¹ ''Mbunge jenu kanda jilipikala. Nwafulyela muli Zambi, fulyelenu muli yami nawa. ² Mu zuwo lya tata muli ipatulo inji . Nyi hi cho . choko, kachi na nwa mbulwilile , mumu ngunayi nyi ku nululika chihela . ³ Nyi mu nguya nyi ku nu lulikila chihela , mungwiza nawa nyi ku nwijila kuli yami mwene ,hanga kuze yami nyi yenu nu kapwe. ⁴ Nunanyingika jila ya kuze ngunayi .'' ⁵ Tomase yamba kuli Yesu , ''Mwene , kutwanyingikine kuze unayi , kuchi mutunyingika jila?'' ⁶ Yesu yamba kuli iye , '' Yami jila , umwenenmwene , nyi mwono ; nyi umwe meza kuli Tata ndo mapalikila muli yami . ⁷ Nyi nunanyingika yami , kachi nu nanyingika nyi Tata . Hapwila hi nwa mu nyingika nyi ku mu mona.'' ⁸ Filipe yamba kuli Yesu , ''Mwene , tulweze Tata , nyi chocho muchitutela .'' ⁹ Yesu yamba kuli iye , '' Shimbu inene napwa nyi yenu nyi hindu kuwa ngunyingikine , Filipe ? mweswe ha mona yami ha mona Tata . Mba kuchi unambe , ' tulweze Tata'? ¹⁰ Ku watayile ngwo nguli muli Tata nyi Tata kali muli yami ? Maliji waze nguna hanjika kuli yenu cha hanjikile mu tachi jami , alyoze Tata uli muli yami kanalingi mulimo wenyi . ¹¹ Ngutaize ngwo nguli muli Tata , nyi Tata kali muli yami , nyi ka taiza ha mulonga wa milimo ya cho. ¹² Cha mwenemwene , cha mwenemwene, ngunambe , yoze mafulyela muli yami milimo ize nakulinga neyo makailinga , makalinga milimo inene kuhyana ino mumu ngunai kuli Tata. ¹³ Cheswe munwita mu jina lyami , munguchilinga hanga Tata afumane muli mwana . ¹⁴ Nyi munungwita che swacho mu jina lyami , mungu chilinga. ¹⁵ Nyi nunanguzange , fungenu shimbi jami , ¹⁶ mungu kalemba kuli Tata , iye makanwaha chikwashi mukwo akapwe nyi yenu ndo ku myaka ya mutolo - ¹⁷ Shipilitu wa umwene mwene . Chifuchi kucha mutambwile mumu kucha mu mwene chijiwo ku munyingika . Alyoze enu nuna munyingika , mumu katwama nyi yenu makapwa muli yenu. ¹⁸ Chichi kunuhichika uka wenu ; munguhilika kuli yenu . ¹⁹ Alyoze ha shimbu ikehe nyi chifuchi kuchichi ku ngu mona nawa , alyoze enu munungu ngu mona . Mumu yami nguli nyi mwono , nyi yenu munukapwa nyi mwono . ²⁰ Hatangwa lize munukanyingika ngwo nguli muli Tata , nyi yenu nuli muli yami , nawa nyi yami nguli muli yenu. ²¹ Yoze uli nyi shimbi jami nyi ku jifunga mwenawo wa ngu zanga , nyi yoze wa ngu zanga maka mu zanga kuli Tata , nyi yami mungu mu zanga nawa mungu lisolola kuli iye. ²² Yundase (hi ka-kelyote ko) yamba kuli Yesu , '' Mwene , mumu waka mulisolola kuli yetu kuli akwa chifuchi ka?'' ²³ Yesu ya kumbulula kuli iye ngwenyi , ''nyi umwe ka nguzanga , mafunga liji lyami. Tata mamu zanga , nawa mutwiza kuli iye nyi kusa utwamo weye nyi iye . ²⁴ Yoze keshi ku nguzanga keshi kufunga maliji jami . Liji lize nwa kwivwa hi lya kuli yami ko alyoze lya kuli Tata yoze wa ngu tumine . ²⁵ Hina hanjika ino yuma kuli yenu , shimbu ngu chili nyi yenu. ²⁶ Alyoze , chikwashi - Shipilitu Musandu yoze Tata makatuma mu jina lyami - makanulongesa yuma yeswe nawa makanwiulwisa yuma ize nambile kuli yenu. ²⁷ Sambukila ngunanuhichikila ; sambukila yami ngunanwehe . Cha nuhele ngwe chize akwa hashi aku hana . Mbunge jenu kanda jilipikala, kanda nwivwa woma . ²⁸ Hinunevu ize nambile kuli yenu , ngunayi , mba mungwiza nawa kuli yenu .' Nyi munungu zanga , munu wahilila mumu ngunayi kuli Tata , mumu Tata iye munene wa hyana yami . ²⁹ Hina nulweza shimbu kanda ichipwa hanga , muze muipwa , munu kataiza . ³⁰ Chichi kuhanjika chinji nawa nyi yenu , mumu mwata wa hano hashi meza . Keshi nyi tachi hali yami, ³¹ alyoze hanga akwa hashi akanyingike ngwo namu zanga Tata , nakulinga chizechene Tata anghele shimbi. Tukatukenu muno tuyenu.''