¹ Hapwila , mandumbu , tulembelenu, kwamba liji lya Mwene likende fuji nyi kufuma , ngwe chize kuli yenu, ² hanga akatupalwile kukatuka ku yingulu ngulu nyi akwa kulinga yipi , mumu hi esweko ali nyi ufulyelo. ³ Mba Mwene wamwene mwene , yoze manujikisa nyi kunukinga kuli mukwa khole. ⁴ Tuna fulyela muli Mwene hamulonga wa yenu, kwamba nunalingi nawa munupwa nyi kulinga yuma yize twanulweza . ⁵ Zambi atetekele mbunge jenu ku Zango lya Zambi nyi kujikiza cha Kilishitu . ⁶ Hapwila twanulweza , mandumbu , mujina lya Mwene wetu Yesu Kilishitu , ngwetu chinenu kumandumbu waze akwenda nyi lwelya nawa keshi kutwama kulita nyi shimbi nwatambwile kuli yetu. ⁷ Mumu enu ene nunanyingika kwamba chinate kutulondeleza yetu chocho twakapwile akwa lwelya muze twapwile nyi yenu. ⁸ Twakalile mbolo ya atu kwakuhona kuyifetela, alyoze twazachile mwalwa nyi ufuku ku kilikita milimo , kachi kanda tupwa yiteli kuli nyiumwe. ⁹ Twalingile chino hi hakononako tachi haliyenu, alyoze twachingile chino hanga tupwe akutalilako kuli yenu , chocho hanga te nutulondeleze. ¹⁰ Muze twapwile nyiyenu, twanulwezele ngwo, '' yoze kazangile kuzata kanda alya.'' ¹¹ Mumu tunevu ngwo amwe hakachi kenu kanendangana nyi kumbila wola , kazangile kuzata , alyozekanapinjisa akwo. ¹² Keshika atu jacho tunambila nyi kwajikijisa muli Mwene Yesu Kilishitu , ngwetu katela kuzata mu uholela nyi kulya mbolo ya liyena lyo. ¹³ Mba enu mandumbu , kanda nuzeya kulinga yiwape. ¹⁴ Nyi kachi umwe mahona kwivwa jize twasoneka mu mukanda uno, numusa chinyingi nawa kanda nwenda nenyi , hanga te numuvwise sonyi. ¹⁵ Alyoze kanda nukamupwisa ngwe mukwa kole , mba mukanyamisenu ngwe ndumbu. ¹⁶ Hakusula kachi Mwene wa ukulungunga anwehe we ukulungunga ha wola yeswe mu jila jeswe. Mwene apwe nyi yenu eswe. ¹⁷ Yami, Paulu, nasoneka uno mukanda nyi kwoko lyami , che chinyingikiso cha yize mikanda yeswe nakusoneka. ¹⁸ Keke ya Mwene wetu Yesu Kilishitu yipwe nyi yenu eswe. Amena