¹ Samwele yamba kuli Saulu ngwenyi, Yehova wangutumine hanga ngukuwahise ngukupwise mwanangana hali atu jenyi. Halyapwila ivwenu ku liji lya Yehova. ² Yehova wa tujita hanambe chino, ' Hingunamono chize Ameleke hanalingi ku Isalele hakulimika mu jila, muze akatukile ku Engitu. ³ Halyapwila yenu nukalambe Ameleke nyi kwenyeka yeswe yize ali nayo. Kanda nuevwila keke, alyoze shihenu malunga nyi eswe mapwo, twanike nyi akwa kwamwa, ngombe nyi mapanga, tumelu nyi yimbulu."' ⁴ Saulu yasanyika atu nawa yawalula mu mbonge ya Telaime- kulakaji aali atununu amaswalale a kwenda hanshi, nyi kumi lya tununu amalunga a ku Yunda. ⁵ Mba Saulu yeza ku mbonge ya Ameleki nawa yashimbwila mu chikulo. ⁶ Keshika Saulu yamba kuli A- Kene, " , katuka, katuka muli akwa Ameleki, hanga ngushi kakwenyeka hamuwika nyi yena. Mumu yena hunalingila nyi vumbi kuli a Izalele, muze akatukile mu Engitu. " Chocho A- Kene akatukile kuli akwa Ameleki. ⁷ Mba Saulu yalamba akwa Ameleki, chize ku Havila ndo ku heta nyi ku Shule, kwatalangana nyi Engitu. ⁸ Mba Yambata Angange mwanangana ya akwa Amaleki wa mwono; yanongesa atu eswe nyi katana. ⁹ Alyoze Saulu nyi atu ya muvwila keke Angange, hamuwika nyi mapanga waze apema nyi ngombe, nyi ana ja ngombe waze akutohwa amaji hamuwika nyi mapanga. yuma yeswe yipema, kayenyekele ko. Alyoze enyekele yuma yeswe yize yapwile yipi nyi yamokomoko. ¹⁰ Henaho liji lya Yehova lyejile kuli Samwele, kwamba ngwo, ¹¹ " Hinalikonyeka ha ku pwisa Saulu mwanangana, mumu hanalitwamina kungukaula yami nawa kalingile shimbi yami. " Samwele yatenuka; yateta kuli Yehova ufuku weswe. ¹² Samwele yakatuka kawashi nyi kuya nyi kutakana Saulu chimenemene. Samwele yamulweka ngwenyi, " Saulu kezanga ku Kamela yalisela luliwe lwa kumwiuluka, mba yalumuka yapalumuka ku Ngilingali." ¹³ Mba Samwele yeza kuli Saulu, nyi Saulu yamba kuli iye ngwenyi, " Yehova anuwahise! Hinalinga shimbi ja Yehova." ¹⁴ Samwele yamba ngwenyi, " Mba kuteta cha mapanga nyi kuteta cha ngombe chize ngunevu kuchi chinalumbunuka?" ¹⁵ Saulu yakumbulula ngwenyi, " E aze atambwile kuli Ameleki. Mumu atu alamwinyine yimuna yipema a mapanga nyi ngombe, hanga akalambule kuli Zambi ye. Yize yikwo hitwa yonwona. " ¹⁶ Henaho Samwele yamba kuli Saulu, "Shimbwila, mba mungukulweza chize Yehova mangulweza ufuku uno." Saulu yamba kuli iye, " Hanjika!" ¹⁷ Samwele yamba ngwenyi, " Chipwe yena mwene walimwene mukehe hindu akupwishile mu kwalutwe wa minyachi ya Izalele nyi ? Keshika Yehova wakuwayishile mwananga wa Izalele, ¹⁸ mba Yehova wakutumine kuya nyi kwamba ngwo, ' Yako nawa ukonwone akwa kuvulumuna, akwa Ameleki, nawa ukase jita no ndo ukawashihe. ' ¹⁹ kuchi te kuwononokene ku liji lya Zambi, alyoze wapunjile upite nyi kulinga chipi kumeso ya Yehova?" ²⁰ Henaho Saulu yamba kuli Samwele," Yami hinonoka ku liji lya Yehova, nawa hinenda mu jila yize Yehova wangutumine. Hi na mukwata Angange, mwanangana wa Amaleki, mba hinanongesa akwa Ameleki. ²¹ Alyoze atu ambachile upite umwe wa mapanga nyi ngombe, nyi yipema hakachi ka yuma yakujilika, yakulambula kuli Zambi ye mu Ngilingali." ²² Samwele yakumbulula ngwenyi, " Te Yehova ka kuwahila mu milambu yakulumba nyi yitapo, nyi kakuwahilila nyi waza mamononokena? Kwononoka kuchahyana kulambula yitapo, nawa kupanjika chahyana ku hana maji amapanga. ²³ Mumu kukolema kuchapwa ngwe mulonga wa umbanda, nawa upama kuwapwa ngwe uhenge nyi kukombelela. Mumu hiwalituna ma liji ja Yehova, nawa aye hanalitunu yena kuchi kupwa mwanangana." ²⁴ Mba Saulu yamba kuli Samwele," Hinavulumuna; mumu hinahokola shimbi ja Yehova nyi ma liji je, mumu ngunakevwa woma wa atu nyi kwononokela liji lyo. ²⁵ Halyapwila, ngunalyumbu ngukonyekele mulonga wami, nawa nwize nyiyami hanga ngukawayile Yehova." ²⁶ Samwele yamba kuli Saulu, " Nguchi kuhiluka hamuwika nyi yena; mumu hiunalitunu liji lya Yehova, nawa Yehova hanalitune yena kupwa mwanangana hali akwa Izalele." ²⁷ Muze Samwele walumukine hanga akatuke, Saulu yakwata ku songo lya hina lyenyi, yalisonyoka. ²⁸ Samwele yamba kuli Iye, " Yehova hasonya wananga wa Izalele kuli yena musono nawa hauhana kuli mukwo mukwenu, mupema kuhyana yena. ²⁹ Nawa, mwe Mulemu wa Izalele kechi kwamba mahuza chipwe akalikonyeke; mumu iye hi mutu ko, akalikonyeke." ³⁰ Mba Saulu yamba ngwenyi, "Hinavulumuna. Alyoze nungulemese kama kumeso ja makulwana a atu jami nyi kumeso ja Izalele. Hilukenu nwize nyi yami, hanga ngukawayile Yehova Zambi ye." ³¹ Chocho Samwele yakaula Saulu, nawa Saulu yawayila Yehova. ³² Mba Samwele yamba ngwenyi, "Nehe Angange mwanangana wa Ameleki kuno. " Angange yaya kuli iye wakukasa nyi malenge nyi kwamba ngwo,"chamwenemwene usasu wa kufwa hiunapalika." ³³ Samwele yakumbulula ngwenyi, " Chizechene katana ke hikanapwisa mapwo kwakuhona aana, chocho noko mapwa hakachi ka mapwo keshi nyi aana." Chocho Samwele yateta Angange mu tuyipinji kumeso ya Yehova ku Ngilingali. ³⁴ Samwele yaya ku Lama, nawa Saulu yakanduka ku zuwo lyenyi lyapwile ku Ngimbya ya Saulu. ³⁵ Samwele kejile nyi kumona nawa Saulu ndo ku tangwa lya kufwa chenyi, mumu yalinyenga ha kufwa cha Saulu. Yehova yalikonyeka hakupwisa Saulu mwanangana hali Izalele,