¹ Chapwile nawa, muze Ndawichi nyi malunga jenyi ejile ku Zikilange mu tangwa lya chitatu, A-Amelake te hananeha jita kuli Nengeve nyi Zikilange. Yakumba Zikilange, nyi kuchocha, ² mba yakwata mapwo nyi mweswe yoze wapwile mo, eswe akehe nyi anene. Kashihile nyi umwe, alyoze yawambata muze apwile nyi kuya kwo. ³ Muze Ndawichi nyi malunga jenyi ejile ku chihunda, te hanachoche, nyi mapwo, nyi ana jo amalunga, nyi ana jo amapwo te hanambata funge. ⁴ Mba Ndawichi nyi atu waze apwile no yakololoka nyi kulila ndo nawa kapwile nyi tachi ja kulila. ⁵ Mapwo aali ja Ndawichi yambata funge, Ahinoame Ka- Yezelele, nyi Ambingale yoze wapwile pwo lya Nembale Ka-Kamela. ⁶ Ndawichi walifwichile chikolo mu mbunge yenyi, mumu atu apwile ambile kumwasa mawe, mumu atu eswe evwile kupiha mu shipilitu, mumu hali ana jo amalunga nyi ana amapwo jo; alyoze Ndawichi walitakamishine mwene muli Yehova, Zambi yenyi. ⁷ Ndawichi yamba kuli Ambyata mwana wa Ahimeleki, mwe sasendote, "Ngunalyumbu kuli yena, ngunehenenu efonde kuno." Ambyata yaneha efonde kuli Ndawichi. ⁸ Ndawichi yalemba kuli Yehova hanga amulweze chize malinga, yamba ngwo, "Nyi ngwo mungukaula mbunga yino, mungwawana nyi?" Yehova yamukumbulula, "Kaula, mwawana, pundu mba mutambula yeswe." ⁹ ChochoNdawichi wayile, iye nyi malunga jenyi kulakaji asambano waze apwile no; ejile ku chitwetwe Mbezole, kuze kwatwamine waze ahichikile. ¹⁰ Alyoze Ndawichi yaya nyi kukaula, iye nyi malunga kulakaji awana; mumu kulakaji aali asalile kunyima, te hijaahwa mumu kahashile kuzauka chitwetwe cha Mbezole. ¹¹ Yawana Ka- Ingutu mu wande mba yamuneha kuli Ndawichi; yamwaha mbolo, yalya; yamwaha meya kunwa; ¹² mba nawa yamwaha chipinji cha chandanda cha mukuyu nyi yichakata yiali ya uva jumu. Muze halya, yahuzuluka, mumu kalileho nyi mbolo nyiumwe chipwe kunwa meya hamatangwa atatu nyi ufuku utatu. ¹³ Ndawichi yamba kuli iye, "Uli mutu waya? Kulihi unakatuka?"Yamba ngwo, "Nguli mukweze wa ku Ingitu, ngamba ya A-Amaleki; mwene wami wanguhichikanga mumu matangwa atatu kunyima napwanga kuyiza. ¹⁴ Twanehene jita ku Nengeve ya A-Chelete, nyi yize yapwa ya A-Yunda, nyi Nengeve ya Kalembu, nawa twochele Zikilange." ¹⁵ Ndawichi yamba kuli iye, "Mungutwala ku mbunga yino nyi?" Ka -Ingitu yamba ngwenyi, " Lishinge nyi Zambi kuli yami ngwo kuchi kangushiha chipwe kungukunjika kuli mwata wami, nyi yami mungukutwala ku mbunga yino yanehene jita." ¹⁶ Muze Ka-Ingitu yaneha Ndawichi, Yize mbunga yomulimwanga kweswe kuma, kulya nyi kuhangana mumu ha upite uze ambachile mu chifuchi cha A-Filisitiya nyi mu chifuchi cha A-Yunda. ¹⁷ Ndawichi yalamba chize mu kunjila kwa tangwa ndo ku chingoloshi cha tangwa lyakawileho.Chipwe lunga umuwika kalilamwinyine mwene shina waze makweze kulakaji awana, waze achinyine hali tumelu. ¹⁸ Ndawichi yahilwisa yize yeswe A-Maleke ambachile; mba Ndawichi yapulula mapwo jenyi aali. ¹⁹ Yakuhi yatokele, hanji ikehe chipwe inene, hanji ana amalunga chipwe ana amapwo, hanji upite , chipwe yize yeswe mbunga yambachile ene. ²⁰ Ndawichi yahilwisa yeswe. Ndawichi yatambula e mapanga eswe nyi pembe nyi ngombe, waze atu atwalile kulutwe lya yimuna yikwo. yamba ngwo, "Uno we upite wa Ndawichi." ²¹ Ndawichi yeza kuli kulakaji aali amalunga waze kahashile kumukaula te hijahwa, waze amwe akwo asalile nyi kutwama ha chitwetwe cha Mbezole. Wano malunga yapatwiza Ndawichi nyi malunga waze apwile no. Muze Ndawichi ejile kuli wano atu, yameneka. ²² Mba yingulungulu nyi amokomoko waze ayile nyi Ndawichi yamba ngwo, " kutushi kwahana upite uze hitwahilwisa, mumu wano atu kayile ko nyi yetu. keshika, mutu mweswe manda pwo lyenyi nyi ana jenyi nyi kuya kwenyi." ²³ Mba Ndawichi yamba ngwenyi, "Kanda nulinga chocho, akwetu, nyi chize Yehova hanatwehe. Iye hanatufungu nyi kukunjika kuli yetu tujita waze ezanga nyi kulimika nyi yetu. ²⁴ Iya yoze mapanjika ha pande jino? Mumu chihanda chimuwika muchipwa cha yoze maya ku jita, nawa chihanda chimuwika muchipwa kuli yoze wasala nyi kufunga yuma; matambula chihanda chimuwika." ²⁵ Hichinapu chizechene chize ku tangwa lize ndo musono, mumu Ndawichi yachikolesa kupwa shimbi nyi chiyulo mu Yizalele. ²⁶ Muze Ndawichi ejile ku Zikilange, yatuma upite umwe kuli makulwana a ku Yunda, nyi kuli masepa jenyi, nyi kwamba ngwo,"Talenu, chawana chenu chino chize chinakatuka ku upite wa akakole ja Yehova." ²⁷ Yatuma upite ukwo kuli makulwana waze apwile mu Mbetele, nyi kuli waze apwile mu sule ya Lamote, nyi kuli waze apwile mu Yatili, ²⁸ nyi kuli waze apwile mu Aloele, nyi kuli waze apwile mu Sifemote, nyi kuli waze apwile mu Eshietemo. ²⁹ Yatuma ukwo upite kuli makulwana waze apwile mu Lakale, nyi kuli waze apwile mu chihunda cha Jalamila, nyi kuli waze apwile mu chihunda cha A-Kene, ³⁰ nyi waze apwile mu Holoma, nyi kuli waze apwile mu koloshane, nyi waze apwile mu Atashe, ³¹ nyi waze apwile mu Hepulone, nyi ku yihela yeswe yize Ndawichi nyi malunga jenyi endanganyine.