¹ Keshika yena, mwanami upwe wa kujikiza muwana uze uli muli Kilishitu yesu. ² Yuma yize wavwile kuli yami mukachi kayala , yikunji kuli atu amwenemwene waze makahasa kulongesa akwo nawa. ³ Umone lamba nyi yami ngwe chize liswalale mupema wa Yesu Kilishitu . ⁴ Nyiumwe swalale malimba mu yuma ya utwamo uno aku kali mujita , hanga akapemene kuli mukulwana wenyi. ⁵ Nawa , nyi kachi umwe malipika ngwe mukwa kuzomboka fuji, kechi kumwaha chipangula ndo mahwisa nyikulita nyi shimbi jacho. ⁶ Chinalite njimi yoze mazata nyi tachi kutambula chihanda chenyi cha mihuko yitangu. ⁷ Nyonga hayino yeswe ngunambe , mumu mwene kuma kakwaha ulumbunwiso mu yeswe . ⁸ Yiluka Yesu Kilishitu , wakumuyachi wa Ndawichi , amuhindwishilla kwa afu. Chino chinate nyi sango lyami lipema , ⁹ lize nguna mwena lamba kuheta nyi ku kashiwa mumalenge ngwe chinguhengulu. Lyoze liji lya Zambi kalikashile. ¹⁰ Keshika na kunyongonona mu yuma yeswe nyi waze hana- tongola, hanga newo akahase kutambula ulamwino uze uli muli Kilishitu Yesu ,nyi uhenya wa mutolo ¹¹ Chino kuhanjika chaumwenemwene chinamba ngwo, '' Nyingwe twafwa nenyi, mutukatwama nenyi. ¹² Nyingwe mutu nyongonona , mutukayila hamuwika nenyi. ¹³ Nyingwe twahona kupwa nyi umwenemwene , iye katwama wamwenemwene , mumu kahashile kuli kala mwene.'' ¹⁴ Twalila kweulula nyi yino yuma . Akanyamise ku meso ja Zambi kanda alitachika ha maliji ; kuchishi nyi ulemu , ku chakwenyeka waze akwa kwivwilila. ¹⁵ Linga kanawa hanga ukalihetese yena mwene kuli Zambi ngwe umwe yoze hana sele shindakenyo , mukwa milimo yoze keshi nyi chimwe cha kuvwilako sonyi, yoze wa kulongesa maliji nyi kulita nyi umwenemwene . ¹⁶ China kumbambwola chamokomoko , chize cha kuchiza chinji kuyuma ya u Zambi. ¹⁷ Kuhanjika cho kumuchi kambongomoka ngwe mbongola . Mukachi ko muli Hemeneu nyi Fwiletu, ¹⁸ waze hana pyanguka ku umwenemwene . O kakwamba ngwo uhindukilo wa kuli afu hiunapuko kulu , nyi kwenyeka ufulyelo wa amwe. ¹⁹ Chenacho , henaho hamanyina kukola cha uputukilo wa Zambi . Kuushi nyi uno ulumbunwiso : '' Mwene kanyingika waze hi jenyi '' nyi Eswe mavulwoka jina lya mwene akakatuke kuhenge.'' ²⁰ Muzuwo lya wulemu mwatwamine wika yuma ya uma nyi palata , Mwatwama yikwachilo ya mutondo nyi ndambo . Yimwe yikwachilo ya kuzachisa kuli waze alemu, yikwo kuli waze keshi ulemu. ²¹ Nyi umwe maliwahisa chakuhona ulemu , chekwamba kali chikwachilo chakuhona ulemu. musandu , wakutela , nyi wakululika wa milimo yeswe yipema. ²² Chinenu usolo weswe wa ukweze . Kaulenu ululi , ufulyelo , Zango , nyi sambukila hamwe nyi waze eswe akusanyika Mwene ha mbunge jo jipema. ²³ Alyoze litunenu yihula ya uhepuke nyi yize kuyishi kulumbunuka . Nunanyika ngwenu yakusema kulihangujola . ²⁴ Ngamba ya Mwene katambile kupwa mu kwa ndombo . Alyoze katamba kupwa chimbovu kuli eswe , mukwa ku longesa , nyi mukwa kuli humikiza. ²⁵ Yiye mukwa kushimbika alongese waze akulimika nyi yize . Zambi kachi hanji makaha ukenokeno mumu ha mana awumwene mwene . ²⁶ Hamwe makapwa akulaula nawa nyi kuhambuluka kambwila lya lyapu , waze hana kwachiwa kuli yiye mukulinga upale wenyi.