¹ Mumu shimbi jili chizulye chayuma yipema yize muyi kezaho, hi we mujimba wene ko wa yuma yene . Awaze akwiza kuli Zambi kahashile kulitomesa kuyitapo yimuwika yize asasendote akuneha mwaka ha mwaka . ² Nyi chocho , kechi kwecha kuhana milambu nyi? Mumu akwa kuwayila hanatomesa kamuwika kechi kahasa kupwa nawa nyi manyonga a shili. ³ Alyoze nyi yitapo yize chiwulwiso cha shili mwaka ha mwaka . ⁴ Mumu chawashiwile manyinga ja ngombe chipwe pembe kuchiza shili. ⁵ Keshika Kilishitu ejile hano , yamba ngwenyi , ''Yitapo nyi milambu kwayi palile , alyoze wangululikilila mujimba ; ⁶ mumilambu yamuundu yakulumba nyi yitapo ha shili yena yo kuwawahilililemo. ⁷ Henaho nambile ngwami, ' Talenu, hano nguli - chize chene chasonewa mumukanda chinasonewa hali yami - kulinga , Zambi, upale we.''' ⁸ Chitangu yamba ngwenyi , ''Hi yitapo ko, nyi milambu chipwe yeswe yawana yakulumba, chipwe shili , ena kwayiyipalile . Chipwe kuwa wahililemo muli iyo.'' Ayino ye yitapo yize yakuhanyiwa kweseka nyi shimbi . ⁹ Mba yamba ngwenyi , '' Talenu hano nguli hanga ngulinge upale wenu.'' Kakuchizaho yitanga yitangu hanga akakolese yamuchali . ¹⁰ Mu upale wuno , hanatusela ku usandu kuku lambula chamujimba wa Yesu Kilishitu ka muwika mumu wa eswe. ¹¹ Tangwa ha tangwa asasendote kapwile nyi kumana nyi kulambwola yitapo kuli Zambi. Kanahana yitapo yimuwika nyi kuhilwisaho nawa- yitapo kuyishi kuhasa kuchiza shili. ¹² Alyoze muze Kilishitu hamuhana chitapo chimuwika hali eswe watwamine ku kwoko lya chindume lya Zambi . ¹³ Kanashimbwila ndo akwa kole jenyi kupwa chitwamo chayilyato yenyi. ¹⁴ Mumu kuchitapo chimuwika hanapwisa angunu ndo myaka ya mutolo waze hanasela ku wusandu. ¹⁵ Shipilitu musandu neye hana tumanyinako uchela . Chitangu kanambe ngwo , ¹⁶ ''Uno we usendo uze mungukalishika no kulutwe lya matangwa , che anambe mwene. Mungukasa shimbi jami mukachi ka mambunge jo ,nawa munguka jisoneka muyishinganyeka yo.'' ¹⁷ Yawezelaho ngwenyi , ''Nyi milonga yo nawa nyi ungulungulu wo chichi kayiwuluka nawa.'' ¹⁸ Alyoze kuze kuli kukonekena kwaino , kushi mulambu ha shili nawa nyi umwe. ¹⁹ Keshika , mandumbu , nyi ufulyelo tuli nawo wakunjila muma musandu mwahyana ku manyinga a Yesu . ²⁰ Ayi ye jila ya ha nawa jila ya mwono yize hanatwazulwila kupalika nyi hina, chenacho, kupalikila mu musunya wenyi. ²¹ Mumu tuli nyi sasendote munene helu lya zuwo lya Zambi , ²² tweyenu tukundame nyi ma mbunge ja wumwenemwene nyi kusela chinyingi lyakulu cha ufulyelo , se hasapwila mbunge jetu jipema kushimbi jipi , se hasanyisa mijimba yetu nyi meya apema . ²³ Tulalaminyenu kuhona kukajana nyi kutalatala chetu nyi kutaiza, mumu yoze walakenyene iye mukwa ululi. ²⁴ Tutalenu chize mutulijikijisa umwe nyi mukwo muzango nyi milimo yipema . ²⁵ Kanda twecha kukunguluka hamuwika , ngwe ndako ya amwe chize alinga .Alyoze . tulishinjile umwe nyi mukwo chikolo nyi kuhyana , nawa chahyana chize munumona tangwa hilya kundama. ²⁶ Mumu nyi twavulumuna nyi mbunge yeswe muze hitwatambula chinyingi cha wu mwenemwene , chitapo ha chishiko nawa . ²⁷ Keshika , kunasala wika kutwaminyina chawoma wa usopeso , nyi utenu wakahya , kahya kaze mukakenyeka akwa kole ja Zambi. ²⁸ Mwaswawo yoze makana shimbi ya Mose mafwa chakuhona kuvwila keke ha unjiho wa yela aali hanji atatu. ²⁹ Kuchi chinatela ku kanyamisa yoze ha lyata ku molu mwe mwana Zambi , waze a lelesele manyinga a usendo ngwe hi a sandu ko - manyinga wa ze a mutomesene mo- nyi kutuka Shipilitu wa vumbi? ³⁰ Mumu kutuna munyingika yoze wambile ngwenyi , '' Kukala nyi chami ; yami mungukafwetesa.'' Nawa ngwenyi , '' Mwene makapatwila atu jenyi . '' ³¹ Kuholokela mu moko ja Zambi wa mwono chuma chakukolesa woma ! ³² Alyoze iwuluka matangwa akunyima , muze te hinwatambula pangu nwanyongonwene hakupalika chinji mu lamba . ³³ Anumwesene kuchoka matuka nyi kuhungumyona , nawa nwalyanganyine nyi waze apalikilemo mu lamba lya cho . ³⁴ Mumu nwevwile keke hali funge , nwatambwile nyiwuwahililo kupunda cha yikumba yenu . Tununanyingika nuli nayo yikumba yahyana ya kulinduluka. ³⁵ Kanda nukambila keshika hamu lyenu, lili nyi fweto yinene. ³⁶ Mumu chanutamba kunyonga nulinge upale wa Zambi , nukatambule che chilakenyo . ³⁷ ''Mumu kashimbu kakepekepe, yoze mevwa kumeza kechi kushimbula . ³⁸ Mukwa ululi wami kumenda ku ufulyelo. Mba kachi mahilukilamunyima , mbunge yami yichikawahilila muli iye.'' ³⁹ Alyoze etu hituliko akwa kuhilukila kunyima, alyoze tuli hali waze akwa kufulyela nawa afunga mbunge jo .