¹ ''Pundu, pundu , ngunambe kuli yenu , yoze keshi kunjilila ku chikolo mulimba lya mapanga , alyoze manyinyina kweka, mwenawo lunga mwiji nyi muhuza . ² Yoze manjilila ku chikolo iye mwe kafunga ka mapanga. ³ Mukwa kufunga chikolo mamwazulwila . Nyi mapanga mevwa liji lyeni, nyi iye matambika mapanga jenyi mwene ha majina jo nyi ma atwala haze . ⁴ Muze te hatuwisa nyienyi mwene eswe, matetekela, nyi mapanga ma mukaula , mumu manyingika liji lyenyi. ⁵ Kechi kukaula chilambala alyoze mamuchina mumu kanyingikine liji lya yilamba.'' ⁶ Yesu wahanjikile chishima chino kuli ayo , alyoze kanyingikine chize ahanjikile kuli ayo. ⁷ Yesu wambile kuli ayo cheka , '' Pundu , pundu , ngunambe kuli yenu , yami chikolo cha mapanga . ⁸ Waze eswe angulyangilile kwiza eji nyi mihuza , alyoze mapanga ka evwileko. ⁹ Yami chikolo. Ngwe umwe manjila kuli yami kuma kamulamwina ; makanjila nyi makatuwoka , makawana kelo. ¹⁰ Mwiji keshi kwiza shina ha kwiya akashihe, akonaune. Neza hanga akapwe nyi mwono , hanga akapwe nawa wa kulumbama. ¹¹ Yami kafunga mupema . Kafunga mupema matumbika mwono wenyi hali mapanga . ¹² Yoze wakulingila fweto iye hi kafunga ko nyi mapanga hi nyienyi ko . Mamona kangunga kaneza nyi mahichika mapanga nyi machina . ¹³ Yoze machina mumu iye mukwa kulinga fweto nyi keshi kunyonga mapanga. ¹⁴ Yami mwe kawfunga mupema , nyi ngunanyingika waze jami nyi waze jami kanangunyingika . ¹⁵ Chizechene ngwe Tata kanangunyika , nyi yami nyi yami ngunanyingika Tata, nyi natumbika mwono wami hali mapanga. ¹⁶ Mapanga akwo nguli no waze hi a kulimba ko . Kumakevwa liji lyami o makapwa chendo chimuwika kafunga umuwika. ¹⁷ Keshika mwe Tata kakunguzanga: Ngunatumbika mwono wami hanga ngukawamde cheka nawa . ¹⁸ Nyiumwe mauchiza kuli yami , alyoze mungutumbika yami mwene. Chiyulo nguli nacho cha kutumbika , nyi chiyulo nguli nacho cha kuwanda cheka nawa . Shimbi yino nayitambwile kuli mwe Tata. ¹⁹ Kwapwile kulihandununa cheka nawa hakachi ka A-Yunda mumu ha maliji ano. ²⁰ Anji a kuli ayo ambile ngwo , '' Ndemonu akwete kanazaluka kuchi te munamwivu ?'' ²¹ Akwo ambile ngwo , '' Maliji ano hi a kuli mukwa ndemonu ko. Ndemonu mahasa kulawisa meso ja ka puputa nyi? '' ²² Ha matangwa aze afungile ku Yelusaleme chiwanyino cha kulitumbikila . Kwapwile mwaka wa chishika , ²³ nyi Yesu te kanende mu senge lya Solomone. ²⁴ Mba A-Yunda amujingilikile ambile kuli iye ngwo , '' Ndo mwiji muka mukatupwisa nyi chisweswe? Ngwe uli Kilishitu yena , twambulwile pundu.'' ²⁵ Yesu wa kumbulwilengwenyi , '' Nanulwekele , alyoze kunushi kufulyela . Yitanga yize nakulinga mu jina lya Tata , yino kuya kushndakenya hali yami. ²⁶ Alyoze kumushi ku fulyela mumu hi nuli a kuli mapanga jami ko. ²⁷ Mapanga jami kakwivwa liji lyami , yami ngunanyingika , nyi no kakungukaula . ²⁸ Nguna ahe mwono wa mutolo ; o kechi katoka nyichimwe kechi kaachangumuna ku kwoko lyami. ²⁹ Tata , yoze wanguhelewo , iye munene wahyana eswe , mba nyiumwe mahasa kwachungumuna ku kwoko lya ³⁰ Tata.Yami nyi Tata tuli umuwika .'' ³¹ A-Yunda anjile mawe cheka nawa hanga amwase. ³² Yesu wakumbulwile ngwenyi , '' Yitanga yinji yipema hingunanulweze ya kuli Tata . Ha chitanga chika chayize munungwashila mawe ?'' ³³ A-Yunda amukumbulwile ngwo, '' Ha chitanga chipema kutuchi kukwasa mawe , alyoze ha kushililika , mumu yena , se uli mutu wakulipwisa Zambi.'' ³⁴ Yesu wa akumbwile ngwenyi , '' Kuchasonewene mu shimbi yenu , ' Ngunambe , ''nuli mazambi nyi'''? ³⁵ Kachi wa avulukile ngenyi mazambi , waze kuli ayo liji lya Zambi lyahetele {nyi chisoneko kuchishi kuhasa kuchihokola} ³⁶ nunambe hali yoze Tata hanamusela ku usandu hanamutumu hano hashi , yena unashililika , ' mumu hinamba, ' Mwe mwana Zambi yami nyi? ³⁷ Kaschi chishi kulinga yitanga ya Tata , kanda nungufulyela . ³⁸ Alyoze kachi nakuyilinga chipwe kunushi kungufulyela , fulyelenu yitanga hanga nukanyingike nyi nukafulyela ngwe mwe Tata mwali muli yami nyi yami muli Tata.'' ³⁹ Afupile cheka nawa kumukwata , alyoze iye yakatukaho kukatuka mu moko jo. ⁴⁰ Wayile kuze cheka kanda lya Yondanu kuma kuze Yoano apwile nyikupapachisa hatangu , nyi kuze watwamine. ⁴¹ Anji atu ejile kuli iye ambile ngwo , '' Yoano chamwenemwene kalingile chilayi nyichimwe , alyoze yuma yize Yoano ahanjikile kutwala kuli yono mutu yamwenemwene .'' ⁴² Anji atu amufulyelele kuze.