' kulihi ali?'' Yamba ngwenyi, '' chanyingikine.'' ¹³ Yamu neha kuli Afwalisewu auze lunga wapwile kapuputa. ¹⁴ Mba lyapwile tangwa lya Sambata muze Yesu walingila ndambo nyi kumulawisa meso . ¹⁵ Cheka nawa Afwaliseu amuhulile ngwe chize alawisanga meso jenyi . Wambile kuli ayo ngwenyi , '' kasanga ndambo hameso jami , nasananga mba achize nguna mono.'' ¹⁶ Afwaliseu amwe ambile ngwo, '' Auno mutu hiwakuli Zambiko mumu keshi kufunga tangwa lya sambata.'' Alyoze akwo ambile ngwo , '' Ngwe kuchi chivulumunyi mahasa kulinga yilayi ngwe yino?'' kwapwile kulihandununa hakachiko. ¹⁷ Amuhulishile nawa kapuputa ngwo, '' kuchi yena unambe hali iye , chize alawisanga meso je?'' wambile ngwenyi , '' Iye polofeta . '' ¹⁸ Keshika a yunda kakafulyelele ngwe kapwile kapuputa mba walawile ku meso ndo atambikile yisemi ja kakapuputa. ¹⁹ Ahulishile yisemi jenyi, '' Yono mwanenu nyi yoze nwakwamba ngwenu kapuputa ? Mba kuchi anamono?'' ²⁰ Isemi jenyi ngwo , '' Tunanyingika ngwo auno mwanetu wasemukile kapuputa. ²¹ Alyoze ngwe halyapwila kuchi anamono kutwanyingikine , chipwe yoze wamulawisanga meso , kutwamunyingikine . Muhulisenu mwene , hakola . mahanjika iye mwene.'' ²² Yisemi jenyi ambile yino yumu, mumu avwile woma wa ayunda . Mumu Ayunda halitesa kuli hanga mweswe mamutaiza kupwa Kilishitu , akamuhange mu sunangonga. ²³ Mumu wa chino , yisemi jenyi yamba ngwo , '' Hakola, mu hulisenu.'' ²⁴ Chocho atambikile chisuho cha muchali mutu yoze wa pupichile kunyima ambile kuli iye ngwo , '' chichimyeka Zambi . Tuna nyingika ngwetu auno mutu chivulumunyi.'' ²⁵ Keshika wakumbulwile ngwenyi, '' kachi iye chivulumunyi ami chanyingikine . Chuma chimuwika nguna nyingika : napwile nguli kapuputa , halyapwila nguna mono.'' ²⁶ O ambile kuli yiye cheka nawa ngwo , '' kuchi alinganga kuli yena ? Ngwe kuchi alawisanga meso je?'' ²⁷ Wakumbulwile ngwenyi, '' Hina nwambulwila kulu , mba kunwa panjikile ko! kuchi te nunazange kuchivwa cheka nawa? Yenu nawa kunwazangile kupwa tumbaji twenyiko, myi kuchi? ²⁸ Ayo amututukile nyi kwamba ngwo , '' Yena kambaji kenyi , mba etu tuli tumbaji twa Mose. ²⁹ Tunanyingika ngwo Zamnbi kahanjikile nyi Mose, Alyoze kutwanyingikine kuze yono anakatuka.'' ³⁰ Auze lunga wakumbulwile ngwenyi, '' kuma chino chikomokeso, kunwanyingikine kuze anakatuka, hindu kalawisa meso jami. ³¹ Tunanyingika ngwo Zambi keshi kwivwa yivulumunyi , alyoze kachi umwe mapwa mukwa kuwaila Zambi , kuma mwivwa. ³² Chize kukuputuka cha chifuchi kanda twivwa nyi limwe tangwa ngwo umwe watemwishile meso ja mutu wasemukine kapuputa . ³³ Nyi auno kaka katukile kuli Zambi, kachi kahashile kulinga nyi chimwe.'' ³⁴ Amukumbulwile nyi kumwamba ngwo , '' Yena wasemukine lyakulu mu milonga , mba unatulongesa yetu nyi?'' o amukongele haze. ³⁵ Yesu wevwile ngwo hamukonga haze lya sunangonga . Wamuwanyine nyi kwamba ngwenyi , '''unafulyela kuli mwe mwana Mutu nyi?'' ³⁶ Yakumbulula ngwenyi, '' Iye yiya, Mwene , hanga ngumu fulyele?'' ³⁷ Yesu yamba kuli iye, hiwamumona ''' Iye nawa una hanjika nyi yena. '' ³⁸ Auze lunga wakumbulwile ngwenyi , '' Mwene , nguna fulyela , '' wamuwailile. ³⁹ Yesu wambile ngwenyi , '' Haupatwilo hinguneza hano hashi hanga waze keshi kumona akamone waze akumona apwe tupuputa .'' ⁴⁰ Waze akuli Afaliseu apwileko hamwe nenyi evwile yino yuma ambile kuli iye ngwo , '' Nyiyetu nawa kumanyi tuli tupuputa?'' ⁴¹ Yesu wamble kuli ayo ngwenyi , '' kachi nuli tupuputa , kachi kunushi mulonga , ayoze halyapwila nunambe ngwenu , '' tuna mono; keshika mulonga wenu ku unasala.''