¹ Yami vindela yamwene mwene , nyi Tata yiye njimi . ² Kakuchiza mitango yeswe yize yishikwima mihuko, nawa kakupemesa mitango yeswe yakwima mihuko hanga yikeme mihuko yinji. ³ Yenu hinwapema kulu mumu wa liji lize hinahanjika kuli yenu. ⁴ Twamenu muli yami, nyi yami muli yenu . Ngwe chize mutango uchi kwima mihuko ukawawo ndo mu utwama mu vindela , ⁵ Yami vindela , enu nuli mitango. Yoze matwama muli yami nyi yami muli yiye , mwe mema mihuko yinji , mumu kwakuhona yami nyi yimwe mulinga yakuhi. ⁶ Nyi kachi te umwe kechi kutwama muli yami , kakumbila haze ngwe mutango nyi kuyumisa , alyoze kakukunga mitango nyi kuyimbila mu kahya , nawa yakuwema . ⁷ Nyi nwatwama muli yami , nawa nyi maliji jami kasala muli yenu , hulisenu cheswacho munu zanga , mumu muchikalingiwa kuli yenu. ⁸ Tata wami machichimyeka mu chino , mba nyi kwima mihuko inji nyi chocho munukapwa tumbaji jami. ⁹ Chizechene Tata hana zange yami , nyi yami nawa hingunanuzange . Twamenu mu zango lyami. ¹⁰ Nyi munufunga shimbi jami , munu katwama mu zango lyami , ngwe chize nafunga shimbi ja Tata wami nyi kutwama mu zango lyenyi. ¹¹ Hingunahanjika ino yuma kuli yenu hanga uwahiso upwe muli yenu nyi uwahilo wenu ukazale . ¹² Jino je shimbi , nukalizange umwe nyi mukwo chizechene ngwe yami hinguna nuzange . ¹³ Nyiumwe uli nyi zango linene lya hyana - kachi umwe matumbika mwono wenyi hali mukwo. ¹⁴ Yenu tusendo twami nyi nwalinga chino mungu nwamba . ¹⁵ Chichi kunuvuluka nawa ngwami ndungo , mumu ndungo keshi kunyingika yize mwene wenyi malinga . Hingunanuvuluka ngwami tusendo , hayuma yeswe nevwile kuli Tata wami hi ngunanunyingikisayo. ¹⁶ Yenu ku nwakasakwile yami , alyoze nanu sakwile nawa nanu funjikile hanga nukaye nukeme mihuko , hanga mihuko yenu yikasale. Hanga cheswacho munwita kuli Tata kupalikila mujina lyami , makanwahacho. ¹⁷ Yino yuma ngunanwambeyo , hanga nukazange umwe nyi mukwo. ¹⁸ Nyi chifuchi chanuvwoila kole , nyingikenu ngwo chevwile kole yami shimbu kanda chivwila kole yenu. ¹⁹ Nyi kate nwapwile akwa hashi , akwa hashi kate anuzangile ngwe oene . Alyoze mumu nushi ngwe akwa hashi nawa mumu nanusakwile kunufumisa kuli akwa hashi , keshika akwa hashi anuvwila kole. ²⁰ Iwulukenu chifuchi nanulwezele, 'ndungo keshi kuhyana Mwene ' , Nyi kana kanguhungumyona, nyi yenu makanuhungumyona ; nyi kafungile liji lyami , nyewo makanufungila lyenu. ²¹ Nyiwo makalinga yuma yino yeswe kuli yenu hamulonga wajina lyami , mumu ka kamunyingikine yoze wangutumine. ²² Nyi ngwe cha kejile nyi kuhanjika kuli ayo , kate kechi kulumbuka , mba halyapwila keshi nyi kalyongela ha mulumbu wo. ²³ Yoze manguvwila kole kevwila kole nyi Tata. ²⁴ Nyi kachi chalingile milimo yize nyi umwe hali ayo , kachi kakalumbukile , mba halyapwila hatala nyi kwivwila ukole eswe yami nyi Tata. ²⁵ Alyoze chino hichapwa cha kumanununa liji lize lya sonewa nyi shimbi jo , 'Angwivwilile kole kwa kuhona nyi chimwe . ²⁶ Muze chikwashi meza - Yoze mungukatuma kuli yenu kufuma kuli Tata , iye mwe Shipilitu wa umwenemwene , yoze makafuma kuli Tata - iye makashindakenya hali yami. ²⁷ Nyi yenu nawa kumunu kashindakenya , mumu yenu nwapwanga hamwe nyi yami ndo kukuputuka.