¹ Kulutwe lya yino yuma Yesu yaisolola mwene cheka nawa kuli tumbaji jenyi kukalunga lwiji wa Tipelya. Chino che clisolwele yemwene : ² Semone Petulu kapwile hamuwika nyi Tomase jina likwo ngwo Ndilimu, Natanele wa ku Kena chihunda chamu Ngalileya, nyi ana ja Zambendeu , nawa nyi ako aali tumbaji ja Yesu. ³ Semone Petulu yamba kuli ayo , ''Yami ngunayi nyi kuta yishi .'' ayo yamba kuli yiye ngwo , yetu , nawa , mutuya hamuwika . ''Yaya nyi kujila mu wato , alyoze kakakwachile nyikamwe ufuku uze. ⁴ Hohene , muze hikwacha chimene , Yesu yamana ku sesa ya lwiji , mba tumbaji twenyi kakanyingikine ngwo iye Yesu . ⁵ Keshika Yesu yamba kuli ayo , ''Enu ana malunga, nuli nyi chimwe chakulya nyi?'' Yakumbulula ngwo , ''Ka.'' ⁶ Yamba kuli ayo ngwenyi , ''mbilenu wanda ku sali lya chindume cha wato , nawa kumunu wana imwe .'' Keshika yambila wanda wo hameya nawa kakahashile kuikoka mumu wa ishi anji. ⁷ Keshika tumbaji waze Yesu azangile yamba kuli Petulu , ''Yono mwe Mwene '' muze Semone Petulu wevwile ngwenyi mwe Mwene walikashile mukanjo wenyi wahelu (mumu wa pwile uselesele) , mba yalimbila mwene mukalungalwiji. ⁸ Tumbaji akwo yeza mu wato (mumu kakapwile hasuku nyi tunda , alyoze kulakaji lya metulo). Nawa akokele wanda wa yishi anji. ⁹ Muze hatutukila ha tunda , yamona kahya kamakala nyi yishi kanamocho nyi mbolo. ¹⁰ Yesu yamba kuli ayo ngwenyi , ''Nehenu yishi waze nwakwata kuno.'' ¹¹ Semone Petulu yatutuka nyi kukokela wanda kutunda , wa yishi anji anene anene, 153 wa yo, mba chipwe apwile anji , wanda kuwakapulikile. ¹² Yesu yamba kuli ayo , '' Tweyenu nulye chakulya chachimenemene. '' Nyiumwe ali tumbaji wahamukine kumuhulisa , ''Yena iya ? se kanyingikine ngo Mwene. ¹³ Yesu yeza , yanda mbolo , nawa yahana kuli ayo , nyi yishi nawa. ¹⁴ Chino che chisuho chamuchitatu Yesu yalisolola kuli tumbaji jenyi hanyima hahinduka kuli afu. ¹⁵ Hanyima ha lyaula, Yesu yamba kuli Semone Petulo , '' Semone mwana wa Yowano , unanguzange kuhyana wano nyi?'' Petulu yamba kuli iye ngwenyi , '' Ewa Mwene , yena unanyingika ngwo nakuzanga . '' Yesu yamba kuli iyengwenyi , ''Lisa ana mapanga jami.'' ¹⁶ Yamba iye cheka nawa chisuho chamuchali ngwenyi , '' Semone mwana wa yowano , wanguzanga nyi ?'' Petulu yamba kuli iye ngwenyi , '' Ewa Mwene , wanyingika ngwo nakuzanga .'' Yesu yamba kuli iye , ''Funga mapanga jami.'' ¹⁷ Yamba kuli iye chisuho chamuchitatu, ''Semone mwana wa Yowano , wanguzanga nyi ?'' Yamba kuli iye ngwenyi , ''Mwene , yena unanyingika yuma yeswe , wanyingika ngwo nakuzanga ,'' Yesu yamba kuli iye ngwenyi , lisa mapanga jami. ¹⁸ Pundu , pundu, ngunambe kuli yena, muze te wapwile kanuke, wapwile kuzala mazalo je nyi kuya kwesweko unazange, alyoze muze hi wakola , muwolola kwoko lye , nawa umwe makusa yizalo nyi kukumbata kuze kuwazangile kuya.'' ¹⁹ Mba Yesu wahanjikile chize nyi kulita nyi ku talisa kufwa chika chize Petulu maka chichimyeka Zambi. Muze hahanjika yino yuma , yamba kuli Petulu , ''Ngukawule.'' ²⁰ Petulu yajinguluka nyi kumona tumbaji tumbaji waze Yesu azangile kanawakaula, nyi uze watwamine kusaliya Yesu ku mesa ya chingoloshi wuze wahanjikile , '' Mwene, yiye uze makukunjika?'' ²¹ Petulu wamumwene nawa yamba kuli Yesu , ''Mwene mutu awu te kuchi malinga?'' ²² Yesu yamba kuli iye , ''kachi munguzanga akatwame ndo mungwiza, chikapwe kuchi kuli yenu? Ngukaulenu.'' ²³ Kuhanjika chino chahetele ku mandumbu , ngwo tumbaji kechi kanonga. Halyapwila Yesu kahanjikile ko kuli Petulu ngwo tumbaji amwe kechi kanonga , alyoze ''Nyi ngwo ngunazange iye kutwama ndo mungwiza , kuchi chinapu kuli yena?'' ²⁴ Awu mwe kambaji wuze watwama nyi shindakenyo hali ayi yuma, nawa wuze wayisonekene yuma yino, nawa tunanyingika ngwo shindakenyo yenyi ya umwenemwene. ²⁵ Yuma yinji iye Yesu alingile . Nyi ngwo yeswe ayisonekene , ngunachinyongo ngwami nyi chifuchi chene kuchahashile nyi kupwa nyi mikanda yize mayisoneka.