¹ Malunga aku Kiliyate Yelimi yeza, yambata mushete wa Yehova, yautwala nyi kumulundu ku zuwo lya Ambinandambe . Yasela ku usandu mwanenyi Elezale kufunga mushete wa Yehova. ² Chize kutangwa lize mushete wapwile mu Kiliyate Yelimi, shimbu inene yapalikileho, makumi aali a myaka. Akwa zuwo eswe lya Yizalele alinyengene nyi kufupa Yehova. ³ Samwela yamba ku zuwo lyeswe lya Yizalele, " Nyi nunahilukila Yehova nyi mbunge jenu jeswe, katwisenu mazambi eka nyi Asitalote, nukatalikise mbunge jenu kuli yehova, nukamuwayile iye wika, mba makanulamwina ku kwoko lya A-Filisitia. " ⁴ Mba atu A-Yizalele yakatwisa Ambale nyi Asitalote, nyi kuwayila Yehova wika. ⁵ Mba Samwele yamba ngwenyi, " Kungululenu akwa Yizalele eswe akeza ku Mizepa, mungunulembela kuli Yehova ." ⁶ Yalikungulula ku Mizepa, yataha meya yazujila hashi kumeso ya Yehova. Tangwa lize yalitwamina kulya nyi kwamba ngwo, " Hitwavulumuna Yehova. " Samwele wayulile akwa Yizalele . ⁷ Mba muze Afilisitia evwile Yizalele halikungulula ku muzepa, myata a Filisitia yakanduka kulimika no. Muze atu a Yizalele evwile chino, yevwa woma wa A-Filisitia. ⁸ Mba atu A-Yizalele yamba kuli Samwele, " Kanda wulitwamina kutuhakwilakuli Yehova mwe Zambi wa yetu, chocho matulamwina ku kwoko lya Filisitia. " ⁹ Mba Samwele yanda mwana wa panga yoze machamwa yamulambula akapwe mulambu wakocha kuli Yehova. Mba Samwele yahakwila Yizalele kuli Yehova, nyi Yehova yamukumbulula. ¹⁰ Shimbu Samwele machilambula mulambu wa kulumba, A-Filisitia akundamine kwasa jita nyi A-Yizalele. Alyoze Yehova yakulunguza tangwa lize nyi liji linene hali A-Filisitia yakumba , nawa yalamba chikolo kuli A-Yizalele. ¹¹ Malunga A-Yizalele yakatuka ku mizepa, nyi kuhanga A-Filisitia nyi kwashiha ndo ku mwanda wa Mbete- kale. ¹² Mba Samwele yanda liwe yasa hakachi ya Mizepa nyi Shene. Yalukaho ngwo Embenezele, kwamba ngwo, " Ndo ku kuno Yehova hatukwasa. " ¹³ Chocho A-Filisitia ahombokele kejile ku njiza ya Yizalele. Nyi kwoko lya Yehova lyalimikine nyi A-Filisitia matangwa eswe waze a Samwele. ¹⁴ Membo eswe waze A-Filisitia atambwile yahiluka ku Yizalele, Chize ku Ekolone ndo ku Ngata; yatambula nyi njiza ku lya Filisitia. Ku kapwile jita nawa hakachi lya Yizalele nyi A-Amole. ¹⁵ Samwele yayula Yizalele mu matangwa eswe a mwono wenyi. ¹⁶ Yajinga mwaka ha mwaka ku Mbetele, nyi ku Ngilingali, nyi ku mizepa. Yayula Yizalele mu yihela yeswe yino. ¹⁷ Mba wahilukile ku Lama, mumu kwenako kwapwile zulw lyenyi; yayulilako A-Yizalele . Yatungilako chilumbilo kuli Yehova.