¹ Yino yuma hinahanjika kuli yenu hanga kunuchi kutalinga. ² Kumakanu tuwisa mumasunangonga . Alyoze wola yineza yize mweswawo wakunushiha kumakanyonga ngwe kanalingi milimo ya Zambi. ³ Kumakalinga yino yuma mumu kanyingikine Tata chipwe yami. ⁴ Hinahanjika yuma yino kuli yenu hanga muze wola yo muyikeza, munukeuluka ngwo nanulwekele hali ayo. Kunanulwekele yino yuma chize ku uputukilo , mumu napwile nyi yenu. ⁵ Alyoze ngunayi kuli yoze wangutumine, mba nyiumwe hali yenu unanguhula ,' kuli wunayi?' ⁶ Mumu hinahanjika yino yuma kuli yenu , mbunge jenu hijazala nyi chinyengo. ⁷ Alyoze chaumwenemwene ngunanulweke , chinafumbuka hali yenu kachi munguya . Mumu nyi kungushi kuya , kachi chikwashi kechi kwiza kuli yenu, alyoze nyi munguya , mungumutuma kuli yenu. ⁸ Muze meza , iye makakumika akwaha hashi hakutwala ku shili, hakutwala ku ululi , nyi hakutwala ku upatwilo - ⁹ hakutwala ha shili, mumu kangufulyelele; ¹⁰ hakutwala ku ululi, mumu ngunayi kuli Tata , kunushi kangumona ; ¹¹ nyi hakutwala ku upatwilo , mumu hapatwila mwata wa hano hashi. ¹² Yuma yinji ngulinayo yakuhanjika kuli yenu, alyoze kunuchi ku yivwa halyapwila. ¹³ Alyoze muze iye , Shipilitu wa mwanemwene , meza , makanusongwela mu umwenemwene weswe , mumu keshi kahanjika kukatuka kuli mwene . Alyoze kumakahanjika yeswe yize makevwa , nyi kunulweza yuma muyizaho. ¹⁴ Kumakanguchichimyeka , mumu makatambula yuma yami makanwambulwilayo. ¹⁵ Yuma yeswe yize yili nyi Tata yami. Keshika ngunakahanjika ngwami Shipilitu makatambula yuma yami nyi kunwambulwilayo. ¹⁶ Mushmbu yikehe kunushi kungumona, nyi cheka nawa mushimbu likehe munukangumona.'' ¹⁷ Muze amwe tumbaji jenyi ahanjikile kuli umwe nyi mukwo , ''Acho chika anambe kuli yetu, ' mushimbu likehe kunuchi kangumona nawa mushimbu likehe kukatuka halize litangu munukangumona,' mumu ngunayi kuli Tata'?'' ¹⁸ Keshika yamba ngwo, '' Achi chuma chika chize anambe , mushimbu likehe'? Kutwanyingikine chize anahanjikaho.'' ¹⁹ Yesu wanyingikine ngwo azangile kumuhula , yamba kuli ayo, '' Achi che nwapwakanga kulihula yenwene, muze nachitalikishilanga muze nambanga, ' mushimbu likehe nyi yenu kunushi kungumona, nawa mushimbu likehe munungumona '? ²⁰ Pundu, pundu ngunambe kuli yenu , munukalila nyikulinyenga , alyoze akwa hashi makawahilila . Munukazala nyi chinyengo , alyoze chinyengo muchikalumuka uwahililo. ²¹ Muze mwana pwo masema mapwa nyi chinyengo mumu wola yenyi yaheta , alyoze muze masema mwana , kechi kwiuluka luyinda lyenyi mumu wakuwahilila ngo mutu hasemuka hano hashi. ²² Nuli nyichinyengo halyapwila , alyoze mungukanumona nawa, nyi mbunge yenu mujikawahilila, nyi uwahililo wenu nyiumwe manuchiwo. ²³ Hatangwa lize kunuchi kanguhula nyichimwe. Pundu, pundu ngunambe kuli yenu , cheswacho munwita Tata mujina lyami , kumakanwaha . ²⁴ Ndo halyapwila kunwechile nyi chimwe mujina lyami . Etenu mba kumunukatambula , hanga uwahililo wenu wukazale to.'' ²⁵ HIngunambe yino yuma kuli yenu mu yishimi, alyoze wola yineza muze kunguchi kahanjika muyishimi , alyoze mungukamwambulwila hakutwala kuli Tata ²⁶ Hatangwa lize munuketa mujina lyami chambile kuli yenu ngwami mungu kalemba kuli Tata hali yenu, ²⁷ mumu Tata mwene kanuzanga mumu nwanguzanga nyi mumu hinunafulyela ngwe nakatukile kuli Tata. ²⁸ Ngunakatuka kuli Tata, hinguneza hineza muchifuchi. Nawa nguna hichika chifuchi nyikuya kuli Tata.'' ²⁹ Tumbaji jenyi yamba ngwenyi, '' Tala, halyapwila unahanjika hatoma nawa usoloka kuzachisa yishimi. ³⁰ Halyapwila tunanyingika ngwo nunanyingika yuma yeswe, cheka kunwazangile nyiumwe kunuhula. Mumu ha chino , tunafulyela ngwetu hihunakatuka kuli Zambi .'' ³¹ Yesu yawakumbulula , '' Halyapwila nwafulyela? ³² Talenu , wola yineza , ewa hiyeza , muze munukamwanga , mutu mweswe kuzuwo lyeni , munukanguhichika ukawami. Alyoze ngushi ukawami mumu Tata kali nyi yami. ³³ Hinahanjika yino yuma kuli yenu hanga nupwe nyi sambukila muli yami . Hano hashi munukapwa nyi luyinda , alyoze hamukenu hingunakumbu hashi.''