¹ Matangwa asambano shimbu chizomboka kanda chiheta , Yesu wejile ku Mbeteniya, kuze apwile Lazalu amuhindwishile yesu hakachi ka afu . ² Kuze kashika amulingilile chiteleka , nyi mata wavumbikile , alyoze Lazalu weapwile umwe wa kuli waze atwamine ku meso hamwe nyi Yesu. ³ Henaho Maliya yanda limbula ya yitumbo ya vumba lipema yilemu chikolo , wawayishile nayo yilyato ya Yesu , wakusumwine yilyato yenyi nyi kambu jenyi . Nyi zuwo lyazalile to nyi vumba lya yitumbo. ⁴ Yundase Sakaliya , umwe wa kuli tumbaji jenyi , yoze mamukunjika , yamba ngwenyi , ⁵ '' Kuchi te kalanjishile yitumbo yino ha kulakaji atatu a mbongo akajihane kuli yiswalale ? '' ⁶ Achi ambile chino ka mumu wanyongene yiswale, alyoze mumu wapwile mwiji . Te wapwile nyi tuku iye wehile jize aselemo. ⁷ Yesu ngwenyi , '' Mwechenu hanayifungu ha tangwa lya kufunda chami. ⁸ Mumu yiswale nuli no matangwa eswe hamwe nyi yenu. Alyoze yami kunushi nyi yami matangwa eswe. ⁹ Mba mbunga yinene ya A- Yunda anyingikine ngwo Yesu wapwileko, o ejile , hi mumu hali Yesu wika ko , alyoze hanga akamone Lazalu , yoze amuhindwishile hakachi ka afu . ¹⁰ Assasendote akwa lutwe atwamine punga hanga akashihe Lazalu ; ¹¹ Mumu te hali iye anji a kuli A- Yunda apwile nyikuya nyikufulyela Yesu. ¹² Muze hikwacha mbunga yinene ya waze ejile ku chiwanyino. Muze evwile ngwo Yesu kaneza ku Yelusaleme , ¹³ anji mitango ya mingaji atuhukile mukumupatwiza nyi kololoka ngwo, '' Vulye ! kafumana yoze meza mu jina lya Mwene, mwen mwanangana wa Izalele.'' ¹⁴ Yesu te hawana mwana chimbulu watwamine hali iye ;ngwe chinasonewa , ¹⁵ '' Kandawivwa woma , mwana wa Ziyone; tala mwanangana we kaneza , kanatwama hali mwana - chimbulu.'' ¹⁶ Tumbaji twenyi kanyingikine hatangu ; alyoze muze te Yesu hanjila mu uhenya wenyi , ewulukile ngwe yino yuma yasonewene hali iye ngwe alingile yuma iye. ¹⁷ Keshika mbunga yize apwile hamwe nenyi muze atambikile Lazalu atuhuke mu fuka amuhindwishile hakachi ka afu. ¹⁸ Ha chikuma chino nawa mbunga amupatwijile , mumu evwile ngwo halinga chilayi chino. ¹⁹ Afwaliseu keshika alyambile hakachi ko, '' Nunamono, kunushi kulinga nyichimwe ; talenu , akwa hashi eswe hanayi kunyima yenyi.'' ²⁰ Kwapwile amwe Angelesshiya hakachi ka waze akandukile mukuwayila ku chiwanyino . ²¹ Wano ejile kuli Fwilipu , yze waku Mbeteseta limbo lya mu Ngalileya , nyikuhulisa yiye , ngwo , '' Mwane , tunazange kumona Yesu .'' ²² Fwilipu yaya yambulwila Andeleu; Andeleu yaya nyi Fwilipu , nyi kwambulwila Yesu . ²³ Yesu yaakumbulula ngwenyi , '' Ola hiyeza mwe mwana mutu akanjile mu uhenya wenyi. ²⁴ Pundu , pundu , ngunambe kuli yenu ngwami , lunona wa tiliku matwama ukawenyi shina maholoka hashi mafwa , yakusala wukawayo; alyoze kachi mafwa , kachi mema mihuko yinji. ²⁵ Yoze mazanga mwono wenyi mautokesa ; alyoze yoze mavwila kole mwono wenyi hano hashi kumakaufunga ku mwono wa mutolo . ²⁶ Kachi umwe makanguvumbika , kachi akangukaule ;nyi kuze yami nguli , kuze kwene nawa kumakapwa kavumbi kami . Kachi umwe manguvumbika, kachi Tata kumaka mulemesa. ²⁷ Halyapwila mbunge yami yinalipikila kuchi mungwamba ? '' Tata , ngulamwine kuli ola yino'? Alyoze ha chikuma chino hineza hineza ku ola yino . ²⁸ Tata , chichimyeka jina iye . '' Keshika liji lyatuhukile mwilu ngwo , '' hingunachichimyeka kumungukalichichimyeka cheka nawa.'' ²⁹ Mbunga yize amanyineko o evwile ambile ngwo kunakulunguza . Akwo ambile ngwo , '' Mungelo kahanjika kuli iye.'' ³⁰ Yesu wakumbulwile ngwenyi, '' liji lino kulyejile mumu hali yami, alyoze mumu hali yenu. ³¹ Halyapwila upatwilo wa hashi hi weza: halyapwila kumambila haze mwata wa hashi. ³² Nyi kachi manguzundula hashi . Kachi mukakoka atu eswe kuli yami mwene.'' ³³ Iye wambile nyikulweza kufwa chize mafwa. ³⁴ Mbunga keshika amukumbulwile ngwo. '' Hitunevu mu shimbi ngwo Kilishitu matwama ndo ku myaka ya mutolo. Ngwe kuchi yena unambe ngwe , ' Chatamba kuzundula mwe mwaana mutu'? Yono mwe mwana mutu iya ?'' ³⁵ Yesu keshika yambile kuli ayo ngwenyi, '' Paangu lichili hakachi kenu mumu shimbu likepe . Endenu shimbu nuli Pangu , hanga milima kuyichi kanuwana . Nyi yoze menda mu milima kanyingikine kuze maya. ³⁶ Shimbu nuli nyi pangu , fulyelenu pangu hanga nukapwe ana a pangu .'' Yesu yahanjika yino yuma mba yakatuka yaswama kuli ayo. ³⁷ Alyoze Yesu hanalingi kulu yilayi chikolo kuli ayo, hindu kamufulyelele ³⁸ hanga liji lya pulofeta Izaya likamanunuke , lize ambile ngwenyi: '' Mwene , iya kwoko lya Mwene hilinasoloka?'' ³⁹ Ha chikuma chino kahashile kufulyela, mumu te Izaya wambile cheka nawa ngwenyi, ⁴⁰ '' Iye hanapupuchisa meso jo , iye hana kalisa mbunge jo; kuchina mamona nyi meso jo ma nyingika nyi mbunge jo, akalumuke, ⁴¹ Izaya wambile yino yuma mumu wamwene uhenya wa Yesu wahanjikile . ⁴² Chipwe chocho , hindu anji a kuli akwa kuyula akamufulyele Yesu ; mumu hali Afwaliseu, kamutayijileko kuchina maakatwisa ku sunangonga . ⁴³ Mumu azangile uhenya wa atu kuhyana uhenya unakeza kuli Zambi . ⁴⁴ Yesu wakololokele ngwenyi , '' Yoze mangu fulyela , kangufulyeleko yami alyoze kuli yoze wangutumine , ⁴⁵ Nyi yoze mangumona mamona yoze wangutumine. ⁴⁶ Hinguneza ngwe panga hano hashi , hanga mweswawo mangufulyela kechi katwama mu milima . ⁴⁷ Kachi umwe mevwa maliji jami keshi kwafunga , yami chishi kumupatwila; mumu chejile hanga ngukapatwile akwa hashi , alyoze hanga ngukalamwine akwa hashi. ⁴⁸ Yoze malituna yami keshi kutambula maliji jami , kali nyi yoze mamupatwila . Liji lize nahanjikile lyenalyo kumulika mupatwila ha tangwa lya kusula. ⁴⁹ Mumu chahanjikile cha kuli yami mwene , alyoze Tata yoze wangutumine, iye mwene hanangwehe shimbi chize mungwamba nyi chize munguhanjika . ⁵⁰ Ngunanyingika shimbi jenyi mwono wa mutolo , yuma yize keshika nakuhanjika chizechene ngwe Tata hanambe kuli yami , chocho nakuhanjika .''