¹ Keshika , muze shiko lyakunjila mu ku hwima chenyi lina chimana , tukanyamenu hanga nyi umwe wa muli yenu asoloke kuhona cha lyo. ² Mumu atwambulwilile sango lipema chizechene ngwe ayo . Alyoze mujimba wa cho kuwakwashile waze kali nungine mu ufulyelo nyi waze azeye lele. ³ Mumu yetu hitunafulyela tu nanjila mu uhwimino uze , ngwe chize chene ambile , '' Ngwe nalishingile mu utenu wami , kechi kanjila mu uhwimino wami. '' Chipwe , milimo yenyi ya hwile ku katuka ku uputukilo wa chifuchi . ⁴ Mumu hanambe muma mu mwe ha kutwala kutangwa lya muchishimyali: ''Nyi Zambi wa hwimine ha tangwa lya mu chishimbyali ku milimo yenyi yeswe .'' ⁵ Nawa mu chisoneko chino chene yamba ngwenyi , '' Kechi kanjila mu uhwimino wami. '' ⁶ Keshika , chinasala kuli amwe kunjila mu uhwimino , nyi waze kunyima atambwile sango lipema o ka ka njilile mumu wa uhulya wo. ⁷ Keshika Zambi nawa hanatongola tangwa limwe , kuliluka ngwo '' musono, '' muze ahanjikile muli Ndawichi kulutwe chinji mu maliji alyangile kwamba : '' Muzono nyi mwivwa liji lyenyi , kanda nu kalisa mbunge jenu.'' ⁸ Nyi kachi Yoswa kahele ku hwima , Zambi kachi kahanjikile ha tangwa likwo . ⁹ Keshika kunasala ku hwima cha sambata ana tulikila atu ja Zambi. ¹⁰ Mumu yoze wa ku njila mu uhwimino wa Zambi aye ha hwima ku milimo yenyi, ngwe chize Zambi ahwimine ku milimo yenyi . ¹¹ Keshika tuli kolwezenu ku njila mu uhwimino wacho , hanga nyi umwe maholokela mu uhulya uze alingile . ¹² Mumu liji lya Zambi mwono likwete nawa kulya jikiza nawa kulya mbuka kuhyana poko ya mukwale .Ya kutuwa nyi kuhandununa mbunge nyi shipilitu , makonekeno nyi usongosongo , kulya kuhasa kunyingika manyonga nyi ku kana cha mbunge. ¹³ Nyi chimwe hanatange chaswamana kuli Zaambi . Alyoze , yeswe yapwa uselesele nawa ya kufukula ku meso ja yoze tunatela ku lumbununa . ¹⁴ Keshika , muze tuli nyi sasendote mukwa lutwe yoze hanapalika ndusu mumalilu , Yesu mwana wa Zambi , tu lalaminyenu ku kutayiza chetu. ¹⁵ Mumu kutushi nyi sasendote mukwa lutwe yoze keshi kwivwa keke ha ku zeye chetu. Alyoze , tuli nyi umwe yoze hanamweseka mujila jeswe ngwe yetu, mba aye keshi shili. ¹⁶ Tukundamenu nyi hamu ku chitwamo cha wanangana wa vumbi , hanga tutambule keke nyi vumbi ya ku kwasa ha shimbu ya ku hona.