¹ Muze Saulu hahanga A-Filisitiya hahiluka, yamulweza ngwo, "Ndawicih kali mu puya ya Engendi." ² Mba Saulu yambata tununu atatu amalungu asakula kuli A-Yizalele mba yaya nyi kufupa Ndawichi nyi malunga jenyi kulutwe lya liwe lya pembe muyambu. ³ Mujila yaheta kulimba lya mapanga,kuze kwapwile chivwenge. Mba Saulu yanjilamo nyi kutwama hashi. halyapwila Ndawichi nyi malunga jenyi te kanatwama hasuku kunyima mukachi ya chivwenge. ⁴ Malunga ja Ndawichi yamba kuli iye, "Lino lye tangwa lize Yehova wambile kuli yena ngwo, 'Mungukakunjika akwa kole je mu kwoko lye, mba muhasa kulinga cheswacho chinakupemena."' Mba Ndawichi yakatuka yateta ku lupula wa hina lya Saulu muze mwene te kachinyingikine. ⁵ Kulutwe Ndawichi yalikonyeka mu mbunge mumu watetele ku lupula wa hina lya Saulu. ⁶ Yamba kuli malunga jenyi, "Yehova angukanjise kulinga chino chuma kuli mwata wami, Yehova hanamuwasa nyi maji, ngwolole kwoko lyami nyi kulimika nenyi, muze te yehova hanamuwayisa." ⁷ Chocho nyi maliji ano Ndawichi wakunwine malunga jenyi, nawa kawatayijile kulamba Saulu. Saulu yakatuka, yahichika chivwenge, mba yaya kwenyi. ⁸ Chocho Kulutwe, Ndawichi yakatuka, yahichika chivwenge, mba yasanyika Saulu: "Mwene wami mwanangana." Muze Saulu ya tala kunyima yenyi, Ndawichi te kanahetamina hashi nyi kumulemesa. ⁹ Ndawichi yamba kuli Saulu, "Kuchi te wakwivwila kuli malunga waze akwamba ngwo, 'Tala, Ndawichi kanafupu kukulinga chipi?' ¹⁰ Musono meso jenu hamona chize Yevoha wanukunjikanga yunu mu kwoko lyami muze twapwanga mu chivwenge. Amwe yangulweza kukushiha yena, alyoze chanushihile. Nambanga ngwami, 'Chichi kwolola kwoko lyami hali mwene wami; mumu hanamuwayisa kuli Yehova.' ¹¹ Tala, tata, tala lupula wa hina lyenu mu kwoko lyami. Natetanga lupula wa hina lyenu chanushihile , keshika nunyingike nyi kumona ngwenu kutwamine chipi chipwe utanguko ku kwoko lyami, mba chavulumwine kuli yenu, chipwe yenu nwangu hangisanga hanga nu kangushihe. ¹² Yehova apatule hakachi ka yami nyi yenu, Yehova angukale hali yenu, alyoze kwoko lyami kulichi kulimika nyi yenu. ¹³ Ngwe chizechene chishima chamakulwana ngwo, 'Muli chingulungulu mwakukatuka ungulungulu.' Alyoze kwoko lyami kulichi kalimika nyi yenu. ¹⁴ Mwanangana wa Yizalele nunahanga iya? Yoze nunamuhange iya? Kawa yoze hanafu! Hanji kachipu! ¹⁵ Keshika Yehova apatule nyi kutwaha upatwilo hakachi ka yami nyi yenu, achimone, anguhakwile hanga angutaize kulilamwina kukatuka ku kwoko lye." ¹⁶ Muze Ndawichi hahwisa ku hanjika wano maliji kuli Saulu, Saulu yamba ngwenyi, "Lino lye liji lye, mwanami Ndawichi nyi?" Saulu yalila mbimbi. ¹⁷ Yamba kuli Ndawichi, "Yena unanguhyana ululi yami. Mumu yena wakungulingila yipema, alyoze yami nakungulingila yipi. ¹⁸ Musono wangulweza chize wangulinga yipema, mumu kwangushihile muze Yehova wangukunjikanga mu keke ye. ¹⁹ Mumu nyi mutu umwe mawana mu kwa kole wenyi, te ma mwecha kuya nyi mwono nyi? Keshika Yevoha akakufwete yipema mumu ha chize walinganga hali yami musono. ²⁰ Keshika, hinanyingika ngwami pundu kumuopwa mwanangana nyi wanangana wa Yizalele mu ukola mu kwoko lye. ²¹ Keshika Ulishinge kuli yami mu jina lya Yehova ngwo kuchi ku teta munyachi wami, nawa kuchi kujimisa jina lya yami kukatuka mu zuwo lya tata. ²² Chocho Ndawichi yalishinga kuli Saulu. Mba Saulu yaya ku zuwo lyenyi, alyoze Ndawichi nyi malunga jenyi yakanduka yaya mu mbonge yo.