¹ Hohene keshika Pilatu watwalile Yesu a mulambile nyi shikote . ² Nyi naswalale ayinjile chipangula cha mbimbo . Achijikile ha mutwe wa Yesu a mujikile nyi hina lya chizele . ³ O akundamine kuli iye ambile ngo, ''' Vulye , mwanangana wa A- yunda ! ayo amulambile. ⁴ Pilatu watuhukile haze cheka nawa wahanjikile kuli ayo ngwenyi, '' Talenu , ngunamunehe haze kuli yenu hanga nunyingike chawanyine chitela nyi chimwe muli yiye .'' ⁵ Chocho Yesu watuhukile haze , kanazala chipangula cha mbimbo nyi hina lya chizele . Pilatu yamba kuli ayo ngwenyi , '' Talenu , awu mwe mutu!'' ⁶ Keshika muze asasendote akwakulutwe nyi tupita a mumwene Yesu , akololokele ngwo, '' Muhachilenu ha kulusu , muhachilenu ha kulusu! Pilatu yamba kuli ayo ngwenyi , mutwalenu yenwene nu muhachile ha kulusu , mumu yami chawanyine chitela muli yiye.'' ⁷ A- Yunda amukumbulwile ngwo , tuli nyishimbi, nyi kulita nyaji shimbi chamutamba kufwa mumu hanalipwisa mwe Mwana Zambi.'' ⁸ Muze Pilatu evwile lino liji , wevwile woma wahyana , ⁹ yiye wanjilile mu palasiwu cheka nawa yamba kuli Yesu ngwenyi , ''kulihi unakatuka? '' Mba Yesu kakamuhele kumbululo nyilimwe. ¹⁰ Pilatu keshika yamba kuli yiye ngwenyi , '' Kuwahanjikile kuli yami nyi? Kuwanyingikine chiyulo nguli nacho chakukutusula , nyi chiyulo chakukuhachila ha kulusu ?'' ¹¹ Yesu wamukumbulwile ngwenyi , '' Wushi nyi chiyulo nyi chimwe hali yami shina chize hanakwehe kwilu. Keshika , yoze wa ngukunjikanga kuli yena kali nyimulonga wahyana.'' ¹² Ha kumbulwiso lino , Pilato wesekele ku mutusula, alyoze A- Yunda akololokele , ngwo , '' nyi mutusula awu mutu, hi uli kasendo ka Sesale ko. Mweswawo malipwisa Mwanangana , mahanjika cha kulimika nyi Sesale.'' ¹³ Muze Pilatu evwile maliji , watwalile Yesu haze nyi kumutwamisa hashi ha chitwamo cha upatwilo mu fashi anavuluka ngwo '' Hakwalamwe,'' alyoze mu limi lya Alamiki ngwo , Ngapata.'' ¹⁴ Halyapwila achi chapwile hatangwa lya kululika chizomboka nyi ola yamuchisambano . Pilatu wambile kuli A- Yunda ngwenyi, '' Talenu , yono mwanangana wenu!'' ¹⁵ Awo akololokele ngwo . ''Mutwalenu , mutwalenu ; muhachilenu ha kulusu!'' Pilatu wambile kuli ayo ngwenyi , '' Nguhachile Mwanangana wenu ha kulusu nyi? '' Asasendote akumbulwile ngwo , '' Yetu kutushi mwanangana nyiumwe shina Sasele .'' ¹⁶ Mba Pilatu wakunjikile Yesu kuli ayo hanga a muhachile ha kulusu. ¹⁷ O ambachile Yesu , yiye watuhukile haze , wambachile nyi kulusu mwene , ku fwashi ana vuluka ngwo '' Kavwale , kuze anavuluka mu limi lya Hepelewu ngwo '' Ngolongata.'' ¹⁸ Kuze kwene a muhachilile ha kulusu , nyi akwo aali malunga hamwe nenyi , umwe kusali lino , nyi mukwo ku sali lize nyi Yesu hakachi. ¹⁹ Pilatu wasonekene chinyingi nyikuchisa ha kulusu . Hasonekewene : YESU KA- NAZALE, MWANANGANA WA A- YUNDA. ²⁰ Anji A-Yunda atangile achi chinyinga mumu kuma kuze amuhachilile Yesu hakulusu kwapwile kukamwihi nyi chihunda . Nyi chinyingi chasonewenene mu Hepelewu, mu Loma , nyi mu Ngelesiya. ²¹ Mba Asasendote akwa A-Yunda keshika ambile kuli pilatu ngwo, '' Kanda usoneka ' Mwanangana wa A-Yunda , ' Alyoze ngwe,yiye wambile , ' Nguli Mwanangana wa A-Yunda.''''' ²² Pilatu wakumbulwile ngwenyi , '' chize hinasoneka hinasoneka.'' ²³ Muze maswalale a muhachila Yesu ha kulusu , ambachile mazalo jenyi , ali pangilile muhihanda yiwana, kuli swalale mweswe chihanda chimuwika nyi chikuto nawa. Halyapwila achi chikuto kuchapwile nyi mutongwa , chatungiwile chize kwilu ndusu cheswe. ²⁴ Mba alyambile kuli umwe nyi mukwo ngwo , '' Kanda tuchipula , alyoze tuchitenu chela yoze muchipwa nyi chenyi. '' Achi chasolokele hanga chisoneko chikamanunuke chize chinambe ngwo, '' Alyanyinyine mazalo jami hakachi ko nyi ha uzalo wami atele chela. Keshika maswalale alingile yino yuma. ²⁵ Halyapwila kwamanyine ku kulusu ya Yesu naye, nyi ndumbwa naye , Maliya pwo lya kolopas , nyi Maliya ka - mandala. ²⁶ Muze Yesu amwene naye nyi kambaji yoze azangile kanamanako, yamba kuli naye ngwenyi , '' Pwo ,tala , mwane! ²⁷ Mba yamba kuli kambaji ngwenyi , Tala noko! chize ku ola yize kambaji wamutwalile kumahyenyi mwene. ²⁸ Kulutwe lya chino , kunyingika chize yuma yeswe hiyamanunuka hanga chisoneko chikamanunuke , Yesu yamba ngwenyi, '' Pwila ngunevu.'' ²⁹ Chikwachilo cha pwile ko nyi vinakwe achisele kuze , keshika azalishile shiponja nyi vinekwe nyikuhisa ha mushachi nyi ku yizundula helu ha kanwa lyenyi. ³⁰ Muze Yesu watambwile vinekwe wambile ngwenyi , ''' Hichamanunuka.'' Wazewile mutwe wenyi nyi kutula mwono wenyi. ³¹ Keshika A-Yunda mumu lyapwile tangwa lyakululika , hanga mijimba kuyichi kasala ha makulusu hatangwa lya sambata{ mumu tangwa lya sambata lize lyapwile tangwa lilemu} alembele kuli pilatu , hanga aakamakune molu jo nyi kwachizaho. ³² Keshika maswalale ajile amakwine molu ja mutangu nyi ja mukwo waze aahachilile ha makulusu hamwe nyi Yesu . ³³ Alyoze muze ahetele kuli Yesu amwene te hafwa kulu , kamakwine molu jenyi. ³⁴ Alyoze umwe wakuli maswalale watuwile lumbu lyenyi nyi kunga , nyi hazehene mwatuhukile manyinga nyi meya. ³⁵ Yoze wamwene chino hanashindakenya, nyi shindakenyo yenyi yamwenemwene. Neye hananyingika yize wambile yamwenemwene hanga nyi yenu nawa nukafulyele. ³⁶ Yino yuma yasolokele hanga chisoneko chikamanunuke ngwo , '' chifwaha chenyi nyichimwe kuchichi kamakuka .'' ³⁷ Cheka nawa , chisoneko chikwo chinambe ngwo, '' kumakamona yoze atuwile.'' ³⁸ Kulutwe lya yino yuma , yosefwe wa ku Alimateu , se wapwile kambaji ka Yesu { alyoze kutenga mumu ha woma wa A-Yunda } walembele kuli Pilatu hanga akachize mujimba wa Yesu . Pilatu wamutayijile . Keshika Yosefwe wejile wachijile mujimba wenyi . ³⁹ Nikondemu wejile nawa , yoze hatangu wejile kuli Yesu ha ufuku, Yiye wanehene yitumbo ya mila nyi aloa , ngwe makumi awana akilo nyi kilo jitano. ⁴⁰ Keshika ambachile mujimba wa Yesu a ukashile nyi miya ya mahina apema nyi mbuto ya vumba lipema , ngwe ndako ya A-Yunda mukululika ha kufunda mujimba. ⁴¹ Halyapwila muma muze amuhachilile ha kulusu mwapwile wande ; nyi mu wande mwapwile fuka lya muze nyiumwe mutu kanda afundamo. ⁴² Mumu chapwile tangwa lya kululika cha A-Yunda nyi mumu fuka lyapwie hakamwihi , asele Yesu.