¹ Mumu muze Yesu anyingikine ngwo Afwaliseu hanevu ngwo iye kana taisa nyikupapachisa tumbaji anji ku hyana Yoano ² {amba chocho Yesu mwene kapapachishile , Alyoze tumbaji jenyi wika , ³ wa hichikile Yundeya kayile cheka nawa ku Ngalileya. ⁴ Chize chene chamutamba kupalika mu Samaliya . ⁵ Keshika yaheta kulimbolya Samaliya, jina ngwo saika , kwakusulangana mu munda wuze ahanyine Yakomba kuli mwanenyi Josefu. ⁶ Nyi fuji lya meya lya Yakomba lya pwileko . Yesu kanevu yikatalo hamwenyi wenyi wayile nyi kutwama kufuji ya meya . hapwila ha ola yamu chisambano . ⁷ Pwo ka Samaliya yeza mukutaha meya , Yesu yamba kuli iye ngwenyi , '' Ngwehe kama meya ngunwe.'' ⁸ Mumu tumbaji jenyi te haya kulimbo lize nyi kulanda kulya. ⁹ Mba pwo ka Samaliya ha wambile kuli iye ngwenyi , '' kuchi yena , uli ka Yunda , unechi meya kuli yami , nguli pwo ka Samaliya , ngwo ngwehe ngunwe ?'' mumu Ayunda keshi kwendelana nyi Asamaliya. ¹⁰ Yesu wamukumbulwile nyi kwamba kuli iye ngwenyi , '' kachi yena hi wanyingika chawana cha Zambi , nyi yoze unambe kuli yena ngwenyi , '' ngwehe kama meya ngunwe, kachi wa mwita, nyi ku kwaha bmeya amwono.'' ¹¹ Pwo yamba kuli iye ngwenyi , '' Mwene, yena kushi nyi chimwe chaku swita nacho meya nyi shima nawa li suku. Mba kuliko wunatambula meya amwono? ¹² Yena kushi mu nene , nyi kuhyana mwe setu Yakomba , yoze watu hele lye shima ali wapwile nyi kunwamo iye mwene, nyi ana jenyi nyi yimuna jenyi?'' ¹³ Yesu wamukumbulwile ngwenyi , '' Mweswawo manwa ku meya wano mevwa pwila cheka nawa , ¹⁴ alyoze mweswe awo manwa kumeya waze mungu nwaha yami kechi kevwa pwila cheka nawa. Mba chocho, meya aze mungumwaha makapwa fuji ya meya muli iye , nyi kuvwelwoka mwono wa mutolo.'' ¹⁵ Yoze pwo yamba kuli iye ngwenyi , ''Mwene, ngwehe kama waze meya mumu chishi kwivwa pwila cheka nawa nyi chipwe chichi kwiza cheka kuno nyi kutaha .'' ¹⁶ Yesu yamba kuli iye ngwenyi , '' yako , utambike lunga lye wize kuno.'' ¹⁷ Pwo wakumbulwile kuli iye ngwenyi , '' chishi nyi lunga .'' Yèsu wakumbulwile ngwenyi , '' Yena kanawa wunambe ngwo, 'Lunga chishi nenyi ,' ¹⁸ Mumu wa pwile nyi malunga atano, nyi yoze wuli nenyi halyapwila hi lunga lye ko. Chamwene mwene unahanjika.'' ¹⁹ Pwo yamba kuli iye ngwenyi , '' Mwene , Nguna mono yena uli polofeta. ²⁰ Tulamba twetu awailile hamulundu awu, yenu nwa kwamba ngwo muma mwakuwaila mu Yelusaleme.'' ²¹ Yesu yamba kuli iye ngwenyi ,'' fulyela muli yami , pwo , shimbu kuyineza yize kechi ka waila Tata ha mulundu awu chipwe ku Yelusaleme ka. ²² Yenu nwa kuwaila chize kanwa nyingikine . Yetu twakuwaila chize tuna nyingika , Mumu wulamwino wakuli a Yunda. ²³ Mba chocho , shimbu kuyi neza , nyi halyapwila hiyaheta hano , muze akwa kuwaila amwene mwene maka wayila Tata mu Shipilitu nyi muwu mwenemwene, Tata kana fupu atu akwa kuwaila aze kali achize . ²⁴ Zambi iye Shipilitu , nyi aze akakumuwaila amuwaile mu Shipilitu nyi muwu mwenemwene chatamba .'' ²⁵ Pwo yamba kuli iye ngwenyi , '' nguna nyingika ngwo Mesiya kaneza { yoze anambe ngwo Kilishitu} . Muze meza makatwambulwila yuma yeswe .'' ²⁶ Yesu yamba kuli iye ngwenyi, '' Yami Mwene , ngunahanjika nyi yena.'' ²⁷ Hohene tumbaji jenyi ejile. O akomokene kumona kana hanjika nyi pwo , nyi umwe wahanjikile ngwo, '' Yika wuna Fupu?'' hanji ngwenyi ''' kuchi te anahanjika nenyi awu pwo?'' ²⁸ Yoze pwo wahichikile sapa yenyi wa waile ku limbo, nyi kwamba kuli atu ngwenyi , '' ²⁹ Tweyenu, nukamone mutu yoze wangwambulwilanga yuma yeswe yize nalingile kuma yono mwe Kilishitu , nyi?'' ³⁰ Atuhukile mulimbo ayile kuli iye. ³¹ Hashimbu alize , tumbaji amulembelele, ngwo , '' Longeshi , lyenu.'' ³² Alyoze wambile kuli ayo ngwenyi , '''kulya nguli nacho chize kunwa nyingikine.'' ³³ Tumbaji yamba kuli umwe nyi mukwo nyi mukwo ngwo , '' kushi nyi umwe wamunehenanga kulya , nyi?'' ³⁴ Yesu yamba kuli ayo ngwenyi , '' kulya chami kulinga upale wa yoze wangutumine hanga nguka manunune milimo ya yoze [wa ngutumine . ³⁵ Kunushi kwamba ngwenyi , 'kunasala tukweji awana hanga kucha mu chiheta '? ngunambe kuli yenu ngwami , Talenu hetulenu meso jenu numone miinda hiyinachili kulu nyikucha! ³⁶ Yoze wakucha matambwila wufweto nyi kukungulula mihako ya kutwala ku mwono wa mutolo, hanga yoze makuwa nyi yoze macha aka wahilile hamuwika . ³⁷ Mumu achi kuhanjika , 'umwe makuwa , umwe macha , 'chinapu chamwenemwene . ³⁸ Namu tumine mukucha haze kunwa kilikichile . Akwo hana kilikita , enu hinwanjila muku kilikita cho.'' ³⁹ Anji a Samaliya aku limbo alize amu fulyelele mumu ha maliji ayoze pwo wa hele shindakenyo, '' ngwenyi kangwa mbulwila yuma yeswe na lingile .'' ⁴⁰ Keshika muze Asamaliya ahetele kuli iye , a liumbile kuli iye , yamba kuli iye ngwo twamenu nyi yetu , hamwe , iye watwamineko matangwa aali. ⁴¹ Anji afulyelele mumu ha liji lyenyi . ⁴² Eswe ambile kuli pwo ngwo , '' kutwa fulyelele mumu wama liji aze wahanjikanga , mumu yetu ene hi twevwa , Mba hi twanyingika chamwenemwene ngwo yono mwe chilamwina cha aka hashi.'' ⁴³ Matangwa ali apalikile , wakatukile kuze wayile ku Ngalileya . ⁴⁴ Mumu Yesu mwene washindakenyene ngwenyi polofeta keshi ulemu mu chifuchi chenyi mwene. ⁴⁵ Keshika muze ahetele ku Ngalileya , Angalileya amutambwile. Chocho amwene yuma yeswe ayize walingile ku Yelusaleme ku chiwanyino , mumu ayo nawa eswe ayile ku chiwanyino. ⁴⁶ Keshika Yesu wahetele cheka nawa ku kana mu Ngalileya , kuze walumwine neye vinyu . Kwapwile umwe mukulwana chilolo mwanenyi wa lunga wayijile mu Kapelenau. ⁴⁷ Muze evwile ngwo Yesu hakatuka ku Yundeya haheta ku Ngalileya , wayile kuli Yesu wa lyumbile kuli iye apalumuke akahindwise mwanenyi mumute haka mwihi nyi kufwa ali. ⁴⁸ Jesus mba yamba kuli iye, ''Kunuchi kufulyela ,shina munumona yilayi nyi yipekese. ⁴⁹ ''Chilolo yamba kuli iye ngwenyi, '' Mwene, tweya hashi shimbu mwanami kanda afwa''. ⁵⁰ Yesu yamba kuli iye , '' Yako. Mwane hi mwono ali.'' Yoze mutu wafulyelele maliji waze Yesu ambile kuli iye , yakatuka yaya. ⁵¹ Shimbu machipalumuka hashi , ndungo yenyi yamutakana, yamba ngwo mwanenyi kali nyi mwono. ⁵² Mba yawahula ola yize aputukile kuhinduka . Yakumbulula kuli iye , ''Zau ha ola ya muchishimbyali kachiki kanakamukatuka.'' ⁵³ Mba tato wanyingikine ha ola yize yene Yesu wahanjikilileho kuli iye ngwenyi , ''Mwaneye kali nyi mwono. Mba mwene nyi akwa zuwo lyenyi afulyelele. ⁵⁴ Chino che chilayi cha muchali chize Yesu alingile muze akatukile ku Yunda haheta ku Ngalileya.