¹ Chocho Mwene Yehova angumwesanga. Tala, iye te ha kuputuka kusokoloka cha mbuto kanalulika makumbi, mba, tala, chapwile kusokoloka kulutwe lya kucha cha mwanangana. ² Muze te hahwisa kulya mwambu weswe wachifuchi, mba yo mungwamba ngwami, " Mwene Yehova, ngunalyumbu ungukonekene kama; Yakomba kuchi mahasa kumana? Mumu iye wakeha chichize? ³ Yehova yalikonyeka ha chuma chino. " Ku chichi kalingika," yamba chocho. ⁴ Chocho Mwene Yehova angumwesanga: Tala, Mwene Yehova te kanasanyika upatwilo wa kahya. Kahyate hikanalaisa kalunga lwiji, nyi meya a kwishi lya chifuchi mba mba kanaputuka kulya chifuchi. ⁵ Alyoze nambile ngwami, "Mwene Yehova, ngunalyumbu litwamine; Yakomba kuchi mamana? mumu wakeha chichize." ⁶ Yehova yalikonyeka ha chino chuma, "Chino nawa kuchichi kalingiwa," Chocho ambile Mwene Yehova. ⁷ Chocho angumwesele: Tala, Yehova wa manyine sali ya chipanga , kali nyi lwoji lwa kwesekela mu kwoko lyenyi. ⁸ Yehova yamba kuli yami, " Amose, Yika yize unamono?" yo mungwamba ngwami," lwoji lwakwesekela." Mba Mwene yamba ngwenyi, " Tala, mungusa lwoji lwakwesekela hali atu jami a Yizalele. Chichi kwapalika nawa limwe tangwa. ⁹ Mungwenyeka manangamo ja Izake, nyi mazuwo asandu ja Yizalele mungu apwisa a hululu, mba mungukatukila nyi kulimika nyi zuwo lya Njelomboamu nyi katana." ¹⁰ Mba Amazia, sasendote wa ku Mbetele, yatuma maliji kuli Njelomboamu, mwanangan wa Yizalele: "Amose hakutwama punga hakachi ka munyachi wa Yizalele. Chifuchi ku chichi kuhasa kujikiza nyi maliji jenyi eswe. ¹¹ Mumu chocho anambe Amose, 'Njelomboamu ku makafwa nyi katana, nyi Yizalele pundu ku maya mu unjise kukatuka ku chifuchi chino."' ¹² Amazia yamba kuli Amose, "Ena mukwa kumona, katuka, china ukahiluke ku chifuchi cha Yunda, kuze ukalye mbolo nyi kupulofeteza. ¹³ Alyoze kanda upulofeteza nawa kuno ku Mbetele, mumu kwapwa kuma kusandu kwa mwanangana nyi zuwo lya mwanangana ." ¹⁴ Mba Amose yamba kuli Amazia," Ami chapwile kapulofeta chipwe mwana wa kapulofeta. Nguli kafunga wa yimuna, nakufunga mitondo ya mikuyu. ¹⁵ Alyoze Yehova wanguchijile shimbu mungufunga yimuna mba yamba kuli yami, ' Yako, upulofeteze kuli atu jami a Yizalele.' ¹⁶ Halyapwila evwenu ku liji lya Yehova. Nwakwamba ngwo, 'Kanda upulofeteza kulimika nyii Yzalele, nawa kanda uhanjika kulimika nyi zuwo lya Izake.' ¹⁷ Keshika chocho anambe Yehova, 'Pwo lye makapwa chikoi mu chihunda; ana je amalunga nyi ana je amapwo makafwa nyi katana; nyi chifuchi che machipangila nyi mihipu; nyi yena kumukafwa mu chifuchi cha luchisa, nyi Yizalele pundu ku maya mu unjize kukatuka ku chifuchi chenyi."'