¹ Mumu mweswe sasendote mukwa lutwe , wa kusakulu hakachi ka atu , ha namutongola kwalingila atu mu yuma ya Zambi , hanga akalambule yeswe yawana nyi yitapo ya shili. ² Mahasa kupwa nyi uhumikizo hali waze a kuhona kunyingika nyi waze hanongo, mumu yiye nawa mwene mukwa kuhehele. ³ Mumu ya achi , neye nawa chamutela ku lambula yitapo ya shili jenyi , ngwe chize alingile atu akwo shili. ⁴ Hi kuli yiye mwene ko mweswawo malyanjila uno ulemu . shina mamutambika kuli Zambi , ngwe chize Alone wapwile . ⁵ Mujila yimuwika , chocho Kilishitu kalichichimyekene mwene kupwa sasendote . Shina , yoze wa hanjikile nenyi yamba , ''Yena mwanami ; Musono hinapwa Tatenu.'' ⁶ Nyi kuta ngwe chize hanambe nawa mu chihunda chuikwo ngwenyi , '' Yena uli sasendote wa myaka ya mutolo nyi kulika nyiku kaula Melekizeteke.'' ⁷ Mumatangwa ja musunya wenyi , Kilishitu walihanyine mukulemba nyi kwita hamuwika nyi kololoka chikolo nyi masoji kuli Zambi , yoze te wahashile mumu uwahilo wenyi . ⁸ Chipwe wapwile mwana , hindu walilongesele kwononoka ku yuma yize evwile lamba ⁹ Kamupwishile mungunu nawa wapwile kaputu , kuli waze eswe akumunwononokena ,kaputu ka ulamwino wa mutolo . ¹⁰ Kana mutambika kuli Zambi ngwenyi sasendote mukwa lutwe nyi kulita nyi kaula cha Melekizeteke. ¹¹ Yinji tuli nayo yakuhanjika hali Yesu , alyoze chinakale kulumbununa mumu hi nwapwa tujika matwi. ¹² Chipwe chocho hashimbu yino nunatela te kupwa alongeshi , chinakambe umwe kunulongesa uputukilo wa maliji a Zambi . Chanutamba kutambula yamwa, hi kulya chatachi ko ! ¹³ Mumu mweswe yoze wakutambula wika yamwa kalongolokele mu liji lya ululi. Mumu kali wika mwana - kemba . ¹⁴ Alyoze kulya chatachi kuchapwa hali waze hakola . Awa eze waze mumu ha hanevwishisa kulifumba cho akase chinyingi hakachi ka chize chipema nyi chipi.