¹ Mba Samwele wafwile. A-Yizalele eswe akungulukile hamuwika nyi kumulila, mba yamufunda mu zuwo mu Lama. Mba Ndawichi yakatuk yaya ku puya ya Palane. ² Kwapwile lunga umwe mu Moane, yoze upite wenyi wapwile mu tumelu. Mwe lunga wapwile pichi. Wapwile nyi tununu atatu a mapanga nyi kanunu ka pembe. Te kanatewula mapanga jenyi mu kamelu. ³ Jina lya mwe lunga wapwile Nambale, nyi jina lya pwo lyenyi lyapwile Ambingale. Yono mwanapwo te mukwa mana aanji nawa te mupema mukusoloka. Alyoze lunga wapwile mukwa kuvutuka nawa walingile yipi mu yilinga yenyi. Wapwile wakumunyachi wa mu zuwo lya Kalembu. ⁴ Ndawichi yevwa mu puya ngwo Nambale kanatewula mapanga jenyi. ⁵ Chocho Ndawichi yatuma makweze makumi. Ndawichi yamba kuli makweze ngwenyi, "Yenu ku Kamela, nukaye kuli Nambala, numumeneka mu jina lyami. ⁶ Munwamba kuli iye, 'Nukatwame mu yuma yipema. Sambukila kuli yena nyi sambukila kuli zuwo lye, nawa sambukila yikapwe kuli yeswe yize uli nayo. ⁷ Ngunevu ngwo uli nyi akwa kutewula mapanga. Tufunga je apwile nyi yetu, kutwalingile chipi, kahonene nyi chimwe shimbu yize apwile mu Kamelu. ⁸ Hula akweze je, makulweza. Keshika akweze jami akawane vumbi kumeso je, mumu hitweza ha tangwa lya kuwaha. Hana kama cheswacho uli nacho kuli wano tuvumbi twe nyi kuli Ndawichi mwane.'" ⁹ Muze akweze ja Ndawichi ahetele, yamba yeswe yino kuli Nambala mu jina lya Ndawichi mba yashimbwila. ¹⁰ Nambala yakumbulula tuvumbi ja Ndawichi, " Ndawichi mwe iya, nawa mwana wa Yese iya? Tuvumbi aanji wano matangwa kakuchina akako. ¹¹ Te mungwanda mbolo yami nyi meya jami nyi yifwo yami yize hingunashihila akwa kutewula jami, nyi kuhana kuli malunga waze chanyingikine kuze anakatuka nyi?" ¹² Chocho akweze ja Ndawichi yatewuluka nyi kuhiluka, mba yamulweza yeswe yize ahanjikanga. ¹³ Ndawichi yamba kuli malunga jenyi, "Mutu mweswe alipakate katana kenyi." Chocho mutu mweswe yalipakata katana kenyi. Ndawichi neye yalipakata katana kenyi. Ngwe malunga kulakaji awana akawile Ndawichi, nyi kulakaji aali asalile nyi yikwata. ¹⁴ Alyoze umwe mukweze yalweza Ambingale, pwo lya Nambala; yamba ngwo, "Ndawichi watumine mikeji kukatuka ku puya akameneke mwata wetu, alyoze iye yaachoka. ¹⁵ Alyoze malunga atulingile chipema chikolo. Katulingile nyi chipi chimuwika nawa kutwakatokesele nyi chimuwika shimbu twayile no muze twapwile mu mawande. ¹⁶ Apwile ngwe chipanga chakutunga kuli yetu ufuku nyi mwalwa, shimbu yeswe twapwile no hakufunga mapanga. ¹⁷ Keshika nyingika chino unyonge chize mulinga, mumu kananyongo kulinga chuma chipi kuli mwata wetu, nyi kuli akwa zuwo lyenyi eswe. Wakuhi mahasa kuhanjika nenyi mumu ha kupiha chenyi." ¹⁸ Mba Ambingale yaya fuji mba yambata kulakaji aali a mbolo, tuku jaali ja vinyu, mapanga atano akuhangula kulu, nyi njongo jitanu ja mboto yumu, nyi kulakaji ya yichakata ya uva jumu, nyi kulakaji aali a yandanda ya mukuyu, yayisa hali yimbulu. ¹⁹ Yamba kuli akweze jenyi, "Yenu kulutwe lya yami, nawa mungunukawula." Alyoze kalwezele lunga lyenyi Nambala. ²⁰ Muze te kanende ha chimbulu nyi kupalumukina mushi lya mulundu, Ndawichi nyi malunga jenyi te kaneza kuli iye, yatakana no. ²¹ Mba Ndawichi yamba ngwenyi, "Pundu nafungile yuma yino yeswe mu puya, nyi chimwe chatokele hali yuma yeswe yize apwile nayo, kuchamulumbunukine nawa kananguhilwisa yipi ha yipema yami. ²² Yehova akalinge chocho kuli yami, Ndawichi, nyi kuhyanaho, nyi ngo hachimenemene mungukahichikaho lunga umwe wa kuli atu jenyi." ²³ Muze Ambingale yamona Ndawichi, Yaya fuji nyi kusunuka ha chimbulu chenyi yafulamana kumeso ja Ndawichi nyi kuhetamina hashi. ²⁴ Yafulamana ku yilyato yenyi nyi kwamba ngwo, "Mwene wami, we uhenge , ukapwe hali yami wika. Ngutayile kama yami kavumbi kenu ahanjike kuli yenu, mba nupanjike kuma liji ja kavumbi kenu. ²⁵ Mwene wami kanda unyonga yono mukwa kupiha, Nambala, ngwe chizechene jina lyenyi lyapwa, chocho neye apwa. Nambala lye jina lyenyi, mba uhepuke kali nawo. Alyoze yami kavumbi kenu chamwene akweze ja mwene wami, waze nwatumanga. ²⁶ Keshika, mwene wami, nyi mwono wa Yehova, nyi mwono wa yenu nawa, mumu Yehova hananukwika ku uhye wa manyinga, nukalikale nyi kwoko lya yenu mwene, akwa kole jenu, nyi waze akufupa kulinga chipi hali mwene wami, akapwe ngwe Nambala. ²⁷ Mulambu wuno yoze kavumbi kenu haneha kuli mwene wami akauhane kuli akweze waze akukawula mwene wami. ²⁸ Konekenenu kama mulonga wa kavumbi kenu, mumu pundu Yehova kumakakolesa zuwo lya mwene wami, mumu mwene wami kanase jita ya Yehova; chipi kechi kachiwana muli yenu matangwa eswe a mwono wenu. ²⁹ Chipwe malunga makatuka akahange yenu hanga akanushihe, alyoze mwono wa mwene wami kumukapwa waku kashila mu chichita cha akwa mwono wa kufunga kuli Yehova Zambi yenu; mba mwono wa akwa kole jenu kumakaumbila ngwe kakukonga, ngwe kukatuka liwe mu chikapa chakukonga nacho mawe. ³⁰ Mba Yehova halinga kuli yenu nyi kulita nyi yipema yeswe yize hanambe hali yenu, mba hanasakula yenu kupwa mukwa lutwe hali Yizalele. ³¹ Chino kuchishi kapwa cha kupinjisa yenu mumu ha kumwanga manyinga hakuhona chitela, hanji mumu mwane wami wafupile kulilamwina mwene. Mumu muze Yehova malinga chipema kuli mwene wami, nungwiuluke yami kavumbi kenu." ³² Ndawichi yamba kuli Ambingale, "Yehova, mwe Zambi wa Yizalele, afumane, yoze wakutumanga kutupatwiza musono. ³³ Mana je akawahe nyi yena mwene ukawahe, mumu wangukwikanga ku uhye wa manyinga ha kulikala yami mwene nyi kwoko lyami! ³⁴ Mumu mu umwenemwene, ngwe Yehova, Zambi ya Yizalele, watwama nyi mwono, yoze wangukwikanga yami kukulinga chipi, nyi kachi watambukile kungupatwiza, pundu kachi hakucha kwasalileho nyi umwe kuli Nambala chipwe walunga kemba." ³⁵ Chocho Ndawichi yatambula ku kwoko lyenyi yeswe yize amunehenene; yamba kuli iye, "Yako nyi sambukila ku zuwo lye; tala, hinevwila ku liji lye nawa hinakutayiza." ³⁶ Ambingale yahiluka kuli Nambala; talenu, iye te halinga muzumbu mu zuwo lyenyi, ngwe muzumbu wa mwanangana; mba mbunge ya Nambala yinawahilila, mumu te kanazengewa. Chocho iye kamulwezela nyi chimwe ndo hikwacha. ³⁷ Chapwile mu chimenemene, muze vinyu hiyamwecha Nambala, pwo lyenyi yamulweza yino yuma; mbunge yenyi yiyifwa mu muchima wenyi, mba yapwa ngwe liwe. ³⁸ Muze matangwa kumi hapalika Yehova yalamba Nambala yafwa. ³⁹ Muze Ndawichi evwile ngwo Nambala hafwa, yamba ngwenyi, "Kawaha Yehova, yoze hafweta sau lize natambwile kuli nambala mba hakwika kavumbi kenyi kulinga chuma chipi. Halumuna yilinga yipi ya Nambala kuhiluka ha mutwe wenyi." Mba Ndawichi yatuma nyi kuya nyi kuhanjika nyi Ambingala, hanga amumbate iye kupwa pwo lyenyi. ⁴⁰ Muze tuvumbi twa Ndawichi ejile kuli Ambingale ku Kamelu, yamba kuli iye ngwo, " Ndawichi hatutuma yetu kuli yena tukakutende uye kuli iye ukapwe pwo lyenyi." ⁴¹ Ya katuka, yahetamina meso jenyi hashi, nyi kwamba ngwo, "Talenu, kavumbi wenu wapwo hanapu kavumbu wakusanyisa yilyato ya tuvumbi twa mwene wami." ⁴² Ambingale yakatuka fuji, yatambuka ha chimbulu hamuwika nyi tuvumbi jenyi atano amapwo waze amukawile; mba yakawula mikeji ya Ndawichi mba yapwa pwo lyenyi. ⁴³ Keshika Ndawichi wambachile Ahinoame Ka-Yezelele kupwa pwo lyenyi; eswe aali apwile ma pwo jenyi. ⁴⁴ Nawa, Saulu wahanyine mwanenyi wapwo Mikale, pwo lya Ndawichi, kuli Pati mwana wa Laishe wa ku Ngalimi.