¹ Keshika twatela kusako mana chinji kuli yize hitwevwa , kuchina hanji mutu katanguka . ² Nyi chakwamba ngwo liji ali hanjikile muma kanwa ja angelo yapwile ya umwenemwene , nyi utanguko weswe nyi uhulya weswe watambwile fweto ya kulita , ³ mba kuchi mutuhasa ku china nyi mutu lengulula ulamwino upwahaha ? Uno ulamwino chitangu awambujolele kuli mwene nawa kana kayambujola kuli waze ayi vwile . ⁴ Hashimbu yi muwika Zambi nyi kushindakenya nawa hanji njikilo , yakokomwesa , nyi yipupu yeka nyi yeka , nyi kupala chenyi mwene. ⁵ Mumu hikuli angelo ko Zambi wahanyine kuyula yifuchi yahashi muyizalo , yize tunambe . ⁶ Alyoze , umwe hanahana ujiho, muma mumwe ngwenyi , kumanyi mutu , ''kuchi apwa umwilu luke? Hanji mwana mutu , kuchi mwakumu vuluka nyi mwamusa mana? ⁷ Hiunamutenge kwishi lya angelo ; hunamuse chipangulo cha uhenya nyi ulemu helu lya yitanga ya moko je. ⁸ Himunase yuma yeswe hashi lya yilyato yenyi.'' Mumu kuli iye Zambi ahele chiyulo ha yuma yeswe . Kakahichikileho nyichimwe hachi yulo chenyi . Alyoze kanda tuchimona yuma yeswe ya kuyula kuli iye. ⁹ Alyoze twamona yoze apwishile kupwa mwishi lya angelo ha kashimbu kakehe , Yesu , hanamuse chipangula cha uhenya nyi ulemu mumu halamba lya kufwa hanga ku keke lya Zambi akamone kufwa hali atu eswe. ¹⁰ Mumu chinatele Zambi , mumu yuma yeswe kuli yiye yakatuka kuneha ana anji ku uhenya. Chinatela kaputu ka ulamwino wo akamupwise mungunu hakumona lamba lya kufwa hana muse chipangula cha uhenya nyi ulemu hanga kuvumbi ya Zambi akamone kufwa. ¹¹ Mumu eswe aali nyi yoze wakusela ku usandu nyi waze hanasela ku usandu kunapu eswe akuli umuwika . Hachino keshi nyi sonyi ja kwavuluka ngwenyi mandumbu . ¹² Ngwenyi , '' Mungu kambujola jina lye ku mandumbu , mukakwambila mukachi kachi kungulwila. ¹³ Cheka nawa, ''Ami mukafulyela muli iye .'' cheka nawa, Talenu , Ami nyi ana jami waze anguhele Zambi.'' ¹⁴ Keshika , ana akahe akahe muze ali nyi mijimba ya manyinga , nyi yiye wapwile nyi mujimba wa manyinga , mujila yimuwika , kwamba ngwo kupalikila mu kufwa chenyi afumiseha auze wakuneha kufwa , iye , satana . ¹⁵ Hanga , akatusule waze eswe kuwoma wakufwa , waze atwama shimbu yeswe mu undungo . ¹⁶ Chamwenemwene hi angelo ko lume anakwasa ka alyoze kanakwasa kumunyachi wa Apalahama. ¹⁷ Keshika chatela kuyuma yeswe akamupwise wakulifwa nyi mandumbu jenyi mujila jeswe , hakwamba ngwo akapwe sasendote mukwa lutwe wa keke , wamwenemwene nyi yuma yakutwa kuli Zambi , hanga akakukile milonga ya atu. ¹⁸ Mumu Yesu mwene hanevu lamba , hakumweseka , kanahase kukwase eswe waze anesekewa.