¹ Kulutwe lya yino yuma , Yesu yaya kusali likwo lya chitende lya Ngalileya , kuze avulukile nawa ngwo chitende cha Taipilya. ² Mbunga yamukawile mumu amwene yilayi yize alingile hali akwakuyiza. ³ Yesu wakandukile ku mulundu nyi kutwama hashi nyi tumbaji jenyi . ⁴ { muze chizomboko , chiwanyino cha Ayunda , cha hetele hakamwihi.} ⁵ Muze Yesu wahetwile meso nyi kukumona mbunga yinene yineza kuli iye , yamba kuli Fwilipu, '' kuli kuze mulanda mbola hanga awa akalye?'' ⁶ { Alyoze Yesu wahanjikile chino mukumweseka Fwilipu, mumu iye mwene wanyingikine chize malinga} ⁷ Fwilipu wamukumbulwile , '' mbolo ja kufwika kulakaji aali a mbongo kujishi kuheta hali ayo.'' ⁸ Umwe wakuli tumbaji twenyi , Andeleu, ndumbu wa Shimone Petulu , yamba kuli Yesu ngwenyi, ⁹ '' kwali kunu umwe kanuke wa lunga uli nyi mbolo jitanu nyi yishi aali, Alyoze yino yika hali anji apwa haha?'' ¹⁰ Yesu yamba ngwenyi , '' Twamisenu atu.'' hapwile mwila unji hachihela. Atu atwamine hashi, ngwe tununu atano. ¹¹ Yesu keshika wanjile mbolo muze hasakwila , yahana kuli waze atwamine. Nyi kuyishi nawa chizechene, chize cheswe azangile. ¹² muze atu hakuta , yamba kuli tumbaji jenyi , '' Kungululenu yipalupalu yize yasalaho , hanga yakuhi muyitoka.'' ¹³ Akungulwile nyi kuzalisa yipakili kumi nyi aali hamwe nyi yipalupalu kukatuka mbolo jitano yize yasalileho kuli waze alile. ¹⁴ Mba muze atu amwene chino chilayi ambile ngwo, '' Chaumwenemwene awu ye pulofeta meza hano hashi.'' ¹⁵ Muze Yesu wanyingikine hali chino ambile kwiza akamuchangumune nyi tachi ku mupwisa mwanangana, yaya ku mulundu nawa iye ukawenyi. ¹⁶ Muze hichapwa chingoloshi , tumbaji jenyi apalumukine kuchitende. ¹⁷ Yanjila mu ulungu , kanazawuka ku chitende akaye ku Kafwanaume. Hapwile milima kulu, mba Yesu kanda achiza kuli ayo. ¹⁸ Nyi chitende chinafuzu fuji yinene yize yalambilileho. ¹⁹ Muje te hapulula yipimo makumi ali nyi atano chipwe makumi atatu, yamona Yesu kanende ha chitende nyi kwiza ku kamwihi nyi ulungu , mba o eswe evwile woma.'' ²⁰ Alyoze yamba kuli ayo ngwenyi, '' Yami! kanda nwivwa woma.'' ²¹ Azangile keshika kumutambula mu ulungu , Hohene ulungu wahetele kuze atalikishile. ²² Tangwa lize lyakawileho , mbunga yize yamanyine kusali ya chitende amwene ngwo kwakapwile ulungu ukwo shina umuwika ,nyi Yesu kanjililemo hamwe nyi tumbaji jenyi ayile ukawo . ²³ Halyapwila hapwile mato akatukile ku Taipilya ku kamwihi nyi kuchihela kuze alililile mbolo muze Mwene hasakwila. ²⁴ Muze mbunga anyingikine ngo Yesu nyi tumbaji jenyi kapwileko , anjilile mu mato nyi kuya ku Kafwanaume nyi kufupa Yesu. ²⁵ Muze te hamuwana ku sali lya chitende, yamba kuli iye , '' Longeshi , shimbu ika wezanga kuno?'' ²⁶ Yesu yo ma wa kumbulula, ngwenyi, ''pundu, pundu, nunangufupu, hi ha yilayi yize nwamweneko, alyoze mumu nunakalya mbolo nyi kukuta. ²⁷ Kanda muzachila chakulya chize cha kutoka , alyoze zachilenu chakulya chize chili nyi mwono wamutolo chize mwana wa Mutu manuhana, mumu Zambi Tata hana mujiki nyichijikilo.'' ²⁸ Yahanjika kuli iye , '' kuchi mutulinga , hanga tulinge milimo ya Zambi ?'' ²⁹ Yesu yakumbulula nyi kwamba kuli ayo ngweyi, '' Ayi ye milimo ya Zambi : Hanga nufulyele muli yoze hanamutumu iye.'' ³⁰ Yamba kuli iye, '' chilayi muka chize mulinga, hanga tumone tukufulyela? chika chize mulinga? ³¹ Tulamba twetu o alile mana mupuya , ngwe chize chinasonewa , ' Wahele mbolo kukatuka kwilu ya kulya .'''' ³² Yesu yawakumbulula ngwenyi,'' pundu, pundu, hi Mose ko wanwehele mbolo kukatuka mwilu, alyoze hi Tata unanuhane mbolo ya umwenemwene yinakatuka mwilu. ³³ Mumu mbolo ya Zambi yinakatuka mwilu kwiza hashi nyi kuhana mwono kuli aka hashi.'' ³⁴ Keshika ambile kuli iye, '' Longeshi twehe kama mbolo yino matangwa eswe. ³⁵ Yesu yamba kuli ayo , '' Mbolo yamono yami; wuze meza kuli yami kechi kevwa zala , nyi uze mangufulyela kechi kevwa pwila . ³⁶ Alyoze nambile kuli yenu ngwami hinunangumono , mba nwaka fulyelele. ³⁷ Waze eswe Tata mangwaha meza kuli yami , nyi yoze meza kuli yami chichi kumumbila haze nyichimwe. ³⁸ Mumu hinguneza hashi kukatuka mwilu, himukulinga upale wami ko , alyoze upale wa uze wangutuma. ³⁹ Awu we upale wa yoze wangutuma , hanga kanda ngutokesa nyiumwe hali eswe waze ananguhane , alyoze ngukawahindwise hatangwa lya kusula. ⁴⁰ Mumu awu we upale wa Tata, muze eswe mamona mwe mwana nyi kumufulyela kumakapwa nyi mwono wamutolo nawa ngumukamuhindwisa hantangwa lya kusula.'' ⁴¹ Keshika A-Yunda alinyenyetele hali iye mumu wambile ngwenyi, '' yami mbolo yize yinakatuka mwilu.'' ⁴² Yamba ngwo , '' Yono hi yesu mwana Yosefwa ko, wuze tato nyi naye twanyingika nyi? kuchi te anambe ngwo , ' hineza hashi kukatukila mwilu'?'' ⁴³ Yesu wakumbulwile ngwenyi , '' kanda nulinyenyeta hakachi kenu . ⁴⁴ Wakuhi uze nahase kwiza kuli yami shina Tata wangutumine mamukoka, mungukamuhindwisa hatangwa lya kusula. ⁴⁵ Chinasonewa mu upulofeto, ' mutu mweswe kumaka mulongesa kuli Zambi .' Mutu mweswe hanevu nyi kulilongesa kuli Tata meza kuli yami. ⁴⁶ Kuchapwile ngwe umwe hamona Tata, shina yoze wakuli Zambi - iye hanamono Tata. ⁴⁷ Pundu, pundu, wuze mafulyela kumapwa nyi mwono wamutolo. ⁴⁸ Mbolo wa mwono yami. ⁴⁹ Tulamba jenu alile mana mu puya , no afwile. ⁵⁰ Mbolo yino yinakatuka mwilu , hanga mutu malya hanga ahone kufwa. ⁵¹ Mbolo wa mutolo ye yami wuze unakatuka mwilu . Nyi ngwe umwe malya kuli ayi mbolo , makapwa nyi mwono wa myaka . Mbolo yize ngunanuhane we mujimba wami wa mwono wa kwa hashi.'' ^{52 53} Keshika A-Yunda alihangulwile hakachi ko, ngwo, '' Kuchi te awu mutu matwaha mujimba wenyi hanga tukalye?'' Mba Yesu yamba kuli ayo ,Pundu , pundu, kunushi nyi mwono muli yenu shina munulya we musunya nyi kunwa manyinga, ja mwe mwana mutu. ⁵⁴ Mweswawo malya musunya nyi kunwa manyinga jami kali nyi mwono wamutolo, nawa mungukamuhindwisa hatangwa lya kusula . ⁵⁵ Mumu musunya wami chakulya chaumwenemwene , nyi manyinga jami kunwa chaumwenemwene. ⁵⁶ Yoze malya musunya wami nyi kunwa manyinga jami kanapu muli yami , nyi yami muli iye. ⁵⁷ Chizechene Tata mukwa mwono wangutumine , nyi yami nguli nyi mwono mumu hali Tata, halyapwila wuze malya yami , mapwa nyi mwono mumu wayami. ⁵⁸ Mbolo yino yinakatuka mwilu , hi tulamba alile nyi kufwa ko. Wuze malya yino mbolo mapwa nyi mwono wa myaka .'' ⁵⁹ Alyoze Yesu wambile ayi yuma musunangonga muze apwile nyi kulongesa mu Kafwanaume. ⁶⁰ Muze tumbaji jenyi anji achivwile ayo ambile ngwo , '' Longeso yino yikalu ; iya mahasa ku yitambula?'' ⁶¹ Yesu mumu wanyingikine ngo tumbaji jenyi alinyenyetene hali ayi, yamba kuli ayo , '' chino chinanutalingisa nyi? ⁶² Mba kuchi muchipwa munumona mwe mwana mutu kanayi kuze apwile? ⁶³ Shipilitu mwe wakupwisa nyi mwono ; musunya kuushi kufumbuka nyi chimwe . Maliji waze nahanjika kuli yenu a Shipilitu, nawa mwono. ⁶⁴ Alyoze kwali amwe hali yenu keshi kufulyela .'' Mumu Yesu wanyingikine kukatuka ku uputukilo waze amwe keshi kufulyela nyi yoze mamukunjika. ⁶⁵ Yamba ngwenyi , '' Mumu hali ayi nambanga kuli yenu wakuhi nyi umwe meza kuli yami shina mamwahacho kuli Tata.'' ⁶⁶ Mumu ha chino , tumbaji jenyi anji ayile nawa kalyendelele nenyi nawa. ⁶⁷ Yesu wambile kuli kumi nyi ali ,'' Nyiyenu nawa nunazange kuya nyi? '' ⁶⁸ Shimone Petulu yamukumbulula , '' Mwene , kuli iya mutuya ? Nuli nyi maliji a mwono wa mutolo , ⁶⁹ hi tunafulyela nyi kunyingika mwe musandu wa Zambi yena.'' ⁷⁰ Yesu yamba kuli ayo , '' chanutongwele yenu , .kumi nyi aali , nyi umwe hali yenu nydapu?'' ⁷¹ Mba wahanjikile hali Yundase mwana wa Shimone Kakelyote , mumu chinakapwa iye , umwe kuli kumi nyi aali, wuze makunjika Yesu.