¹ Kulutwe lya yino kwapwile chiwanyino cha A-Yunda , nyi Yesu wakandukile ku Yelusaleme . ² Chenacho kukamwihi nyi chikolo cha mapanga kuli chitende , mu limi lya hepeleu ngwo mbeteseta , chapwile nyi yisambwe yitano. ³ Chizavu chinene cha atu akwa ku yiza , tupuputa , yilema , chipwe akwa kusosewa eswe apwileko. ⁴ Mumu kangelo wa Mwene wapwile kuhulumuka ha wola jimwe ku chitende nyi ku kufunjisa meya nyi mweswawo walyangile kunjilamo ku lutwe lya kufuza che meya wapwile mungunu ku musongo weswawo akwachikiliwe nawo. ⁵ Kwapwile umwe mutu waijile makumi atatu a myaka nyi myaka nake . ⁶ Muze Yesu amumwene kanapombo , wa nyingikine ngwo iye wapwile kuze shimbi inene , yamba kuli iye ngwenyi ,'' unazange kupwa mungunu nyi ? '' ⁷ Mweji wakumbulwile ngwenyi , ''Mwene , chishi nyi umwe hanga muze meya mafuza akangunjise mu chitende . Alyoze muze mungwiza , mukwo mapalumukina kulutwe lyami .'' ⁸ Yesu yamba kuli iye ngwenyi , ''Katuka anda chisalo che,wende.'' ⁹ Hazehene mutu wapwile mungunu nawa wanjile chisalo chenyi wendele . Mba tangwa lize lya pwile sambata. ¹⁰ Mba A-Yunda ambile kuli yoze awukile ngwo , '' Musono sambata chatelele kumbata chisalo che.'' ¹¹ Wakumbulwile ngwenyi ,'' Yoze wangupwisa mungunu mwenawo wambanga kuli yami , ''Anda chisalo che wende.'' ¹² Amuhulile ngwo , '' Mutu muka wamba kuli yena , ' Chande wende,?'' ¹³ Alyoze , yoze awukile kakamunyingikine mumu te yesu haseunuka , se kwapwile mbunga ha chihela . ¹⁴ Kulutwe Yesu yamuwana mu tembele yamba kuli iye ngwenyi , '' Tala , hiwapwa mungunu ! kanda ukavulumuna nawa , kuchina chuma chipi chahyana muchikuwana . '' ¹⁵ Yoze mutu wayile wambilwilile A-Yunda ngwenyi Yesu iye wa mupwisa mungunu . ¹⁶ Hachikuma chino A-Yunda amuyanjishile Yesu , mumu walingile yino yuma hatangwa lya sambata . ¹⁷ Yesu wakumbulwile kuli ayo , ''Tata kalinga ndo halyapwila , nyi yami nawa , nakulinga . ¹⁸ Hamulomga wa ino , A-Yunda ashinganyekene chikolo kumushiha iye mulonga tangwa lya sambata , ayoze nawa wasanyikile Zambi ngwo Tato , kulipwisa mwene kupwa chimuwika nyi Zambi. ¹⁹ Yesu wakumbulwile kuli ayo , ''mwe mwana kechi kuhasa kulinga nyi chimwe ukawenyi shina cheswacho mamona mwe Tata kukulinga ,mumu cheswe Tata na lingi,nyi mwe mwana kakulinga chizechene . ²⁰ Mumu mwe Tata kazanga mwe mwana kakumulweza yize yesswe yize mwene akulinga, nawa iye maka mulweza yitantga yinene yahyana yino hanga nukakomoke. ²¹ Mumu chizechene Tata akuhindwisa afu nawa nyikwaha mwono chocho nawa mwe mwana kakwapwisa nyi mwono kuli mweswe yoze mazangamapala . ²² Mumu chipwe mwe Tato keshi kupatwila nyi umwe , alyoze hanahana we wupatwilo kuli mwe mwana . ²³ Hanga eswe akalemese mwe mwana , chizechene ngwe akulemesa mwe Tata. Yoze keshi kulemesa mwe mwana keshi kulemesa mwe Tata yoze wamutumine . ²⁴ Pundu, pundu, yoze mevwa liji lyami kufulyela muli yoze wangutumine kechi kamuhisa alyoze hanakatuka kukufwa hananjila mu mwono. ²⁵ Pundu , pundu ngunambe kuli yenu ngwami ola muyiza , nyi halyapwila hiyaheta , muze afu makevwa liji lya mwe mwana Zambi , nyi waze mevwa kumakapwa nyi mwono . ²⁶ Mumu chizechene ngwe mwe Tata akwete mwono muli iye , mwene chenacho nawa wahanyine kuli mwe mwana hanga apwe nyi mwono muli iye mwene , ²⁷ nyi Tata hana hana kuli mwana tachi ja kulinga mumu iye mwe mwana mutu. ²⁸ Kanda nukomoka ha chino , mumu wola yineza muze waze eswe ali mafuka makevwa liji lyenyi ²⁹ makatuhuka : Waze hanalingi yipeme kuwuhindukilo wa wmono , nyi waze hanalingi yipi kuwuhindukilo wa upatwilo. ³⁰ Chishi kuhasa kulinga nyi chimwe ukawami . Chizenakwivwa mungu patwila nyi upatwilo wami wa ululi mumu chishi kufupa wu pale wami alyoze upale wa yoze wangutumine . ³¹ Nyi ngo mungu hana uchela hali yami mwene , uchela wami kuushi kupwa wa wumwenemwene . ³² Kuli weka wakunguhanyina uchela , nawa ngunanyingika ngwami uchela wenyi wuze akuhana hali yami wawumwenemwene. ³³ Hinunatumu kuli Yowano neye hana hanahana uchela wa wumwenemwene . ³⁴ Alyoze uchela uze natambula hiwa kuli mutu ko . Nguna hanjika ayino yuma hanga nukalamwine. ³⁵ Yowano kapwile ndeye yize wapwile nyi kuwema nawa nyi kupanguka , nyi yenu mwazangile kuwahililamo mu ka shimbu. ³⁶ Alyoze uchela uze nguli nawa unene kuhyana wuze wa Yoano , mumu milimo yize angwaha Tata kumanununa , yize yene milimo nakulinga , uchela hali yami ngo Tata hana ngutumu . ³⁷ Tata mwene wangutumine hanahana uchela hali yami . Kanda nwivwaho liji lyenyi chipwe kusoloka chenyi hashimbu yeswayo. ³⁸ Kunushi nyi liji lyenyi kusala muli yenu mumu nwafulyelele muli yoze iye hanatumu. ³⁹ Nwahengwolele muyisoneko mumu nunashinginyeka ngwe mwe muli mwono wa mutolo , nyi yino yene yisoneko yangu manyinako uchela , ⁴⁰ alyoze kunwazangile kwiza kuli yami ngo nupwe nyi mwono. ⁴² Chishi kutambula uhenya kufuma kuli atu , ⁴¹ alyoze nguna nunyingika ngwe nwatwamine nyi zango lya Zambi muli yenwene . ⁴³ Hinguneza mujina lya Tata ku nwa kangutambwile nyi ngwo mukwo meza mujina lyenyi , munukamutambula. ⁴⁴ Kuchi munuhasa kufulyela enu nwaku taiza uhenya kuli mukwo nyi mwoko kunushi kufupa uhenya uze wafuma kuli mwene Zambi wika ? ⁴⁵ Kanda nushinganyeka ngwo ami mwene mungu kanulamikiza kuli Tata . Yoze makanulamikiza iye Mose , yoze nwa fulyelele mo. ⁴⁶ Nyi nwafulyela muli mose , kachi , munungu fulyela , mumu ka sonekene hali yami. ⁴⁷ Mba nyi nwafulyelele mu yisoneko yenyi , kuchi munu kafulyela yisoneko yami?''