¹ Achi ufulyelo che kulisela chinyingi cha yuma yize anayitalatala nawa kukununuka cha yuma kanda yichisoloka . ² Mumu hamulonga wa chino , tulamba azukile nawa ha ufulyelo wo. ³ Ku ufulyelo chatulumbunuka kwamba malilu nyi hashi kayitangile ku tachi ja liji lya Zambi , hakwamba yize yakusoloka kakayitangile kukatuka kuyuma yakusoloka. ⁴ Chapwile ku ufulyelo mba Ambele yahana chitapo chilemu kuli Zambi kuhyana kene , chenacho yamutongola mukwa ululi , nyi Zambi yamuchichimyeka hamulonga wa wana wenyi , nawa Ambele machihanjika chipwe hanafu. ⁵ Chapwile ku ufulyelo mba Enoke yamumbata kwilu kwakuhona kufwa . '' Kaka mumwene , mumu Zambi kamumbachile .'' Shimbu kanda achimumbata kwilu , chanyingikine ngwo kanapemesa kuli Zambi . ⁶ Achi kukuhona ufulyelo chikalu kupemesa kuli Yiye . Mumu chinazangiwa te yoze meza kuli Zambi kanatela ngwo aye wapwileko nawa yiye wakwonona waze akumufupa . ⁷ Chapwile ku ufulyelo kwamba Nowa , muze hamwaha sango ha yuma kanda amona , wevwile woma wa Zambi nyi kutunga wato wakupulwila akwa zuwo lyenyi . Hakulinga chino , wahishile chifuchi nyi kupwa swana wa ululi uze wnalite nyi ufulyelo . ⁸ Chapwile ku ufulyelo kuze Apalahama , muze amusanyika , wononokene nyi kuya kuchihela chize matambula kupwa chihinga . Wakatukile nyikuya kwakuhona kuze apwile nyi kuya. ⁹ Chapwile ku ufulyelo kwamba wa twamine mu chifuchi cha chilakenyo ngwe chilambala. Watwamine mu ma mbalaka nyi Isaki nyi Yakomba , swana nyi akwo mu yilakenyo yimuwika. ¹⁰ Mumu watalile talile limbo nyi fundamentu , yakulinga nyi kutunga kuli Zambi. ¹¹ ku ufulyelo - nyi Sala wapwile mumba - watambwile tachi ja kumita ana chipwe te hakola , mumu aye wafulyelele yoze wamushikile . ¹² Keshika , kukatuka ku mutu umuwika - yoze te hi mafwa - kwasemukine ana anji ngwe tongonoshi mumalilu nyi kwoka ngwe usenga wa ku lwiji. ¹³ Ku ufulyelo kwenako eswe wano afwile kwakuhona yilakenyo . Chipwe chocho , muze hayimona yichili kusuku, anyingikine ngwo apwile yilambala nawa akwakupalika ha chifuchi. ¹⁴ Mumu waze akwamba yino yuma kaklisolola ngwo kanazange ku mahyo. ¹⁵ Nyi kanyongene hachifuchi muze akatukile , kachi te mahasa kuhiluka . ¹⁶ Mba chize chili , kanazange chifuchi chipema , chize cha malilu . Keshika Zambi kavwile sonyi kumusanyika ngwo Zambi yo , mumu hanalulikila chihunda. ¹⁷ Chipwe ku ufulyelo kwa Apalahama , muze amwesekele , wahanyine Izake. Mwanenyi wa wika mwe ahanyine , yoze watambwile yilayi. ¹⁸ Apalahama mwe alwezele , '' Kupalikila muli Izake mwenamo munyachi we makautambikila .'' ¹⁹ Apalahama washinginyekene ngwenyi Zambi unahase kumuhindwisa Izake ku afu , mba kuhangikila mu yishima, mwenamo amutambwilile. ²⁰ Nawa ku ufulyelo wa yuma yakulutwe kwa Izake wakiswile Yakomba nyi Yisawu. ²¹ Ku ufulyelo kwenako Yakomba , muze te hinafwa , wa wahishile ana ja Yesefe. Yakomba wa yillile, kushachila ha mulumba. ²² Chapwile ku ufulyelo kwa Yosefe , muze kusula chenyi hichakundama , wahanjikile ha kuya cha ana jenyi ja Izalele kukatuka ku Engitu nyi kwashika hamulonga wa ifwaha yenyi. ²³ Chapwile ku ufulyelo kwenako Mose , muze asemukine , amuswekele kapwile mwana mupema . Ka kevwile woma wa shimbi ja mwanangana . ²⁴ Chapwile ku ufulyelo kwa Mose , muze hakola , wakanyine ku musanyika mwana wa mwa- pwo wa Falawu. ²⁵ Wasakwile kumona lamba hamuwika nyi atu ja Zambi kuhyana kuwaha cha shili ha shimbu yikehe. ²⁶ Wa nyongene ngwenyi sonyi ja ku kawula Kilishitu chapwile chinene kuhyana upite wa Engitu . Mumu wataile meso jenyi ha wana. ²⁷ Chapwile ku ufulyelo kwa Mose wahichikile Engitu . Kakavwile woma wa uli wa mwanangana , mumu wajikijile ngwe yoze wamwene yoze keshi kusoloka . ²⁸ Chapwile ku ufulyelo kwa afungilile chizombika nyi kusapwila cha manyinga , hanga chenyeka wa ana atangu kusemuka kanda akwata ana atangu ja Izalele. ²⁹ Chapwile ku ufulyelo kwa apalikile mu kalunga lwiji wa mahongo ngwe haze hamavu akuma . Muze a Engitu esekele kulinga chino , awo aminyine mukalunga lwiji. ³⁰ Chapwile ku ufulyelo kwenako yipupa ya Yeliku yaholokele hashi , muze ha yijinguluka matangwa shimbyali. ³¹ Chapwile ku ufulyelo kwa Lahape chitanji kakafwile hamuwika nyi yingulungulu , mumu katambwile ngendeshi nyi sambukila . ³² Yika yikwo mu ngwamba? Mumu shimbu yangukehela kachi mungunulweza hali Ngindyone , Mbalake , Samasone, Yafeta, Ndawichi , Samwele nawa nyi hali apulofeta. ³³ Ku ufulyelo kwa akumbile ma wanangana , alingile ya ululi , nyi kutambula yilakenyo . Ajikile makanwa a ndumba, ³⁴ ajimine tachi ja kahya , apulukile ku poko ya mukwale , awukile ku misongo , apwile nyi kutakama mu jita nyi kukumba maswalale ayifuchi. ³⁵ Mapwo atambikile afu jo ku uhindukilo wa kusanguka . Akwo aapinjishile , kuhona kutambula kwechako, hakwamba , akapalike mu kusanguka kupema. ³⁶ Akwo ahepwishile nyi kwalamba mashikote , nawa nyi malenge nyi kwasa mu kamenga . ³⁷ Aashile mawe . Kapatwile haali . Ashihile nyi katana . Endanganyine mu malambu ja mapanga nyi malambu a pembe . Kapwile akwa kuhona , aapinjishile , aalingile chipi. ³⁸ Chifuchi chakatelele . Achamanganyine mu musebge nyi mumilundu , nyi mu yivwenge nyi mena a hashi. ³⁹ Chipwe atu eswe wano azukile kuli Zambi mumu wa ufulyelo wo, kakatambwile chilakenyo . ⁴⁰ Zambi hanatululikila yipema, hakwamba kwakuhona yetu , kuyichi kamanunuka .