¹ Alyoze nyingikenu chino: ha matangwa akusula kumukapwa myaka yikalu. ² Mumu atu kumakakapwa akwa kuli vwimba , akwa kulizelula , akwa kushililika , keshi kwononoka kuli yisemi jo, akwa kulelesa, akwa luchisa . ³ Keshi zango lya atu ,keshi nyi ukonekeno , yilamikiji , keshi kulikumikiza , asasu, keshi kufwila yipema . ⁴ Akwa kusolola akwo , akwa kulipupula , akwa kulifuza, akwa kufwila kuwaha hi Zambi ko. ⁵ kusoloka cha uwahilo kali nacho , alyoze kakulikala tachi jacho. kuli wano nawa kondoloka. ⁶ Hakachi ko kwali waze akulyomba nyikunjila mu mazuwo akakwate ku ufunge mapwo a kuhepuka . Wano e mapwo ali nyi shili mba kanawahungumuna ku usolo weka nyi weka. ⁷ Ano mapwo matangwa eswe , alyoze nyilimwe tangwa keshi kuheta ku chinyingi cha umwenemwene. ⁸ Chizechene ngwe Yane nyi Yambwe alimikine nyi mose , chocho wano alongeshi amahuza kakulimika nyi umwenemwene. Atu a kupiha mu kunyonga cho , yisashili ha kutwala ku ufulyelo. ⁹ Alyoze kechi kasenya kulutwe nawa . Mumu uhepuke wo kumu ukasoloka kuli atu eswe , chize chene ngwe uhepuke wa waze malunga wasolokele . ¹⁰ Alyoze yena; hiwunakuwula kulongesa chami , nyi kwenda chami , nyi upale wami , nyi ufulyelo wami , nyi uhomboliji wami , nyi zango lyami , nyi kuyongonona chami , ¹¹ nyi yihungumyona , nyi lamba , lize lyanguwanyine mu Andyaka , mu Yikonyu mu Lesetese. Yihungumyona yize nanyongonwene nayo . Nyi Mwene wangupulwile ku yeswe. ¹² Nyi waze eswe mazanga kwenda nyi uwayilo muli Kilishitu Yesu kumakamona yihungumyona. ¹³ Alyoze yingungulu nyi akwa kwonga kuma kapiha kuhyana , nyiku pyangula nyi kupyanguka . ¹⁴ Alyoze yena ; pwako mu yuma hiwunalilongesa nyi yize unanyingika , mumu unanyingika yoze wakulongesele yo . ¹⁵ Ngwe chize ku ukemba we hiwunanyingika je sona jisandu . Jize jinahase kukufumbamana mukuzuka ulamwino ku ufulyelo uze uli muli Kilishitu Yesu. ¹⁶ Yisoneko yeswe hanayihwimi kuli Zambi .Neyo yakufumbuka ha kulongesa, nyi ha kukumika , nyi ha kululika , nyi ha kufumba mu ululi. ¹⁷ Achi mumu hanga hanga mutu wa zambi akapwe mukwa kuhasa , wakutela lya kulu yitanga yeswe yipema.