¹ Achi chimenemene hatangwa litangu lya semana , maliya mangandalena yaya kufuka ha chimenemene shimbu te kuchilimilima yamona liwe hali chizako kufuka . ² Yazomboka keshika yaheta kuli Shimone Petulu nyi kuli kambaji mukwo yose amu zangile Yesu . Pwo yamba kuli ayo ngwe nyi , '' ha chiza mwene kufuka , kutwa nyingikine kuze hamusa.'' ³ Petulu keshika watuhukile , nyi kambaji mukwo no ayile kufuka . ⁴ O aali azombokele hamuwika , nyi kambaji mukwo wa zombokele nyi kuhyana Petulu walyangile kuheta ku fuka . ⁵ Iye hakuhetama , atalemo yamona miya yama hina alinyu yina pombo, hindu kanjililemo. ⁶ Shimona Petulu nawa yaheta nyikumukawula iye wanjilile mufuka . Yawana miya yama hina alinyu yina pombo ⁷ nyi chitambala chize chapwile hamutwe wenyi. Hi hamuwika ko nyimiya yama hina alinyu alyoze cha kuvunga homa ha kuhandunuka ukawacho. ⁸ Hohene keshika kambaji, mukwo nawa wanjilile , yoze walyangile kuheta kufuka neye wamwene wafulyelele. ⁹ Mumu te kanda achinyingika chisoneko ngwe chamu tamba ku hinduka hakachi ka afu . ¹⁰ Tumbaji ayile kuma hyo. ¹¹ Alyoze Maliya wamanyine haze lya fuka nyi kulila . Keshika shimbu machilila , ya hetama yatala mufuka . ¹² Yamona angelo aali nyi mazalo atoma kana twama ,wumwe kumutwe, nyi mukwo kuyilyato kuze wa pombele mujimba wa Yesu . ¹³ O yamba kuli iye ngwo , '' Pwo , kuchi te wunalili ?'' Iye yamba kuli ayo ngwenyi , '' mumu ha chiza Mwene wami kamumbata , chanyingikine kuze hamusa.'' ¹⁴ Muze te hamba chino , watewulukile ku nyima yamona Yesu kana mana , alyoze kanyingikine ngwenye iye Yesu . ¹⁵ Yesu yamba kuli iye ngwenyi , '' Pwo , kuchi te wuna lili? Iya wuna fupu? '' Iye se kanashinginyeka ngwenyi yono njimi, yamba kuli yiye ngwenyi , '' Mwene , kachi wamumbatanga kumwe, ngwambulwile kuze wamusanga , mungumutwala kweka.'' ¹⁶ Yesu yamba ku iye ngwenyi , '' Maliya ''. Iye yateuluka yamba kuli iye mulimi lya Hepeleu ngwenyi , ''Rabona''{lina lumbunuka ngwo ''Longeshi'' yami}. ¹⁷ Yesu yamba kuli iye ngwenyi , '' Kanda wungu kwata , mumu kanda ngu chizezuka kuli mwe Tata , alyoze yako kuli mandumbu jami ukambe kuli ayo ngwe munguzezuka kulimwe Tata kanda Tatenu, nyi Zambi yami kanda Zambi yenu.'' ¹⁸ Maliya Mandalane yaya yambublwila tumbaji, ngwenyi , ''hina mona mwe Mwene ,'' Hamba yino yuma kuli yami. ¹⁹ Muze keshika hikwapwa chingoloshi ha tangwa, lize lye tangwa litangu lya Semana , muze te hana jila mapito muze apwile tumbaji mumu woma wa A-Yunda , Yesu wejile wa manyine mukachiko yamba kuli ayo ngwenyi , ''' Sambukila kuli yenu,'' ²⁰ muze te hamba chichi walwezele kuli ayo moko jenyi nyi lumbu lyenyi , tumbaji keshika awahililile muze amwene mwe Mwene. ²¹ Yesu keshika wambile cheka ayo ngwenyi , ''Sambukila kuli yenu , chizechene ngwe Tata hana ngutumu , chocho nyi yami nawa ngunanutumu , '' ²² muze te hamba chino , wahwimine hali ayo yamba kuli ayo ngwenyi , '' Tambulenu Shipilitu Musandu . ²³ Eswe muna konekena milonga yo; kumakonekenayo , eswe munukasa milonga yo, kumuyikashiwa,'' ²⁴ Achi Tomase , umwe wakuli kumi nyi aali , jina lyenyi likwo Ndilimu , kapwile hamwe no muze Yesu ejile. ²⁵ Tumbaji akwo keshika ambile kuli iye ngwo , '' hitwamona Mwene ,'' alyoze iye wambile kuli ayo ngwenyi , '' chichi kufulyela shina mungusa kwoko lyami mu lumbu lyenyi , chishi kufulyela ka .'' ²⁶ Kulutwe lya matangwa nake tumbaji twenyi apwile cheka nawa muchima lya zuwo , nyi Tomase hamwe no mapito, te akwajila , Yesu yeza yamana mukachi ko , yamba ngwenyi , ''Sambukila kuli yenu.'' ²⁷ Kulutwe lya chize yamba kuli Tomase , ngwenyi ,''Neha munwe we utale moko jami , neha kwoko lye ulise mulumbu lyami , kanda upwa kushi ufulyelo , alyoze pwako mukwa ufulyelo .'' ²⁸ Tomase wamu kumbulwile ngwenyi ,'' Mwene wasmi kanda Zambi yami.'' ²⁹ Yesu yamba kuli iye ngwenyi , '' Mumu hi wangu mona , hiwa fulyela , kuwaha kuli waze kangumwene hindu kanafulyela ,'' ³⁰ Chocho yilayi yinji yikwo keshika Yesu wayilingike kumeso jatumbaji ,jenyi! yize kuyasonewene mu mukanda uno. ³¹ Alyoze jino yinasonewa hanga nukafulyele Yesu iye mwe Kilishitu , mwe mwana Zambi , hanga ha kufulyela , nukapwe nyi mwono mu jina lyenyi.