¹ Muze Yesu hahanjika yino yuma, wahetwile meso jenyi kumalilu nyi kwamba ngwenyi, '' Tata , ola hiya heta , chichimyeka mwane hanga mwe mwana neye akakuchichimyeke - ² ngwe chizechene wamuhele chiyulo helu lya e atu eswe hanga akahane mwono wa mutolo yeswe kuli waze eswe hiuna mwehe. ³ Auno we mwono wamutolo : hanga akakunyingike yena wika Zambi wa mwenemwene , nyi yoze wa tumine, Yesu Kilishitu. ⁴ Nakuchichinyekene hashi. Hinguna manuna mulimo uze hiuna ngwehewo kuhinga. ⁵ Halyapwila , Tata , nguchichimyeke hamuwika nyi yena mwene nyi uhenya uze napwile nawo nyi yena shimbu hashi kanda hatangiwa. ⁶ Nasolwele jina lye kuli atu waze wanguhele akuli akwa hashi . Apwile hinye , nyi yena wahele kuli yami , no hanafungu liji lye. ⁷ Halyapwila kananyingika ngwo chuma cheswe chize wanguhele hiwahana kuli yami chakatuka ,kuli yena , ⁸ mumu hi naaha malijieswe waze wahanyine kuli yami. Ayto aatambwile nyi kunyingika chamwenemwene ngwo nakatukile kuli yena , o afulyelele ngwo yena wangutumine. ⁹ Nakulembela ayo. Chishi kulembela akwahashi alyoze waze yena hi unahana kuli yami , mumu ayena . ¹⁰ Yuma yeswe yize yayami hiye , nyi yize yeswe yayena, hiyama , nyi yami kananguchichimyeka nayo. ¹¹ Ami chishi nawa hano hashi , alyoze wano atu kali hashi nyi yami nguneza kuli yena. Tata musandu afunge kama mujina lye waze hi unangwehe hanga akapwe umuwika , ngwe chizechene tuli yetu umuwika. ¹² Muze napwile hamuwika nyi ayo, naafungile mujina lye , waze hiunahana kuli yami . Ami nalayile chocho nyi umwe watokele wakuhi , shina mwe mwanawa utoke, mba chisoneko chikalumbunuke . ¹³ Halyapwila mu ngwiza kuli yena , alyoze ngunahanjika yino yuma hano hashi hanga uwahililo wami ukazale muli ayo. ¹⁴ Hi nguna ahe liji lye , nyi akwa hashi haanavwile kole mumu kapwile akwa hashi, chizechene ngwe yami hi nguli mukwa hashi ko. ¹⁵ Cha kwichile ngwami ukachize hachifuchi alyoze ukafunge kuli yoze mupi. ¹⁶ O kapwile akwa hashi, chizechene ngwe yami hinguli mukwa hashi , chizechene ngwe yami hinguli mukwa hashi ko . ¹⁷ Wapwisa asandu mu umwenemwene.Liji lye we umwenemwene. ¹⁸ Chizechene yena wangutumine hashi , chocho nyi yami hi ngunaatumu muchifuchi . ¹⁹ Mumu hali ayo hi ngunali sela ku usandu , chocho ayo ene hawa akalisele ku usandu mu umwenewmene, ²⁰ Chalembelelele wano wika , alyoze nyi waze mawngufulyela mumu ha liji lyo ²¹ chocho eswe akapwe umuwika , chize chene ngwe yena , Tata uli muli yami, nyi yami nyi yami muli yena. Nyi ayo nawa akapwe umuwika muli yetu chocho akwa hashi akafulyele ngwo wangutumine. ²² Uhenya uze wanguhele yami, hingunauhana ,kuli ayo hanga akapwe umuwika , chizechene ngwe tuli umuwika: ²³ Ami muli ayo , nyi yena muli yami hanga ukaapwise umuwika chikolo, chocho akwahashi akanyingike ngwo yena wangutumine , hiu nazange ngwe yami hiunanguzange. ²⁴ Tata , ngunazange nawa waze hiunangwehe akapwe hamuwika nyi yami kuze nguli , akamone uhenya wami, yhenya uze wanguhele yami mumu wangu zangile shimbu te kanda achisa fundamendu ya hashi. ²⁵ Tata mukwa ululi , akwa hashi kakunyingikine, alyoze ami nakunyingikine; nyi wawa kananyingika ngwo yena wangutumine . ²⁶ Na nyingikishine jina lye kuli ayo, mungukalinyimaikisa nawa kuli ayo chocho zango lize hiwanguzanga nacho yami likapwe muli ayo , nyi yami muli ayo.''