¹ Mba A-Filisitia anjile mushete wa Zambi, yauneha kukatuka ku Ebenezele yautwala ku Asheondonde. ² A-Filisitia yatambula mushete wa Zambi, yautwala mu zuwo lya Ndangone, yautumbika kukamwihi ya Ndangone . ³ Muze hikwacha atu aku Ashoendonde ahindukile chimenemene, kumona Ndangone halimbuka hashi kumeso jenyi kulutwe lya mushete wa Yehova. Chocho yambata Ndangone nyi kumusa muchihela chenyi nawa. ⁴ Alyoze muze hikwacha nawa yalimeneka, Kumona, Ndangone halimbuka hashi kumeso jenyi kulutwe lya mushete wa Yehova. Mutwe wa Ndangone nyi moko jenyi hanamakuka te kanapombo mu chikukulu cha pito. Chivuvuv chenyi wika chasalileho. ⁵ Keshika, asasendote a Ndangone nyi mweswawo ma njila mu zuwo lya Ndangone kechi kulyata ha chikukulu cha pito ya Ndangone mu Ashoendonde, ndo musono. ⁶ Kwoko lya Yehova lyalemene hali akwa Ashoendonde. Yaonwona nawa yalamba nyi yivunda, eswe Ashoendonde nyi njiza jako jeswe. ⁷ Muze malunga a ku Ashoendonde ya nyingika chize chinalingika, yamba ngwo, " Mushete wa Zambi ya Yizalele kanda atwama nyi yetu, mumu kwpkp lyenyi likalu hali yetu nawa hali Ndangone zambi yetu. " ⁸ Chocho yakungulula myata yo eswe waze amu Filisitia; yamba kuli ayo, " Chika mutulinga nyi mushete wa Zambi wa Yizalele? " Yakumbulula ngwenyi, " Mushete wa Zambi ya Yizalele akautwale ku Ngata. "Chocho yatwala mushete wa Zambi ya Yizalele kuze. ⁹ Alyoze muze hautwala , Kwoko lya Yehova lyalimikine nyi limbo lize , nyi kwapinjisa chikolo, yalamba malunga a limbo lize, akehe nyi anene eswe ; yapwa nyi yivunda. ¹⁰ Chocho atwalile mushete wa Zambi ku Ekolone. Mba muze mushete wa Zambi muchiheta mu Ekolone, akwa Ekolone yalila, nyi kwamba ngwo, ": Haneha mushete wa Zambi ya Yizalele kutushiha yetu nyi atu jetu. " ¹¹ Chocho akungulukile eswe myata amu Filisitia; yamba kuli ayo, " Katwisenu mushete wa Zambi ya Yizalele, nawa ukahiluke kuchihela chenyi, hanga kanda utushiha yetu nyi atu jetu. Mumu kwapile mwongo ndusu mu limbo lyeswe; Mumu kwoko lya Zambi lyalemene hali ayo. ¹² Mba malunga waze apwile nyi mwono apwile nyi yivunda, mba muteto wa limbo wakandukile kwilu.