¹ Shimbu ngunakwehe kumeso ja Zambi nyi Kilishitu Yesu , yoze makapatwila a mwono nyi afu , nyi ku usolokelo wenyi nyi wanangana wenyi : ² Ambujola Iye liji ; hondangana nalyo ha mwaka upema nyi haze hi mwaka upemako . Kumika , ambila , shinjila nyi uhomboloji weswe nyi longeso lyeswe . ³ Mumu mwaka muukapwa muze atu keshi kalihumikiza nyi longeso lingunu . Alyoze , makalilunjikila alongeshi nyi kulita nyi usolo wo ene , aze akwamba yize matwi jo akuzwa mazanga kwivwa . ⁴ Makateulula matwi jo ku umwenemwene , makakondolokela ku yishima yamokomoko . ⁵ Alyoze yenu , keyela ha yuma yeswe . Nyongonona nyi utunu ndusu mu yize yikalu ; linga milimo ya mukwa kwambujola ; manununa uvumbiko we . ⁶ Mumu himungutehuka . Mwaka wakutusuka chami hiweza . ⁷ Hingunalitachika mu ku litachika chipema ; hingunamanununa che kuzomboka ; hingunafungu ufulyelo . ⁸ Hanangutulikila chipangula cha ululi , chize Mwene , mwe sopi wa ululi , makangwaha ha tangwa lize , hi kuli yami wikako , alyoze nawa kuli waze eswe akuzanga usolokelo wenyi . ⁹ Lipupwise kwiza kuli yami nyi kawashi . ¹⁰ Mumu Ndima hanangwehuka . Mumu hanafwila yuma ya mwakono hanayi ku Tesalonika . Kelesene hanayi ku Ngalashiya , nyi Tiqtu hanayi ku Ndalamashiya . ¹¹ Luka wika uli hamwe nyi yami . Hitula Mako ukamunehe hamwe nyi yena mumu kanangutela mu uvumbiko . ¹² Techiku hingunamutumu ku Efwesu . ¹³ Chikuto chize nahichikile ku Tulowa nyi Kalupu , ukachinehe muze muwiza , nyi mikanda , kuhyana chikolo yize ya malambu. ¹⁴ Aleshandele fuli - unengu wangulingile yipi yinji . Mwene makamwaha kulita nyi yitanga yenyi . ¹⁵ Yena nawa kanyama nenyi , mumu walimikine chikolo nyimaliji jetu . ¹⁶ Hakukumbulula chami chitangu , eswe angwehukile . Alyoze mweswe wanguhichikile . Kanda akatwikacho . ¹⁷ Alyoze Mwene wamanyine hamwe nyi yami wanguhele tachi hanga , ku kanwa lyami akambujole lyakulu sango lipema , hanga akwa mavungu eswe akalivwe . Angupulwile ku kanwa lya ndumba . ¹⁸ Mwene kumakangupulula ku yitanga yeswe yipi makangulamwina ndo ku wanangana wenyi wa mwilu . Uhenya ukapwe kuli yiye ndo ku myaka ya mutolo . Amene . ¹⁹ Meeneka Pulishila , Akwila , nyi akwa zuwo lya Onesefwalu . ²⁰ Elashitu wasalile ku Kolindu , alyoze nahichikile Tulofwimu kunyima ku Miletu kayiza . ²¹ Lipupwise kwiza shimbu mwaka wa chishika kanda uhete . Upulu kana kumeneka , nyi Pundene , Linu , Kelelautiya , nyi mandumbu eswe . ²² Mwene akapwe hamwe nyi shipilitu ye . Vumbi likapwe hamwe nyi yena .