¹ Achi chipwe usendo utangu wapwile nyi yiyulo ya ku waila nyi musandu mwahano hashi. ² Mumu mbalaka ailulikile . Yitangu , muze mwapwile chikwachilo cha ndeya , nyi mesa , nyi mbolo ja kutumbyeka ; a vulukilemo ngwo muma musandu. ³ Ku nyima lya chikalakala cha hina lya mu chali , anmbe ngwo musandu mwa hyana. Mwapwile chilumbilo cha Olu cha kwochelaho yuma ya vumba lipema . ⁴ Mwapwile nawa chikwachilo cha usendo , uze wapwile wa kufuka weswe nyi olu . Mukachi kacho mwapwile ndoho yize yapwile nyi mana nyi mulumbu wa Alone uze watemwine , nyi mawe a usendo. ⁵ Helu lya chikwachilo , cha usendo , a Kelupimi ja uhenya kana zulamana ha chifuko cha cho, chize hapwila kutuchi kuhasa ku hanjika chihanda ha chihanda. ⁶ Muze ino yuma hipwa kululika , a sasendote apwile nyi ku njila njila matangwa eswe mu chipatulo chitangu cha mbalaka nyi ku linga milimo yo. ⁷ Alyoze sasendote mukwa lutwe wika wapwile nyi kunjila mu chipatulo cha mu chali, kamuwika mu mwaka ha mwaka , ndo nyi manyinga waze malambula hali iye mwene nyi haitela yatu ize akulinga hi kuzanga cho ko. ⁸ Shipilitu musandu kanalweze chino ngwenyi muze chipatulo chitangu china chimana jila ya muze mwa hyana usandu kanda ichisoloka . ⁹ Chino chapwile chesekeso cha shimbu ino. Yeswe yawana nyi itapo ize hapwila anahana kuya hashile ku tomesa amanyonga ambunge ya mukwa kufulyela . ¹⁰ Yatwama wika ku yuma ya kulya nyi kunwa nyi ku sana cheka , yiyulo ya mujimba ndo ku shimbu ya kululika cha ha. ¹¹ Kilishitu wejile ngwe sasendote mukwa lutwe wa yuma ipema ize hiyeza . Yapalika ku hyana mbalaka inene nawa kuishi kapalya nyi kamwe yize kaitungile ku moko ja atu , hi ya chifuchi chinoko. ¹² Hi nyi manyinga ko a pembe nyi ngombe , alyoze ha manyinga jenyi mwene , hananjila kamuwika muma musandu mahyana kamuwika hali eswe hana tambula ulamwino wetu. ¹³ Mumu kachi manyinga ja pembe nyi ja kuji lya ngombe nyi uto wa chimbembe wa ku sapwila waze hanapu nyi luchisa muyisela ku usandu ha kupemesa cha musunya , ¹⁴ Chinahyana manyinga ja Kilishitu , yoze mu Shipilitu wa mutolo walihanyine mwene keshi chipeka kuli Zambi , kanatomesa mbunge jetu kukatuka ku milimo ya afu nyi kulinga Zambi ya mwono? ¹⁵ Mumu wa chino , iye chitakanyishi cha usendo waha . Achi chinapu chocho , muze kufa hichi napu ha mulonga wa ulamwino wa waze akwa usendo utangu ku shili yo , waze hanasanyika makatambula chilakenyo cha chihinga cha mutolo. ¹⁶ Mumu kuze kuli usendo , chinatela nawa kufwa cha mukwa ku ukolesa . ¹⁷ Mumu usendo mu ukola muze hikwapwa kufwa , mumu ku ushi nyi ulemu shimbu yoze wa ukashile u chili nyi mwono. ¹⁸ Keshika chipwe usendo utangu kaukolesele kushi manyinga . ¹⁹ Mumu muze Mose te ha hana shimbi jeswe kuli atu eswe nyi kulita nyi shimbi , wanjile manyinga ja ana angombe nyi ja pembe , nyi meya , nyi wanda uchila , nyi hisope , wasapwilile nyi mukanda nyi atu eswe. ²⁰ Mba yamba ngwenyi , '' awa e manyinga a usendo uze Zambi hana wambe .'' ²¹ Mujila yoyene , nyi mbalaka nawa nyi yikwachilo yeswe ya uvumbiko wayisapwilile nyi manyinga . ²² Nyi kulita nyi shimbi , yuma yeswe kakuipemea nyi manyinga . Nyi kushi ku mwanga manyinga kukushi ukonekene. ²³ Keshika chatamba apemese izulye ya yuma mu malilu ailulike nyi itapo ya imuna. Chipwe chocho , nyi ye yuma ya mwilu inatela kuitomesa nyi itapo ingunu . ²⁴ Mumu Kilishitu kakanjilile mu ma musandu mwahyana mwa kulinga nyi moko , chize chapwa chizulye cha chize chingunu . Alyoze wanjilile mwilu mwene , nyi ku soloka ku meso ja Zambi mumu lya yetu. ²⁵ Kaile muze hanga ali hane isuho inji , ngwe chize akulinga sasendote mwakwa lutwe , yoze wa kunjila muma musandu mwa hyana mwaka ha mwaka nyi manyinga aweka. ²⁶ Nyi kachi chenacho chapwile , kachi wa mwen lamba isuho inji chize ku kutanga cha chifuchi . Alyoze hapwila hi kanasoloka kukusula cha tungonde twa myaka nyi ku chizaho shili mukulihana chitapo mwene. ²⁷ Ngwe chizechene hana chisakula mutu kufa ka muwika , mba kulutwe lya chino upatwilo , ²⁸ chenacho nawa , Kilishitu amulambwile kamuwika hanga akambate milonga ya aniji , kuma kasoloka nawa chisuho cha muchali , hi nyi kuchiza shili ko, alyoze ku ulamwino wa waze ana mu shimbwila .