¹ Achi kutwala ku kuhiluka cha Mwene wetu Yesu Kilishitu nyi kutukungulula chetu kuli yiye , tunechi kuli yenu mandumbu , ² kwamba kanda mulihiza nyikawashi mukunyonga chenu, chipwe ku shipilitu chipwe ku liji , chipwe kumukanda ngwe unakayuka kuli yetu, ngwe tangwa lya Mwene hilyaheta . ³ Kanda umwe amwonga mujila yeswayo . Mumu lichikeza shina che kulumbuka muchilyangaho kwiza , akasolole mwe mutu wa shili , mwe mukwa utoke. ⁴ Awu mwenawu wakulimika nyi kuli nangamisa nyi Zambi chipwe yoze akuwayila . Hamulonga wa chino , aye kakutwama mu tembele ya Zambi nyikulipwisa mwene kupwa ngwe Zambi . ⁵ Nwewulukile ngwenu muze napwile nyiyenu nanulwezele yino yeswe nyi? ⁶ Halyapwila nunanyingika chize chinamukwika , hanga akamusolole ha shimbu yenyi yinatela . ⁷ Mumu chijimbikilo cha uhulya chakulinga kulu, chino wika kwali mukwa kukwika ndo mamu chiza mukachi kajila . ⁸ Hohene kumakasoloka chihulya , yoze Mwene Yesu Kilishitu maka shaha nyi mwiku wa mukanwa lyenyi nyikumuneha ku umokomoko ku usolwelo wa kuheta chenyi. ⁹ Kuheta cha mwe chihulya chinalite nyi kulinga cha satana nyi tachi jenyi , yilayi , nyi yipupu ya mahuza , ¹⁰ nyi milali yeswe yakwonga cha uhenge kuli waze analyenyeka , mumu kakatambwile zango lya umwenemwenene. ¹¹ Hamulonga wachino Zambi makatuma kuli maliji a kupyangula hanga akafulyele mahuza ¹² nawa hakwamba eswe akapatwile waze eswe kakafulyele umwene mwene awahilile mu uhenya . ¹³ Alyoze chatutamba kusakwila kuli Zambi hamulonga wa yenu , mandumbu kunuzanga kaamuzanga kuli Mwene , mumu Zambi hananusakula kupwa mihuko yitangu kunu lamwina mukusela ku sandu cha Shipilitu nyi kufulyela cha mwenemwene. ¹⁴ Wanutambikile ku sango lipema , hakwamba mukazuke uhenya wa Mwene Yesu Kilishitu. ¹⁵ Chocho , mandumbu , manenu ngu nyi kukakaminya ku undungo jize anulongesele , chipwe kuliji chipwe ku mukanda wetu. ¹⁶ Hapwila Mwene wetu Yesu Kilishit mwene nyi Zambi Tata , yoze watuzangile nyi kutwala kulembejeka nyi kutalatala chipema ku vumbi, ¹⁷ Kulembejeka nyi kujikijisa ma mbunge jenu mu yuma yeswe yipema nyi maliji apema .