¹ Muze Yesu wahanjikile wano maliji , wakatukile nyi tumbaji twenyi ku sali lya chinene cha Kendelone , muze mwapwile munda mwenamo wanjilile nyi tumbaji twenyi . ² Halyapwila Yundase , yoze wamukinjikile , waningikine muma muze , mumu Yesu wakungulikile ko kanji nyi tumbaji jenyi . ³ Mba Yunda se watetekele chizavu cha maswalale nyi tupita kuli asasendote akwa lutwe nyi A-fwalisewu , ayile kuze nyi masoka , temo , nyi yitwa. ⁴ Yesu keshika , nyikunyingika yuma yeswe yize muyiza hali yiye , watuhukile wahulile ngwenyi , '' Yiya nunafupu?'' ⁵ Amukumbulwile ngwo , '' Yesu ka -nazale.'' Yesu yamba kuli ayo ngwenyi , '' Yami nguli.'' Nyi Yundase , yoze wamukunjikile , wamanyine nyi maswalale . ⁶ Muze keshika ambile kuli ayo ngwenyi , '' Yami nguli,'' ayile ufuchanyima alimbikine hashi . ⁷ Cheka nawa waahulile ngwenyi , '' Yiya nunafupu ? '' O ambile ngwo , '' Yesu ka - nazale.'' ⁸ Yesu wakumbulwile . ngwenyi ''Hinanwambulwila ngwami yami nguli . Kachi keshika nunangufupu echenu wano aye kwo . '' ⁹ Hanga lijilikamanunuke lize ahanjikile ngwenyi: ''Wakuli waze hiwuna ngwehe , chatokesele nyiumwe . '' ¹⁰ Shimbu Petulu keshika , se katana wapwile nenyi , wamutomwene walambile ndungo ya sasendote mukwa lutwe watetele twitwi lyenyi lya chindume. Nyi jina lya ndungo malaku. ¹¹ Yesu keshika wambile kuli Petulu ngwenyi , ''Tomeka katana ke mu chindalo . Musenge uze anguhele Tata chichi ku unwa nyi? '' ¹² Ye mbunga keshika hamwe nyi kapitau nyi tupitau twa A-Yunda , akwachile Yesu amukashile . ¹³ O amutwalile kuli Anese hatangu , mumu yiye wapwile leko kuli kayafwa yoze wapwile sasendote mukwa lutwe ha mwaka uze wene. ¹⁴ Achi yono Kayafwa wapwile yoze walongesele A-Yunda ngwenyi chinatambe mutu umuwika akafwile e atu . ¹⁵ Shimone Petulu wakawile Yesu , nyi kambaji mukwo nawa . Achi sasendote mukwa lutwe wanyingikine kambaji yoze , yiye wanjilile hamwe nyi Yesu mu yize ya sasendote mukwa lutwe . ¹⁶ Alyoze Petulu wamanyine haze ku chikolo. Keshika kambaji mukwo , yoze amunyingikine kuli sasendote mukwa lutwe , watuhukile wahanjikile kuli mukwa kufunga chikolo , wanjishile Petulu. ¹⁷ Mwanapwo , mukwa kufunga chikolo , yamba keshika kuli Petulu ngwenyi , ''Yena nawa uli wakuli tumbaji twa yono mutu nyi ? ''. Yamba ngwenyi , '' Hi yami ko.'' ¹⁸ Achi dungo nyi tupita amanyineko , te hamwika kahyana ka makala , mumu kwapwile chishika , otele kahya . Nyi Petulu wamanyine hamwe no , nyi kwota kahya . ¹⁹ Sasendote mukwa lutwe keshika wahulile Yesu ha kutwala kuli tumbaji twenyi nyi hakutwala ku longeso lyenyi . ²⁰ Yesu wamukumbulwile ngwenyi , '' Nahanjikile mwaza kuli akwa hashi . Nalongesele matangwa eswe mu masunangonga nyi mu tembele muze akukungama nyi mu tembeleA-Yunda eswe. Nyitenga chahanjikile nyi chimwe . ²¹ Kuchi te unanguhula ? Hula waze hananowivu chize nahanjikile kuli ayo . Tala , wano kananyingika yuma yize nambile .'' ²² Muze Yesu hamba chino, umwe wa kuli tupita wamanyineko walambile Yesu mbangala ngwenyi , '' Chocho unakumbulula kuli sasendote mukwa lutwe nyi? '' ²³ Yesu wamukumbulwile ngwenyi , '' Kachi hinahanjika yipi, mba shindakenya ha yipi alyoze kachi nahanjika kanawa , kuchi te unangulambe? '' ²⁴ Anase kashika wamutumine wa kukasa kuli Kayafwa sasendote mukwa lutwe. ²⁵ Achi shimone Petulu kanamana nyi kwota kahya . Ambile keshika kuli yiye ngwo , '' Yena nawa uli umwe wa kuli tumbaji twenyi nyi ? '' Yiye walikalile wambile ngwenyi, ''Hi yami ko.'' ²⁶ Umwe wa kuli ndungo ja sasendote mukwa lutwe , wapwile usoko wa yoze twitwi lyenyi atetekeleko Petulu , yambangwenyi ,'' Kuma yami chakumwene mu minda hamwe nenyi nyi ?'' ²⁷ Petulu keshika walikalile cheka nawa ; hazehene ndemba watambikile . ²⁸ Yachiza Yesu keshika kuli Kayafwa akaye ku chipango cha nguvulu . Kwapwile chimenemene , chocho kanjilile mu chipango hanga kechi kulichisa alyoze hanga akaye chizomboka. ²⁹ Pilatu keshika watuhukile kuli ayo wambile ngwenyi , '' Mulonga uka nunasumu yono mutu? '' ³⁰ Amukumbulwile ngwo , '' Kachi yono kapwile chingulungulu, kachi kutwa mukunjikile kuli yena .'' ³¹ Pilatu keshika wambile kuli ayo ngwenyi , '' Mutwalenu , nukamupatwile nyi kulita nyi shimbi yenu.'' A-Yunda kashika ambile kuli yiye ngwo , ''Kuchalitele nyi shimbi yetu tushihe mutu nyi umwe .'' ³² Hanga liji lya Yesu lika manunuke lize mafwa . ³³ Lilatu keshika wanjilile cheka nawa mu chipango watambikile Yesu wambile kuli yiye ngweenyi, '' Mwe mwanangana wa A-Yunda yena nyi?'' ³⁴ Yesu wamukumbulwile ngwenyi , '' Shina unambe chino cha kuli yena mwene nyi, shina akwo akwambulwilile cho ha kutwala kuli yami? '' ³⁵ Pilatu wakumbulwile ngwenyi, ''Yami nguli ka- Yunda , nyi ? vungu lye nyi asasendote akwa lutwe akukunjika kuli yami . Kuchi unakalinga .'' ³⁶ Yesu wakumbulwile ngwenyi, '' Wanangana wami hi wa hashi ko . Kachi wanangana wami mu upwa wa hashi , kachi tumbaji twami malitachika hanga kechi kangukunjika kuli A-Yunda .Alyoze halyapwila wanangana wami hi wa hano ko . '' ³⁷ Pilatu keshika wambile kuli yiye ngwenyi , '' Mba yena uli mwanangana nyi ?'' Yesu wakumbulwile ngwenyi , '' Yena unachambe ngwe uli mwanangana . Ha chino hashi , hanga ngukashindakenya ha umwenemwene . Mweswe wa ku umwenemwene mevwa liji lyami .'' ³⁸ Pilatu yamba kuli yiye ngwenyi , ''umwenemwene (uka) kuchi upwa? '' muze te hamba chino , watuhukile kuli A-Yunda yamba kuli ayo ngwenyi , '' Chawanyine chitela nyichimwe muli yiye . ³⁹ Alyoze ndako nuli nayo ngutusule umwe kuli yenu ha chizomboka . Nunazange keshika ngutusule kuli yenu mwanangana wa A-Yunda nyi?'' ⁴⁰ O akololokela keshika cheka nawa ngwo , '' Hi yono ko , alyoze mbalapa . '' Achi Mbalapa wapwile muhuza.