¹ Keshika , tuhichikenu uputukilo wasango lya Kilishitu nyi kuya ha lutwe mukukola . Kanda tusa nawa fundamentu ya kulikonekena kukatuka ku yitanga ya kufwa nyi ufulyelo muli Zambi, ² chipwe fundamentu ya longeso lya ma upapachiso , kusayika moko , kusanguka cha afu , nyi upatwilo wa mutolo. ³ Nawa mutulinga chino nyi Zambi machi tayijisa . ⁴ Mumu chikalu kuli waze anyingikine pangu , waze anyingikine wana wa mwilu , waze apwile nyi chihanda cha Shipilitu Musandu, ⁵ nyi waze hanapanjika ku liji lipema lya Zambi nyi yipupu, ya shimbu ya kulutwe , ⁶ alyoze yoze hatanguka - chikalu kwahilwisa cheka nawanyikuli konekena . Hamulonga wakwamba mwana wa Zambi hanalipapalila ye nawa, nyi kumuvwisa sonyi yiye. ⁷ Mumu mavu waze akunwa meya avula yize yakunokenaho kanji, yenayo yakusokesa mitondo yize yatwama nyimilimo kuli waze mavu akwalimina - kakutambula kisu kukatuka kuli Zambi. ⁸ Alyoze nyi muyisoka mingonga nyi mbimbo , yamokomoko nawa yatwama nyi shingo. Sango lyayo kuwema. ⁹ Mba tuli nyi ushindakenyo wa yuma yipema kutwala kuli yenu, akwethu akwa zango , yuma yatala ku ulamwino , chipwe tunahanjika chize. ¹⁰ Mumu Zambi hi chihengi ko . Aye kechi kavula milimo yenu nyi zango nunakasolola ha jina lyenyi , mumu nunakavumbikila athu jenyi asandu, se nuchili nyi kwa zachila . ¹¹ Tunazange nyi mbunge yeswe nyi umwe wakuli yenu akasolole kuli pupwisa chimuwika , akasele chinyingi , hakulu cha kutalatala ndo kusongo. ¹² Achi hanga kanda nukapwa yilenda , alyoze nukapwe akwa kwimbulula waze ku ufulyelo nyi uhumikizo mahinga yilakenyo. ¹³ Mumu muze Zambi walakenyene kuli Apalahama , washingile kuli mwene , se kalishingile kuli nyiumwe yoze wamuhyana. ¹⁴ Wambile , ''chamwene mwene kuwahisa kumungukakuwahisa nyi kwokesa kumungukakwokesa.'' ¹⁵ Chino , Apalahama watambwile chize amulakenyene muze washimbwilile mukulihumikiza . ¹⁶ Mumu athu kakulishinga ha waze anahyana . Hasongo lya kulihamika cheswe , kulishinga che kutayiza. ¹⁷ Muze Zambi wazangile kusolola hatoma kuli waze akwa kuswana chilakenyo cha upale wenyi ushikwalumuka, hanachikoles nyi shingo. ¹⁸ Walingile chino hanga kupalikila mu yuma yaali ishikwahimuka - Yize mumu Zambi keshi mahuza - yethu , hitunachinyina ku uswamino , kukwata ku talatala chakujikuisa chize chineza kulutwe lyethu. ¹⁹ Tuli nyi chino ngwe ankola ya mbunge kuyajikiza nawa kuyakola kutalatala chize chakunjila muchima lya chikalakala, ²⁰ muze Yesu , yiye tetekeli , hanatunjilila muchihela chize. Aye hanapu mwe sasendote mukwa lutwe ndo myaka yamutolo nyikulita nyi ngango ya Melekizeteke.