¹ Kwapwile yono Melekizeteke , mwanangana wa Seleme sasendote wa Zambi wahyana , watakanyine Apalahama wa katukile nyi ku shaha myanangana nyi ku mupala . ² Wapwile yiye Apalahama wa hanyine chihanda cha kumi cheswe . Chitangu , kwalumuna chajina lyenyi chinalumbununa , mwanangana wa ululi ;'' nawa kali iyemwanangana wa saleme , '' mwe iye , '' Mwanangana wa sambukila . '' ³ Iye keshi nyi tato , keshi nyi naye , keshi ashakulu , nyi keshi kuputuka matangwa chipwe kusula chamwono kate, makalifwa ngwe mwana Zambi , mumu iye kapwa sasendote wa mutolo. ⁴ Talenu unene uno lunga wapwile kuli iye kalamba Apalahama wahanyine chihande cha kumi cha yuma ambachile mu jita . ⁵ Akwa chisemuka a kuli levwi atambwile usasendote kanatwisuka kulita nyi shimbi kutambula yihanda ya kumi kuli atu , che kwamba , akuli usoko jo , chipwe , nawa , akuli ana ja Apalahama . ⁶ Alyoze Melekizeteke , yoze chisemuka chenyi kakachiwanyine kuli ayo , atambwile yihanda ya kumi kuli apalahama , nawa wamupalile , iye umwe , wapwile nyi ilakenyo. ⁷ Kushi nyi ku hamika ngo mutu mukehe kana mupale ku mutu munene . ⁸ Hali chino , mutu wakufwa kakutambula yihanda ya kumi , mba muli ize jila kana mushindakenya ngwo kali nyi mwono. ⁹ Alyoze , nyi mujila yakuhanjikilamo , levwe, watambwile yihanda ya kumi kupalikila muli Apalahama , ¹⁰ mumu levwi wapwile mumujimba wa kalamba kenyi muze Melekizeteke watakanyine Apalahama. ¹¹ Halyapwila kachi kumanunuka chapwile kuhashiwa kupalikila ku usasendote wa levwi (mumu muli ayo atu atambwile shimbi ) , mba chuma chikwo chika mu chizangiwa nyi kupwa nyi sasendote mukwo kuhyana nyi jila ja Melekizeteki , nawa kuhona nyi kulita nyi jila ja Alone ? ¹² Mumu te hanalumuna , usasendote nyi shimbi nawa jinatela kwalumuna. ¹³ Mumu umwe hali yoze ino yuma anambe ya kutwala ku vungu likwo , mumu kushi nyiumwe hana zachila ha chilumbilo. ¹⁴ Mumu chinasoloka pundu kuvungu lya Yunda mwanangana wetu wasemukine , vungu lya Mose kanda alilumbununa ya kutwala ku asasendote . ¹⁵ Yize twakwamba kanda isotoka pundu kate mukwo sasendote mahindukila mu chifwa cha Melekizeteke. ¹⁶ Kucha manyine ha kuzanga cha shimbi ja kumu sunya mba apwe sasendote , mba alyoze chalitele nyi tachi ja mwono wa mutolo . ¹⁷ Mumu isoneko yinashindakenya hali iye : ''Uli sasendote wa mutolo nyikulita nyi ngango ya Melekizeteki.'' ¹⁸ Mumu je shimbi jatetekele ja pwa kusa hasesa mumu hijazeya chipwe jishi nyichimwe - ¹⁹ mumu shimbi kujimanunwine nyi chimwe - mba shina kusolola chakutalatala chipema , kupalikila mu chino twakwiza mukamwihi nyi Zambi. ²⁰ Alyoze kuchakapwile chishi shingo ! Akwo ejile nyi kupwa asasendote chakuhona limwe shingo , ²¹ alyoze wejile nyikupwa sasendote kupalikila mu ,''Mwene walishingile mba kechi kalumuna nyonga lye nyi : ' Yena uli sasendote wa mutolo.''' ²² Mba hali chino Yesu hahanausendo upema wahyana . ²³ Waze asasendote alutwe apwile anji mu kwalula , mumu kufwa cha akwikile kupwa mu milimo. ²⁴ Mba mumu Yesu kakunyingonona kupwa nyi mwono wamutolo ; iye usasendote wenyi ushi kuhwa. ²⁵ Keshika iye unatela ku lamwina mweswe waze akukundama kuli Zambi kupalikila muli iye , mumu shimbu lyeswe katwama wakwa hakwila. ²⁶ Mumu chenacho chatelele kupwa sasendote wahyana , iye musandu , mukwa kusamba . Kalichishile , kahandunuka ku yivulumunyi, nyi kumusa helu lya malilu. ²⁷ Keshi kufunga , chize chene ngwo asasendote akulutwe , kulambula yitapo matangweswe , chitangu ja shili jenyi , nawa nyi shili ja atu. Walingile chino kamuwika kunahu muze alilambwile mwene. ²⁸ Mumu shimbu ja kupwa atu usasendote wahyana waze anapu akwa kukokoloka . Alyoze liji lya kulishinga , lyejile lutwe lya shimbi , lya solwele mwana walunga ,mumu pwishile mungunu myaka yeswe.