¹ Hamatangwa waze A-Filisitiya yakungulula tujita eswe hamwe hanga akase jita nyi a Yizalele. Akishe yamba kuli Ndawichi," pundu unyingike ngwo muya nyi yami ku jita, yena nyi malunga je." ² Ndawichi yamba kuli Akishe, " Muze hichapwa chocho, mukanyingika chize kavumbi kenu mahasa kulinga." Akishe yamba kuli Ndawichi, "Mba mungukupwisa kalayi kami myaka yeswe ya mwono we." ³ Mba Samwele te hanafu, mba akwa Yizalele yamulila nyi kumufunda mu Lama, mu chihunda chenyi. Nawa te saulu hanachiza muchihunda eswe waze akwa mahamba nyi yimbanda. Mba ⁴ A-Filisitiya yalikungulula hamwe yeza nyi kusa chilombo cho ku Shuneme; mba Saulu yakungulula A-Yizalele eswe hamwe, yasa chilombo cho ha Ngimboa. ⁵ Muze Saulu wamwene maswalale ja A-Filisitiya, wevwile woma, nyi mbunge yenyi yachikimine chikolo. ⁶ Saulu yalemba kuli Yehova hanga amukwase, alyoze yehova kamukumbulwile - chipwe ku yilota, chipwe ku ulimi, chipwe kuli kapulofeta. ⁷ Mba Saulu yamba kuli tuvumbi jenyi, "Ngufupilenu wapwo umwe yoze mukwa mahamba, Chocho ngukaye kuli iye nyi kumuhula." Tuvumbi jenyi yamba kuli iye, "Talenu, kwali wapwo umwe mu Endo yoze mukwa mahamba." ⁸ Chocho Saulu yalihipula, yazala mazalo eka mba yaya, iye hamuwika nyi malunga jenyi aali. Yaya kuli mwe pwo ufuku. Yamba ngwenyi, "Ngunazange unguhulile nyi shipilitu mba ukangunehene mweswawo mungutongona." ⁹ Mwe pwo yamba kuli iye, "Talenu, nunanyingika chize Saulu halinga, chize hahanga mu chihunda akwa mahamba nyi yimbanda. Mba kuchi te unate muheto mu mbunge yami ukangushihe?" ¹⁰ Saulu yalishinga nyi Yehova kuli iye nyi kuhanjika ngwenyi, "Yehova nyi mwono wenyi, kechi kakaufwetesa ha chino chuma." ¹¹ Mba mwe pwo yamba ngwenyi, "Iya yoze munguneha kuli yena?" Saulu yamba ngwenyi, "Ngunehene Saulu." ¹² Muze pwo yamona Samwele, yateta nyi liji linene nyi kuhanjika kuli Saulu, ngwenyi, "Kuchi te wangwonga? Mumu yena Saulu. ¹³ Mwanangana yamba kuli iye, "Kanda wivwa woma. yika unamono?" Mwe pwo yamba kuli Saulu, "Ngunamono umwe zambi kanavumbuka hashi." ¹⁴ Yamba kuli yoze pwo, "Kuchi anasoloka?" Yamba ngwo, "Umwe mukulwana wa lunga kanavumbuka; kanazala hina lya ngungu." Saulu yanyingika ngwo wapwile Samwele, mba yafulamana nyi ku hetamina meso jenyi hashi mba yamuwayila. ¹⁵ Samwele yamba kuli Saulu, "Kuchi te hiwangusakalisa nyi kunguvumbula?" Saulu yakumbulula ngwenyi, "Ngunapinji chikolo, mumu A-Filisitiya kanase jita nyi yami, mba Zambi hanguhichika nawa kechi kungukumbulula yami nyi chimwe, chipwe ku tupolofeta, chipwe ku yilota. Keshika hinasanyika yena, hanga ungulweze chize changutamba yami kulinga." ¹⁶ Samwele yamba ngwenyi, "Nyi Yehova hana kumbu nyima, hanalumuka mukwa kole kuli yena kuchi te unanguhula yami? ¹⁷ Yehova halinga kuli yena chize ambile ngwo makalinga. Yehova hanachangumuna wanangana mukwo lye mba hanauhana kuli mutu weka - kuli Ndawichi. ¹⁸ Mumu kwononokene liji lya Yehova nawa kuwalingile ufwatulo wenyi usasu hali A-Meleki, mba iye halinga chino kuli yena musono. ¹⁹ Yehova makunjika Yizalele hamuwika nyi yena mu kwoko lya A-Filisitiya, hamene yena nyi ana je amalunga mapwa hamuwika nyi yami. Yehova makunjika tujita ja Yizalelel mu kwoko lya A-Filisitiya." ²⁰ Mba Saulu yalimbuka hashi miololo mba wevwile woma wunji mumu ha maliji ja Samwele. Keshi nawa nyi tachi, mumu te kalile nyi chimwe mwalwa weswe, chipwe ufuku weswe. ²¹ Mwe pwo yeza kuli Saulu yamona chize hamupinjisa chikolo, yamba kuli iye, "Talenu, kavumbi wenu wa pwo kapanjikanga ku liji lyenu; hinasa mwono wami mu kwoko lyami nyi kupanjika ku maliji waze nwambanga kuli yami. ²² Keshika, ngunalyumbu kuli yenu, nyi yenu panjikenu ku liji lya kavumbi wenu wa pwo, ngutayizenu nguse kulya kumeso jenu. Nulye hanga nupwe nyi tachi muze munuya kwenu. " ²³ Alyoze Saulu yalituna nyi kwamba ngwenyi, "Chichi kulya."Alyoze tuvumbi twenyi, hamwe nyi mwe pwo, yamushinjila, mba yapanjika ku maliji jo. Chocho yakatuka hashi mba yatwama ha muhela. ²⁴ Mwe pwo te kali nyi ngombe wa maji mu zuwo lyenyi; yamushiha fuji fuji, yanda wunga, yachika, yalinga mbolo kuyishi futunwiso. ²⁵ Yamunehena Saulu nyi tuvumbi twenyi, ayo alile. Mba yakatuka nyi kuya ufuku uze wene.